BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان ەكونوميكاسىندا شوب ۇلەسى 45% قۇرايدى – ساراپشى

فوتو: ашық дереккөзден

جۇرگىزىلگەن زەرتتەۋگە سايكەس، ەل ەكونوميكاسىنداعى شاعىن جانە ورتا بيزنەس ۇلەسى 45% قۇرايدى. بۇل جونىندە «باسەكەگە قابىلەتتى بيزنەس – باسەكەگە قابىلەتتى ەكونوميكا» اتتى بيزنەس وكىلدەرىمەن كەزدەسۋ بارىسىندا قر ستراتەگيالىق باستامالار ورتالىعىنىڭ (csi) جوبالار جونىندەگى ديرەكتورى باقىتجان ساركەەۆ مالىمدەدى، دەپ حابارلايدى baq.kz ٴتىلشىسى.

«بۇگىنگى كۇنى استانا قالاسى شاعىن جانە ورتا بيزنەستى دامىتۋ بويىنشا كوش باستاپ تۇر. الايدا، بيزنەستىڭ ۇلەسى ٴالى دە از. ٴبىز نەگە ٴرۋبلدىڭ قۇلدىراۋىنا، دوللاردىڭ قىمباتتاۋىنا تاۋەلدى بولۋ كەرەكپىز؟ نەگە ٴبىز سىرتقى ساياساتقا باعىنىشتىمىز؟ مۇنىڭ بارلىعى ٴبىزدىڭ ەكونوميكامىزدىڭ تۇراقسىزدىعىن كورسەتەدى. ەكونوميكاداعى شاعىن جانە ورتا بيزنەستىڭ ۇلەسى 50% جەتكەن كەزدە عانا ەكونوميكامىز تۇراقتى بولماق. ال قازىرگى ۋاقىتتا بۇكىل ەل بويىنشا بۇل كورسەتكىش نەبارى 27% قۇراپ وتىر. ال استانا قالاسى بويىنشا ەكونوميكاداعى شوب ۇلەسى 45%»، - دەگەن ستراتەگيالىق باستامالار ورتالىعىنىڭ وكىلى بۇل كورسەتكىشتى مەيلىنشە ارتتىرۋ قاجەتتىلىگىن باسا ايتتى.

ونىڭ پىكىرىنشە، ەلوردادا وڭدەۋشى ونەركاسىپ سالاسىندا مەيلىنشە كوپ شوب پايدا بولسا، قالا ٴوزىن-وزى تولىقتاي دەرلىك قامتاماسىز ەتەتىن بولادى.

«ەگەر، رەسپۋبليكا بويىنشا قارايتىن بولساق، شاعىن ورتا بيزنەستىڭ 23% قۇرىلىس سالاسىندا، 20% ساۋدا سالاسىندا جۇمىس جاسايدى. ياعني، جارتىسىنا جۋىعى نە قۇرىلىسپەن، نە ساۋدامەن اينالىسىپ جاتىر. نەبارى 13،4% عانا وڭدەۋشى ونەركاسىپ سالاسىندا جۇمىس جۇرگىزىپ جاتىر. بىزگە ٴدال وسى وڭدەۋشى ونەركاسىپ سالاسىنداعى شاعىن جانە ورتا بيزنەس وكىلدەرىنىڭ سانىن ارتتىرۋ قاجەت. سەبەبى، ٴبىز ۇنەمى يمپورتقا تاۋەلدى بولا المايمىز»، - دەدى csi ديرەكتورى.

باقىتجان ساركەەۆتىڭ مالىمەتى بويىنشا، رەسپۋبليكا بويىنشا ەكسپورتقا شىعارىلاتىن تاۋارلاردىڭ 90% مۇناي مەن مەتالل بولسا، يمپورتتالاتىن تاۋارلاردىڭ 70% وڭدەۋشى ونەركاسىپ تاۋارلارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي