kazakh invest: قازاقستان – 500 ملن تۇتىنۋشىسى بار نارىق

فوتو: Нұржас Жақсыбай

استانا، baq.kz ٴتىلشىسى. قازاقستان-سلوۆاكيا «ىسكەرلىك كەڭەس» بيسنەس-فورۋمىندا «kazakh invest» ۇك» اق باسقارما ٴتوراعاسىنىڭ ورىنباسارى مارات ٴبىرىمجان شەتەلدىك ينۆەستورلاردى تارتۋداعى ەلىمىزدىڭ باسىم تۇستارىنا توقتالدى.

«قازاقستانعا ينۆەستيسيا تارتۋ كەزىندە ٴبىز ەلىمىزگە اقشا بولۋدەگى ماڭىزدى مىنا تۇستارىن اتايمىز. بىرىنشىدەن، ەلىمىز – وتە ىڭعايلى ستراتەگيالىق لوكاسيادا ورنالاسقان. مەملەكەت باسشىسى ايتقانداي، ٴبىز ەكى ٴىرى مۇحيتتىڭ قىتاي مەن رەسەيدىڭ ارالىعىندا ورنالاسقانبىز. بىزگە ينۆەستور بولعىسى كەلەتىن ەل قىتاي مەن رەسەيدىڭ، ەۋرازيالىق ەكونوميكالىق قاۋىمداستىق ەلدەرىندە جوق نىراققا كىرە الادى. مۇندا ايتا كەتەتىن جايت، قازاقستان تەك 18 ملن ادامى بار نارىق ەمەس. قازاقستان – 500 ملن تۇتىنۋشىسى بار نارىق. 180 ملن – ەۋرازيالىق ىنتىماقتاستىق ىنتىماقتاستىق اياسىنداعى ەلدەر جانە 50 ملن قازاقستاننىڭ وڭتۇستىگىندەگى كورشىلەس وزبەكستان، تاجىكستان، قىرعىستان ت.ب. ەلدەر، سونىمەن قاتار شىعىسىندا قىتايدىڭ باتىسىنداعى 300 ملن ادام. مىنە، بۇل – وتە اۋقىمدى نارىق. بىزدە تاۋارلار، قىزمەتتەر جانە ادامدار كەدەن سالىعىنسىز ارەكەت ەتىپ، ينۆەستورلار ٴوز تاۋارىن ەركىن ساتا الادى»، - دەپ باستادى مارات ٴبىرىمجان.

ايتۋىنشا، قازاقستان قىتاي-باتىس ەۋروپا ترانزيتىنەن مول تابىس تابادى. سونىمەن قاتار، سپيكەر كەز كەلگەن شەتەلدىك ينۆەستور تاۋارىن ەلىمىز ارقىلى تەز جەتكىزە الاتىنىنا توقتالدى.

«ەكىنشىدەن، كولىك ينفراقۇرىلىمدارى. قازاقستان ارقىلى وتەتىن ترانزيت ارزان. ەلدەگى كولىك ينفراقۇرىلىمىن دامىتۋعا ارنالعان «نۇرلى جول» ۇلتتىق باعدارلاماسى اياسىندا مەملەكەتتىك جانە شەتەلدىك ينۆەستيسيانىڭ كولەمى - 6 ترلن تەڭگە، شامامەن 18 ملرد دوللار. بۇل ينفراقۇرىلىم ارقىلى شىعىس قىتاي مەن باتىس ەۋروپا اراسى جالعاسادى. 10 مىڭ كم جولدىڭ 3 مىڭ كم قازاقستان جەرى ارقىلى وتەدى دەپ ەسەپتەپ كورگەندە دە، قازاقستاننىڭ ماڭىزدىلىعىن ايقىن كورسەتەدى. وسى جول ارقىلى قىتايدان ەۋروپاعا جانە كەرىسىنشە تاۋار 10-12 كۇن جەتەدى، ال تەڭىز ارقىلى 45 كۇندە بارادى. ارينە، تەڭىز جولى ارقىلى ارزان. دەگەنمەن ماسەلە – 10-12 كۇندە بىرنەشە كولەمدە تاۋار جەتكىزۋگە بولاتىنىندا»، - دەدى ول.

سونداي-اق سپيكەر قازاقستاننىڭ بيزنەس باستاۋعا قولايلى ەلدەردىڭ رەيتينگىندەگى پوزيسياسىن دا اتاپ ٴوتتى.

«بيزنەس ەنگىزۋگە توقتالساق، قازاقستان الەمدەگى بيزنەسكە قولايلى 190 ەلدىڭ ىشىندە 28-ورىندا تۇر»، - دەپ ٴبولىستى kazakh invest وكىلى.

ٴقازىر ەلوردادا قر پرەمەر-مينيسترى باقىتجان ساعىنتايەۆ پەن سلوۆاكيا پرەمەر-مينيسترى پەتەر پەللەگريننيدىڭ قاتىسۋىمەن قازاقستان-سلوۆكيا «ىسكەرلىك كەڭەس» بيسنەس-فورۋمى باستالدى. فورۋمعا قازاقستان مەن سلوۆاكيا بيزنەس قاۋىمداستىعىنىڭ 120-عا جۋىق وكىلى قاتىسىپ جاتىر.

بيسنەس-فورۋمعا كەلگەن سلوۆاكيالىق «coloseo eas» كومپانياسىنىڭ باس ديرەكتورى يان دجەنكا قازاقستان نارىعىنداعى جوبالىرىمەن ٴبولىستى.

فورۋم اياسىندا ينۆەستيسيا تارتۋ، كولىك-ترانزيت ىت-تەحنولوگيالار جانە يننوۆاسيالار، سونداي-اق اگروونەركاسىپتىك كەشەن سالالارى بويىنشا ەكى ەل اراسىنداعى ەكىجاقتى ساۋدا-ەكونوميكالىق ىنتىماقتاستىقتى نىعايتۋ ماسەلەلەرى تالقىلانادى.

بيزنەس فورۋمنىڭ قورىتىندىسى بويىنشا ينۆەستيسيالاردى ىنتالاندىرۋ جانە ٴوزارا قورعاۋ تۋرالى ۇكىمەتارالىق كەلىسىمگە قول قويىلادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!