BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان – سلوۆەنيا بيزنەس فورۋمىندا ٴبىرقاتار كەلىسىمگە قول قويىلدى

فوتو: ашық дереккөзден

اتالعان ىسكەرلىك فورۋم اياسىندا استانادا قازاقستان – سلوۆەنيا بيزنەس كلۋبىنىڭ ٴوفيسى اشىلدى، دەپ حابارلايدى baq.kz اقپارات اگەنتتىگى.

فورۋمعا ەكى ەلدىڭ ىسكەرلىك ورتالارىنىڭ 60-تان استام وكىلدەرى قاتىستى.

«سلوۆەنيانىڭ ەۋروپا ورتالىعىندا ورنالاسقان جانە اۆستريا، يتاليا، ماجارستان جانە حورۆاتيا ەلدەرىمەن شەكارالاس. بۇل سلوۆەنيانىڭ سولتۇستىك پەن وڭتۇستىك، باتىس پەن شىعىس اراسىندا كوپىر ىسپەتتەس ەكەنىن بىلدىرەدى، ەڭ ماڭىزدىسى — مۇندا اشىق تەڭىزگە جول اشىق. سونداي-اق، سلوۆەنيا ەىدۇ، ەەق سەكىلدى بارلىق اسا ماڭىزدى دۇنيەجۇزىلىك ۇيىمداردىڭ مۇشەسى»، - دەدى دەيان شتانسەر.

ٴوز كەزەگىندە، kazakh invest باسقارۋشى ديرەكتورى ەريك ياكۋبايەۆ، قازاقستاننىڭ ينۆەستيسيالىق تارتىمدىلىعى تۋرالى ايتىپ، سلوۆەنيالىق بيزنەسمەندەردى رەسپۋبليكا وڭىرلەرىندەگى ينۆەستيسيالىق جوبالاردى قاراستىرىپ كورۋگە شاقىردى.

سونىمەن قاتار، فورۋم اياسىندا استانادا قازاقستان–سلوۆەنيا بيزنەس كلۋبىنىڭ ٴوفيسىن اشۋ جانە تىركەۋ ٴراسىمى ٴوتتى.

ايتا كەتەيىك، ەكى ەل اراسىنداعى ساۋدا اينالىمى 2017 جىلدىڭ قاڭتار-قازان ارالىعىندا 97،2 ملن دوللاردى قۇرادى، ونىڭ ىشىندە 25،2 ملن دوللار ەكسپورتقا تيەسىلى. قازاقستاننان سلوۆەنياعا كوبىنە ماقتا، تەمىر جانە بولات، فەنولوكەتون، ەلەكتر جابدىقتارى جانە قۇرامداس بولىكتەر ەكسپورتتالعان.

بۇگىندە ەكى ەل اراسىندا ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيا (ۇاك) جۇمىس ىستەيدى. سوڭعى ۇاك وتىرىسى 2016 جىلى 20–21 قازاندا ليۋبليانا قالاسىندا ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي