BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان كاليي تىڭايتقىشتارىن شىعارادى

استانا. 17 قىركۇيەك. baq.kz - قازاقستان كاليي تىڭايتقىشتارىن شىعاراتىن بولدى. شيكىزات قورىنا باي كەن ورنى باتىس قازاقستان وبلىسىندا ورنالاسقان. بۇل تۋرالى جۋرناليستەرگە قر يندۋستريا جانە جاڭا تەحنولوگيالار ۆيسە-مينيسترى نۇرلان ساۋرانبايەۆ حابارلادى.

ۆيسە-مينيستردىڭ ايتۋىنشا، بۇل جوبا قىتاي مەملەكەتىمەن بىرلەسە جۇزەگە اسىرىلاتىن بولادى. قىتاي ٴتوراعاسى سي ٴسزينپيننىڭ استاناعا كەلگەن ٴىس-ساپارى اياسىندا قر يندۋستريا جانە جاڭا تەحنولوگيالار مينيسترلىگى مەن «قىتاي-اگروحولدينگ» اق كەلىسىم-شارتقا وتىرعان. العاشقى بولجام بويىنشا جوبا قۇنى 1 ملرد. دوللاردى قۇراۋى مۇمكىن.
«قىتاي الەمدە كاليي تىنايتقىشتارىن ەڭ كوپ تۇتىناتىن مەملەكەت. ال، بۇل جوبانى ەكى مەملەكەت بىرلەسە جۇزەگە اسىراتىن بولعاندىقتان، ٴبىز زاۋىت ٴونىمىن وتكىزەتىن كەپىلدەندىرىلگەن نارىقتى قوسا تاپتىق» دەدى ن.ساۋرانبايەۆ.
«جوبا قۇنىن بولجاممەن 1 ملرد دوللار قۇرايدى دەپ وتىرمىز. الايدا، زاۋىت ٴوندىرىسى بولاشاقتا كەڭەيتىلەتىن بولسا، بۇل سوما 3 ملرد. دوللارعا دەيىن كوبەيتىلۋى مۇمكىن» دەپ ۆيسە-مينيستر ٴوز ٴسوزىن تولىقتىردى.
كاليي تىنايتقىشتارى ٴونىمنىڭ كولەمى مەن ونىڭ ساپاسىن دا ارتتىرادى. سونداي-اق، ەگىندى قويمادا ساقتاۋ جانە تاسىمالداۋ كەزىندە وعان توزىمدىلىك بەرەدى. ٴدامىن جاقسارتىپ، ٴوڭىن كەتىرمەيدى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي