BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«kazakh invest» ينۆەستكليماتتى جاقسارتۋ بويىنشا جاڭا زاڭنامالىق باستامالاردى ساراپشىلارمەن تالقىلادى

«kazakh invest» ينۆەستيسيالىق داۋلاردىڭ قىلمىستىلىعى، سالىقتىق قۇقىق بۇزۋشىلىقتاردى قىلمىس دەپ تانىماي، كوشى-قون رەجيمىنىڭ پروسەدۋرالارى سياقتى سالالاردا جاڭا زاڭنامالىق باستامالاردى استانا قالاسىندا وتكەن دوڭگەلەك ۇستەل بارىسىندا تالقىلادى، دەپ حابارلايدى baq.kz اقپارات اگەنتتىگى.

بۇگىن استانا قالاسىندا ساراپشىلار، جوعارى سوت پەن مەملەكەتتىك ورگانداردىڭ، ۇلتتىق كاسىپكەرلەر پالاتاسى، ينۆەستيسيالىق قوعام مەن قازاقستان رەسپۋبليكاسىنىڭ بيزنەس ورتاسى وكىلدەرىنىڭ قاتىسۋىمەن دوڭگەلەك ۇستەل ٴوتتى.

وزدەرىڭىزگە بەلگىلى 2016 جىلدىڭ قاڭتار ايىنان باستاپ قازاقستاندا «100 ادىم» باعدارلاماسىن ىسكە اسىرۋ شەڭبەرىندە ەنگىزىلگەن جانە ينۆەستيسيالىق كليماتتى جاقسارتۋ بويىنشا ٴتۇيىندى فاكتور بولعان ينۆەستيسيالىق سوت جۇرگىزۋ ينستيتۋتى جۇمىس ىستەي باستادى.

«قازىرگى ۋاقىتتا ينۆەستورلاردا قۇقىق قولدانۋ پراكتيكاسى، ۆەدومستۆولىلىقتى جانە ينۆەستيسيالىق داۋلاردىڭ قىلمىستىلىعىن شەكتەۋ بويىنشا ماسەلەلەر تۋىنداپ وتىر. بۇگىنگى تاڭدا ينۆەستورلارمەن وتكىزىلگەن تالداۋ مەن ديالوگتى ەسەپكە الىپ ٴبىرقاتار باستامالاردى تالقىلاعىمىز كەلەدى. اتاپ ايتقاندا قىلمىستىلىقتى انىقتاۋ، «ينۆەستيسيالىق داۋ» تۇسىنىگىن كەڭەيتۋ، ينۆەستيسيالىق داۋلاردى اپەللياسيالىق قاراستىرۋ مۇمكىندىگىن بەرۋ» - دەپ دوڭگەلەك ۇستەل بارىسىندا «kazakh invest» مەڭگەرۋشى ديرەكتورى اسەل سۇگىربايەۆا اتاپ كەتتى.

شەتەل ينۆەستورلارىمەن اشىق كەلىسسوز الاڭىن قۇرۋ ماقساتىندا «kazakh invest» قۇرىلىمىندا شەتەلدىڭ ينۆەستورلار مۇددەلەرىنىڭ قاناعاتتانۋىنا تالداۋ وتكىزەتىن، «ٴبىر تەرەزە» قاعيداتى بويىنشا ينۆەستورلارعا سۇيەمەلدەۋ كورسەتەتىن، سونداي-اق ينۆەستيسيالىق قىزمەت بارىسىندا تۋىندايتىن ماسەلەلەردى شۇعىل تارتىپتە جانە جۇيە نەگىزدە شەشۋدى قامتاماسىز ەتەتىن سەرۆيستىك قولداۋ جانە ينۆەستيسيالاۋدان كەيىن مونيتورينگ دەپارتامەنتى قۇرىلعانىن اتاپ كەتۋ كەرەك.

«kazakh invest» ينۆەستورلاردىڭ تىلەكتەرىنىڭ ەسكەرىلۋىنە مۇددەلى جانە بىزدەر ٴار ينۆەستور تىڭدالا الاتىن الاڭ قۇردىق»، - دەپ اتاپ كەتتى ٴا.سۇگىربايەۆا.

قازىرگى ۋاقىتتا جوعارى سوتتىڭ مامانداندىرىلعان القا سوتى ج.ب.ەرماعامبەتوۆا اتاپ كەتكەندەي، جوعارى سوت حالىقتىڭ سوت جۇيەسىنە سەنىمىن ارتتىرۋ، مولدىرلىكتى قامتاماسىز ەتۋ جانە ٴوزارا ارەكەت ەتۋگە اشىقتىق ٴۇشىن بارلىق شارالاردى قابىلدايدى، ونىڭ ىشىندە ديالوگقا جاريا قول جەتكىزۋ جانە تىكە حابارلاسۋ مۇمكىندىگىن بەرۋ جولىمەن جاسالادى. قازىرگى ۋاقىتتا اكىمشىلىك پروسەسسۋالدىق پروسەستىڭ قابىلدانۋى بولجانىپ وتىر، وعان دوڭگەلەك ۇستەلدە اتالعان سوت جۇرگىزۋ ماسەلەلەرى دە قوسىلاتىن بولادى.

قاتىسۋشىلار پروسەسسۋالدىق زاڭنامانىڭ ٴتۇرلى اسپەكتىلەرىن تالقىلادى. «ernst&young» كومپانياسىنىڭ وكىلدەرى پروسەسسۋالدىق مەرزىمدەردى ۇزارتۋ مۇمكىندىگىنە، سونداي-اق شاعىمدى قامتاماسىز ەتۋ شارالارىن قايتا قاراۋعا مۇددە ٴبىلدىرىپ وتىر. «grata» كومپانياسىنىڭ زاڭگەرلەرى ەكولوگيالىق جانە سالىق زاڭناماسى ماسەلەلەرىن قوزعادى، سونداي-اق ينۆەستيسيالىق داۋلاردىڭ قىلمىستىلىعى تاقىرىبىنىڭ وزەكتىلىگىن راستادى.

دوڭگەلەك ۇستەل قورىتىندىسى بويىنشا kazakh invest الاڭىندا زاڭنامالىق باستامالار قالىپتاستىرۋ بويىنشا بىرلەسكەن جۇمىستى جالعاستىرۋ تۋرالى كەلىسىمگە قول جەتكىزىلدى جانە ينۆەستيسيالىق كليماتتى جاقسارتۋ ماقساتىندا قولدانىستاعى زاڭناماعا وزگەرىستەر ەنگىزۋگە قاتىستى ٴبىرىڭعاي ۇسىنىمدار قالىپتاستىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي