BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كاسىپكەرلەر «جاستار بيزنەس-تاعىلىمدامالارى» رەسپۋبليكالىق جوباسىنا قاتىستى

تالدىقورعان قالاسىندا استانا مەن الماتى قالالارى جانە رەسپۋبليكانىڭ قالعان 13 وڭىرىنەن كەلگەن بارلىعى 30 جاس كاسىپكەردىڭ قاتىسۋىمەن جاستار بيزنەس-تاعىلىمدامالارى جوباسى ٴوتتى، دەپ حابارلايدى baq.kz اقپاراتتىق اگەنتتىگى.

«ەلباسىمىز ن.ٴا.نازاربايەۆ «بولاشاققا باعدار: رۋحاني جاڭعىرۋ» ماقالاسىندا ايتقانداي، سانانىڭ اشىقتىعى – ول جاڭا تەحنولوگيانىڭ اعىنى الىپ كەلەتىن وزگەرىستەردىڭ بارىنە دايىن بولۋ دەگەن ٴسوز. تاياۋداعى ون جىلدا ٴبىزدىڭ ٴومىر سالتىمىز: جۇمىس، تۇرمىس، دەمالىس، باسپانا، ادامي قاتىناس تاسىلدەرى، قىسقاسى، بارلىعى تۇبەگەيلى وزگەرەدى. ٴبىز بۇعان دا دايىن بولۋىمىز كەرەك. جاستار كاسىپكەرلىگىنە قولداۋ كورسەتۋ ماقساتىندا قازاقستان جاستارىنىڭ كونگرەسى جانە قر ٴدىن ىستەرى جانە ازاماتتىق قوعام مينيسترلىگى جىل سايىن جاستار بيزنەس-تاعىلىمدامالارىن وتكىزىپ كەلەدى. بۇل جوبا جاستاردىڭ ٴوز ىستەرىن اشۋعا، بولۋى مۇمكىن تاۋەكەلدەردى ەسەپتەۋگە جانە باسقا دا كاسىپكەرلەرمەن تاجىريبە الماسۋعا مۇمكىندىك بەرەدى. 2016 جىلدان بەرى بۇگىنگى كۇنگە دەيىن جالپى سانى 90-نان استام جاستارىمىز تاعىعىلىمدامادان ٴساتتى ٴوتتى. جوبانى جۇزەگە اسىرۋ ٴۇشىن قول ۇشىن سوزعان بارلىق سەرىكتەستەرىمىزگە العىس بىلدىرەمىن»، - دەپ اتاپ ٴوتتى «قازاقستان جاستارىنىڭ كونگرەسى» ٴزتب-نىڭ اتقارۋشى ديرەكتورى ٴسابيتوۆ ايدىن مارات ۇلى.

تاعىلىمدامانى وتكىزۋدەگى باستى ماقسات – جاستاردىڭ يننوۆاسيالىق جانە كاسىپكەرلىك الەۋەتىن ارتتىرۋعا جاردەمدەسۋ، سونداي-اق، شاعىن جانە ورتا بيزنە كاسىپورىندارىنىڭجۇمىسىمەن تىكەلەي تانىستىرۋ ارقىلىجاس كاسىپكەرلەردىڭ بىلىكتىلىگىن ارتتىرۋ بولىپ تابىلادى.

جوبانىڭ ەڭ جاس قاتىسۋشىلارىنىڭ ٴبىرى - الماتىلىق مۇحيت اسقار ۇلى ٴوزىنىڭ العان اسەرىمەن ٴبولىستى.

«مەنىڭ جاسىم 19-دا. مەن «qazaqstanwatches» ينتەرنەت-دۇكەنىنىڭ جەتەكشىسىمىن، عالامتور جانە الەۋمەتتىك جەلىلەر ارقىلى قول ساعاتتارىن ساتۋمەن اينالىسامىن. جاستار بيزنەس-تاعىلىمدامالارى جوباسىنان بيزنەستەگى باستى ماقساتىما جەتۋ جولىندا كەڭەستەر، كاسىبي كونسۋلتاسيا جانە ٴوز كاسىبىمدى دامىتۋعا ارنالعان اقپاراتقا كەڭىنەن قانىق بولدىم. ۇيىمداستىرۋشىلارعا وتە ريزامىن»، - دەپ قۋانىشىن ٴبىلدىردى مۇحيت اسقار ۇلى.

جاستار كاسىپكەرلىگىنىڭ دامۋى زاماناۋي كەزەڭدە حالىق اراسىنداعى ەڭبەكپەن قامتۋ كورسەتكىشتەرىنىڭ جوعارىلاۋىنا جانە بىلىكتى قىزمەتكەرلەر دايىنداۋعا عانا ەمەس، ەلىمىزدىڭ يننوۆاسيالىق دامۋ جولىنا تەزىرەك وتۋىنە جول اشۋى قاجەت.

مەملەكەتتىڭ ەكونوميكالىق تۇراقتىلىعىنىڭ نەگىزگى تىرەگىن بيزنەس سالاسى قۇرايدى. ال، جاستارعا وسى بيزنەستىڭ قىر-سىرىن وقىتىپ، ٴتۇسىندىرۋ ارقىلى ولاردىڭ كاسىبي قۇزىرەتتىلىگىن ارتتىرۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي