BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كاسىپكەرلەر قۇقىعىن اياققا تاپتاعان لاۋازىمدى تۇلعالار جاۋاپقا تارتىلماي وتىر

2015 جىلى زاڭدى جانە جەكە تۇلعالاردان 17،5 مىڭ شاعىم ٴتۇسىپ، 8 ازامات قانا تارتىپكە جاۋاپكەرشىلىككە تارتىلعان. ال 2016 جىلدىڭ 9 ايى بويىنشا بۇل شاعىمداردىڭ سانى 2 ەسەگە ٴوسىپ، 32 مىڭدى قۇراپتى. تارتىپتىك جازاعا 3 ازامات تارتىلعان. كاسىپكەرلەردىڭ قۇقىعىن اياققا تاپتاعان لاۋازىمدى تۇلعالار جاۋاپكەرشىلىككە تارتىلماي وتىر. بۇل تۋرالى استانادا وتكەن «سىبايلاس جەمقورلىققا قارسى ٴىس-قيمىل ماسەلەلەرى بويىنشا» رەسپۋبليكالىق كاسىپكەرلەر فورۋمىندا «اتامەكەن» ۇكپ ٴتوراعاسىنىڭ ورىنباسارى رۋستام ٴجۇرسىنوۆ مالىمدەدى، دەپ حابارلايدى baq.kz ٴتىلشىسى.

«قازاقستاندا سىبايلاس جەمقورلىققا قارسى جۇيەلى ساياسات جۇرگىزىلۋدە. الايدا جەمقورلىقتىڭ دەڭگەيىن تومەندەتۋ ماقساتىندا شارالار قولعا الىنىپ جاتقانىنا قاراماستان ٴبىرسىپىرا شەشىلمەگەن ماسەلەلەر بار. ٴقازىرتى تاڭدا بيزنەسكە قىسىم كورسەتۋ شاعىمدارى مەن زاڭدى بۇزعان لاۋازىمدى تۇلعالاردىڭ اراسىندا ۇيلەسىمسىزدىك بار. ٴتىپتى، لاۋازىمدى تۇلعالار قىلمىس جاساۋعا دەيىن بارىپ جاتادى. 2016 جىلى «اتامەكەن» ۇلتتىق كاسىپكەرلەر پالاتاسىنا 5،5 مىڭ شاعىم كەلىپ ٴتۇستى. ال پروكۋراتۋرا ورگاندارى تەكسەرۋ بارىسىندا 20 مىڭعا جۋىق زاڭ بۇزۋ دەرەكتەرىن انىقتادى. پروكۋروردىڭ قاداعالاۋىمەن 3 مىڭنان استام زاڭسىز شەشىم وزگەرتىلدى. بۇل ساندار قازاقستاندىق بيزنەسكە جاسالىپ جاتقان قىسىمنىڭ كىشكەنتاي ٴبىر بولىگىن كورسەتەدى»، - دەدى ورىنباسار.

سونداي-اق، رۋستام ٴجۇرسىنوۆ كاسىپكەرلەردىڭ قۇقىعى بۇزىلسا دا لاۋازىمدى تۇلعالار زاڭ الدىندا ٴتيىستى جازاسىن المايتىنىن قىنجىلى ايتتى.

«كاسىپكەرلەردىڭ قۇقىعىن اياققا تاپتاعان لاۋازىمدى تۇلعالار جاۋاپكەرشىلىككە تارتىلمايدى. قۇقىقتىق ستاتيستيكا كوميتەتىنىڭ مالىمەتى بويىنشا 2015 جىل مەن 2016 جىلدىڭ 9 ايى قورىتىندىسى «زاڭدى كاسىپكەرلىك قىزمەتكە كەدەرگى كەلتىرۋ» بابى («سىبايلاس جەمقورلىققا قارسى كۇرەس تۋرالى» زاڭى – رەد.) بويىنشا تىركەلگەن 16 ىستە 2 ازاماتقا عانا ايىپتاۋ ۇكىمى شىققان. «قىزمەتتەگى ارەكەتسىزدىك» بابى بويىنشا 2 جىلداعى ستاتيستيكا جوق. ال اكىمشىلىك جاۋاپكەرشىلىككە تارتىلعان مەملەكەتتىك قىزمەتكەرلەرگە قاتىستى جاعداي دا ٴماز ەمەس. جوعارى اتالعان مەرزىم ىشىندە اقبك-نىڭ 173 بابى «زاڭسىز ارالاسۋ» بويىنشا تەك 4 اكىمشىلىك ٴىس قوزعالعان. ونىڭ ەكەۋىنە جازاعا تارتۋ قاۋلىسى شىعارىلعان. ال 175 باپ – «جەكە كاسىپكەرلىك سۋبەكتىلەرىنە تەكسەرۋ جۇرگىزۋ ٴتارتىبىن بۇزۋ» بويىنشا 2 جىلدىڭ ىشىندە 27 ازامات جاۋاپكەرشىلىككە تارتىلعان»، - دەدى ول.

ٴسوز سوڭىندا «اتامەكەن» ۇكپ ٴتوراعاسىنىڭ ورىنباسارى ستاتيستيكالىق دەرەكتەرگە توقتالدى.

قۇقىقتىق ستاتيستيكا جانە ارنايى ەسەپكە الۋ كوميتەتىنىڭ دەرەگى بويىنشا 2015 جىلى زاڭدى جانە جەكە تۇلعالاردان 17،5 مىڭ شاعىم ٴتۇسىپ، 8 ازامات قانا جاۋاپكەرشىلىككە تارتىلعان. 2016 جىلدىڭ 9 ايى بويىنشا بۇل شاعىمداردىڭ سانى 2 ەسەگە ٴوسىپ، 32 مىڭعا جەتىپتى. تارتىپتىك جازاعا 3 ازامات تارتىلعان.

«جوعارىدا اتالعان ساندار جۇيەنىڭ دۇرىس جۇمىس ىستەمەيتىندىگىن كورسەتەدى. ٴوز جۇمىسىنا ٴاتۇستى قارايتىن مەملەكەتتىك قىزمەتكەرلەر جاۋاپكەرشىلىككە تارتىلماي كەلەدى»، - دەپ تۇيىندەدى ٴسوزىن رۋستام ٴجۇرسىنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي