BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كاسىپكەر تۇيە سۇتىنەن يوگۋرت دايىنداۋدى قولعا الدى

سوزاق اۋدانىنىڭ كاسىپكەرلەرى تۇيە ٴسۇتىن وڭدەپ، دامىتۋدىڭ جاڭا جولىن تابۋدا، دەپ حابارلايدى baq.kz.

اۋدان ورتالىعى - شولاققورعان اۋىلىنداعى «ارۋانا» اۋىل شارۋاشىلىعى وندىرىستىك كوورپەراتيۆى وسىناۋ كاسىپ تۇرىمەن اينالىسىپ جۇرگەن بىردەن-بىر كاسىپورىن. كووپەراتيۆ تۇيە سۇتىنەن بولەك، سيىر ٴسۇتىن دە قابىلدايدى. بۇگىندە ٴتورت ٴتۇرلى اعارعان - شۇبات، سيىر ٴسۇتى، ايران، قايماق ازىرلەپ، جەرگىلىكتى دۇكەندەرگە جونەلتىپ جۇرگەن سەرىكتەستىك تاياۋدا سۇتتەن يوگۋرت پەن كىلەگەي ازىرلەپ، ساۋدالاۋدى قولعا الماقشى. بۇل تۋرالى كۇنگەيدەگى باق وكىلدەرىنىڭ سوزاق اۋدانىنا جاساعان پرەسس-تۋرى بارىسىندا بەلگىلى بولدى، دەپ مالىمدەدى وقو اكىمىنىڭ ٴباسپاسوز قىزمەتى

«العاشقى كەزدە 500 ليترگە لايىقتالعان جۇمىس ىستەدىك. قازىرگى شۇبات وڭدەۋ مۇمكىندىگى تاۋلىگىنە 1 تونناعا دەيىن جەتىپ وتىر. وسىلايشا، ٴىسىمىزدى جولعا قويىپ كەلەمىز. تاياۋدا، اۋدانداعى ۋران ٴوندىرۋ كاسىپورىندارىمەن ونداعى ٴاربىر جۇمىسشى باسىنا 0،5 ليتردەن شۇبات جەتكىزىپ وتىرۋعا كەلىسىمگە كەلدىك»، - دەيدى «ارۋانا» وندىرىستىك كوورپەراتيۆىنىڭ ٴتوراعاسى جانبولات ٴاديشوۆ.

جالپى، تۇيە ٴسۇتىن وڭدەۋ سەحى ورنالاساتىن عيماراتتى دايىنداپ، جوندەۋ جۇمىستارى مەن ٴسۇتتى وڭدەيتىن قۇرىلعىنى الۋ ٴۇشىن كووپەراتيۆ جەتەكشىلىگى «ىرىس» مقۇ» جشس-نەن 12 ملن. تەڭگە نەسيە العان. بۇگىندە جۇمىسىن جانداندىرىپ جاتقان ۇجىمشار الداعى ۋاقىتتا تۇيە ٴسۇتىن وڭدەۋ ۇلەسىن ارتتىرۋ ارقىلى كۇنىنە ونىڭ تاۋلىكتىك قۋاتىلىعىن 5 تونناعا دەيىن جەتكىزىپ، ٴىستى ٴارى قاراي دوڭگەلەتۋدى جوسپارلاپ قويعان.

ايتا كەتۋ كەرەك، سوزاق اۋدانىندا بۇگىنگى تاڭدا 10 مىڭعا جۋىق تۇيە بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي