BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كاسىپكەر قازاق تىلىنەن كوپ قاتە جىبەرمەۋ ٴۇشىن نە ىستەۋى قاجەت؟

بۇگىن قر پارلامەنتى ماجىلىسىندە قازاقستان حالقى اسسامبلەياسى دەپۋتاتتىق توبىنىڭ وتىرىسى ٴوتتى. وندا «قر-دا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسى» اياسىندا قانداي جۇمىستاردىڭ اتقارىلىپ جاتقاندىعى جايىندا ماسەلە قارالدى، دەپ حابارلايدى baq.kz ٴتىلشىسى.

«قر-دا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسى» اياسىندا قر مسم تىلدەردى دامىتۋ جانە قوعامدىق-ساياسي جۇمىس كوميتەتىنىڭ مەملەكەتتىك تاپسىرماسىمەن 2016 جىلدىڭ 5 قىركۇيەگىندە «ٴتىل الەمى» پورتالى، «emle.kz» سايتى، «termincom.kz» جانە «atau.kz» سايتتارىن ىسكە قوسىلعان بولاتىن. وسى سايتتاردىڭ بۇگىنگى قىزمەتى، الداعى جۇمىس جوسپارى قانداي؟ بۇل سۇراقتارعا شايسۇلتان شاياحمەتوۆ اتىنداعى تىلدەردى دامىتۋدىڭ ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ جاۋاپ بەردى. سونداي-اق، ٴتىل مامانى كاسىپكەرلەرگە ٴوز كەڭەسىن بەردى.

«emle.kz» سايتىندا قازاق ٴتىلىنىڭ ورفوگرافياسى ورنالاستىرىلعان. ويتكەنى، ٴبىزدىڭ جازۋىمىزدا، اسىرەسە جارناما بەرۋدە قازاق تىلىنەن كوپ قاتە كەتەدى. سوزدەر بىرگە نە بولەك جازىلا ما؟ وسى جونىندە كوپ سۇراق تۋىنداپ جاتادى. ٴاربىر كاسىپكەر وسى جونىندە تىلدەر باسقارمالارىنا حابارلاسا المايدى. حابارلاسۋ ويىنا دا كەلمەۋى مۇمكىن. وسى سايتتا بەكىتىلگەن قازاق ٴتىلىنىڭ ورفوگرافيكاسى تۇر. وندا ٴاربىر ٴسوزدى الفاۆيت بويىنشا قاراي الادى. نەمەسە وزىنە قاجەتتى ٴسوزدى ىزدەپ، تابا الادى»، - دەدى ول.

سونىمەن قاتار، پارلامەنت ٴماجىلىسىنىڭ دەپۋتتاتتارى انار جايىلعانوۆا، فاحريددين قاراتايەۆ، شايماردان نۋرۋموۆ ٴسوز سويلەدى. ولار قر پرەزيدەنتى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا لاتىن الىپبيىنە ٴوتۋدى 2025 جىلدان باستاۋدى تۋىندايتىن مىندەتتەرگە توقتالدى. وسى ورايدا ەربول تىلەشوۆ حالىق قالاۋلىلارىنىڭ وسى جانە باسقا دا ماسەلەلەر بويىنشا قويعان كوپتەگەن سۇراقتارىنا جاۋاپ قايتاردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي