الماتى، baq.kz ٴتىلشىسى. ٴبىزدىڭ تۇتىنۋشىلار ٴومىر اعىمىنان قالىسپاعان، جاڭاشىلدىقتى جاقسى قابىلداي بىلەدى. بۇل تۋرالى «astana group» كومپانياسىنىڭ پرەزيدەنتى نۇرلان سماعۇلوۆ الماتىدا ٴوتىپ جاتقان ينۆەستيسيالىق فورۋم بارىسىندا ايتتى.
استانا: 
2655 
0
الماتى، baq.kz ٴتىلشىسى. ٴبىزدىڭ تۇتىنۋشىلار ٴومىر اعىمىنان قالىسپاعان، جاڭاشىلدىقتى جاقسى قابىلداي بىلەدى. بۇل تۋرالى «astana group» كومپانياسىنىڭ پرەزيدەنتى نۇرلان سماعۇلوۆ الماتىدا ٴوتىپ جاتقان ينۆەستيسيالىق فورۋم بارىسىندا ايتتى.
فورۋم بارىسىندا ٴسوز سويلەگەن وتاندىق كاسىپكەر شەتەلدىك ينۆەستورلارعا قانداي سالاعا اقشا قۇيۋ قاجەتتىگى جونىندە جانە جوعارى باسەكەگە قابىلەتتى جوبامەن كەلۋگە كەڭەس بەردى.
«ٴبىزدىڭ تۇتىنۋشىلار ٴومىر اعىمىنان قالىسپاعان، جاڭاشىلدىقتى جاقسى قابىلداي بىلەدى. ەگەر سەن قاندايدا ٴبىر جوبا جاساپ نەمەسە قىزمەت ٴتۇرىن ساتاتىن بولساڭ، ول جوعارى باسەكەگە يە بولۋى قاجەت. ياعني قاندايدا ٴبىر فرانشيزانى اكەلگەندە ازيانىڭ كىشى قالاسىنىڭ دەڭگەيىندە ەمەس، الەمنىڭ ٴىرى قالالارىنىڭ دەڭگەيىندە ويلاستىرىپ اكەلۋىڭ كەرەك. مەنىڭ تاجىريبەم كورسەتكەندەي، الماتىدا يننوۆاسيالىق ەمەس جوبالار جۇرمەيدى. ول ساندىق ٴارى سۇرانىسقا يە جوبا بولۋ كەرەك»، - دەيدى ول.
سونداي-اق ول، الماتى ەلىمىزدەگى ەڭ ٴىرى مەگاپوليس ەكەنىن، مۇندا 2 ملن-نان اسا حالىق تۇراتىندىعىن جانە كەز-كەلگەن مەگاپوليس سياقتى الماتىدا دا سەرۆيس پەن ينفراقۇرىلىم باسىم باعىتتاردىڭ ٴبىرى بولىپ وتىرعانىن جەتكىزدى.
«ٴقازىر قالادا جابايى بازارلار وركەنيەتتى ساۋداعا كوشۋدە، ياعني ٴزاۋلىم ساۋدا ۇيلەرى پايدا بولۋدا. مۇنداي وزگەرىس ورىن العان كەزدە الەمدەگى ٴىرى ريتەيلينگتەر كەلە باستايدى. inditex ساۋدا توبى كەلدى، ٴobi-دىڭ اشىلۋى بولدى، الداعى ۋاقىتتا dikition فرانسۋز جۇيەسىنىڭ اشىلۋى بولادى. مۇنىڭ بارلىعى الماتىنىڭ تەك ورتالىق ازيا قالالارى اراسىندا عانا ەمەس الەمدىك كەڭىستىكتەگى شاھارلارمەن باسەكەلەستىككە تۇسە الاتىندىعىن كورسەتەدى»، -دەيدى ول.
سونىمەن قاتار، كاسىپكەر قالادا بيزنەستىڭ سەرۆيس، لوگيستيكالىق ورتالىق، قوعامدىق تاماقتانۋ سياقتى تۇرلەرى دامىپ جاتقاندىعىن، الايدا ۇلكەن نارىق بولعان سوڭ مۇندا جەدەل ٴوندىرىس تە بولۋ كەرەكتىگىن ايتىپ ٴوتتى.
«ٴقازىر بىزدە جۇك كولىكتەرىن قۇراستىرۋ زاۋىتى ىستەپ تۇر، الداعى ۋاقىتتا اۆتوبۋس قۇراستىرامىز. مۇنىڭ بارلىعىنا، ارينە، قالا مەن ۇكىمەتتەن قولداۋ كورسەتىلىپ وتىر. بۇل ٴوندىرىس ورىندارى كەڭەس ۇكىمەتى تۇسىنداعىداي ۇلكەن زاۋىت ەمەس، شاعىن، جيناقى تەز اۋىسپالى ٴوندىرىس ورىندارى بولۋ كەرەك»، - دەدى ول.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3362
0