BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كارتريدج ٴوندىرىسى جولعا قويىلدى (فوتو)

استانا 26 تامىز. baq.kz - اشىلعانىنا ٴبىر جىل تولماسادا، «doc co.ltd» جشس تاسى ورگە دومالاپ تۇر. كاسىپورىننىڭ 2012 جىلدىڭ ٴتورتىنشى توقسانىنداعى تابىسى 22 ملن 500مىڭ تەڭگەنى قۇراعان.

زاۋىت كوپفۋنكسيونالدى قۇرىلعىلارعا، كوشىرمە جاسايتىن اپاراتتار مەن لازەرلىك پرينتەرلەرگە كارتريدج جاساۋمەن اينالىسادى. قازىرگى تاڭدا وندا 30 ادام جۇمىس ىستەپ، وتباسىن اسىراپ وتىر. كومپانيا ٴوندىرىس ٴۇشىن قاجەتتى شيكىزاتتى ەلىمىزدەن جانە ونىڭ تاپشى تۇرلەرىن كورەيادان ارنايى الدىرادى ەكەن. سەرىكتەستىكتىڭ كاردريدجدەرى نارىقتاعى بەلدى كومپانيالاردىڭ تاۋارىنان كەم تۇسپەيدى، كەرىسىنشە 25-30% تومەن.
كومپانيا وتكەن جىلى 5000 كارتيدجدى جاساپ شىعارعان. ونىڭ ٴونىمىن پايدالانۋشىلار قاتارىندا «سامرۇق قازىنا» سىندى ۇلتتىق كومپانيالار مەن مەملەكەتتىك مەكەلەر جانە جەر قويناۋىن پايدالانۋشىلار بار. كاسىپورىن الداعى جىلدارى دا ٴوندىرىس كولەمىن ارتتىپ، تاۋار تۇرلەرىنىڭ سانىن كوبەيتۋدى كوزدەۋدە. سوندىقتاندا زاۋىت قۋاتتىلىعى جىلىنا 500 مىڭ كارتريدجگە دەيىن ارتىپ، جاڭادان پەرنەتاقتالار مەن ٴتىنتۋىردىڭ ٴوندىرىسى ىسكە قوسىلسا تاڭ قالۋدىڭ قاجەتى جوق.
تابىسى مول كاسىپتىڭ ٴتۇيىندى ماسەلەلەرى دە جەتكىلىكتى. بۇل تۋرالى بىزگە «doc co.ltd» جشس كوممەرسيالىق ديرەكتورى نۇرلان ساربالين ايتىپ بەردى.
- ٴبىزدىڭ كاسىپورىن قازاقستان بويىنشا كارتريدج وندىرىسىمەن اينالىساتىن جالعىز كومپانيا. ەلىمىزدەگى وزگە كومپانيالار قىتايدان كارتريدج الدىرىپ، ونىڭ ۇستىنە وزدەرىنىڭ جاپسىرماسىن جاپسىرا سالادى. وسىلايشا ولاردىڭ تاۋارى قازاقستاندا جاسالعان بولىپ شىعا كەلەدى. بۇل ماسەلە ٴوندىرىستىڭ وزگە سالالارىندا دا ابدەن جاۋىر بولعان. سونداي-اق بىزدە ىسكە جاراماي قالعان كارتريدجدەردى قايتا پايداعا اسىرۋ ماسەلەسى دە جولعا قويىلماي وتىر.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي