BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراشىعاناق تابىسىنىڭ 80 پايىزىن قازاقستان الادى

استانا. 21 اقپان. baq.kz – قاراشىعاناق ٴىرى كەن ورنى جوباسىندا كىرىستى ٴبولۋدىڭ جاڭا جۇيەسى جۇمىس ىستەي باستادى. وسىعان سايكەس، ەلىمىز تابىستىڭ 80 پايىزىن الىپ وتىراتىن بولادى. بۇل جايلى قر مۇناي جانە گاز ٴمينيسترى ۇزاقباي ٴقاراباليننىڭ ورال جەر قويناۋىن پايدالانۋشىلارمەن كەزدەسۋىندە ٴمالىم بولدى. 

"تاياۋ جىلدارى جوبادان تۇسكەن كىرىستى ٴبولۋدىڭ جاڭا جۇيەسىنە كوشەمىز دەپ وتىرمىز، سوعان سايكەس كىرىستىڭ 80%-ى قازاقستاندىق تاراپقا باعىتتالماق. باتىس قازاقستان وبلىسىنداعى قاراشىعاناق مۇناي-گاز كەن ورنىن جاساۋعا سالىنعان ينۆەستيسيالار تولىعىمەن اقتالدى. قازاقستاندىق ۇلەستى ارتتىرۋ بويىنشا شارالار كەشەنىن جاساپ جاتىرمىز. قازىرگى تاڭدا قاراشىعاناق جوباسىنا جەرگىلىكتى وندىرۋشىلەردىڭ تەك ساۋساقپان سانارلىقتايى عانا قاتىسىپ وتىر. وعان سەبەپ - تەندەرلەردە اشىقتىقتىڭ بولماۋى. ينۆەستور تىم قاتال تالاپ قويادى»، - دەدى ۇ.قارابالين.

مينيستر سونداي اق، جاڭا تەندەرلىك ساياسات قالىپتاسىپ جاتقانىن جەتكىزدى. ەندى وتاندىق وندىرۋشىلەردىڭ مۇمكىندىكتەرى جوبالاۋ كەزەڭىندە ەسكەرىلەتىن بولادى.

«مەردىگەرلەرگە قازاقستاندىق قۇرال-جابدىقتاردى، ماتەريالداردى جانە وزگەلەرىن ال دەپ كۇشتەي المايمىز. قاراشىعاناق سياقتى ۇلكەن قىسىمدى كۇكىرتتى سۋتەكتى كەن ورىندارىندا مەردىگەر ٴوز موينىنا العان ساپاعا جانە تالاپتارعا سايكەس بولۋى كەرەك»، - دەپ اتاپ ٴوتتى مۇناي جانە گاز ٴمينيسترى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي