BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ي.تاسماعامبەتوۆ ٴبىرقاتار مەملەكەتتىك فۋنكسيالاردى بيزنەسكە بەرۋ تۋرالى شەشىم قابىلدادى

بۇگىن قازاقستان رەسپۋبليكاسى پرەمەر-مينيسترىنىڭ ورىنباسارى يمانعالي تاسماعامبەتوۆتىڭ توراعالىعىمەن باسەكەلەستىك ورتاعا جانە ٴوزىن-وزى رەتتەۋ ۇيىمدارىنا بەرۋ ٴۇشىن مەملەكەتتىك فۋنكسيالار ٴتىزىمىن انىقتاۋ جونىندەگى تۇراقتى كوميسسيانىڭ وتىرىسى ٴوتتى، دەپ حابارلايدى baq.kz ٴتىلشىسى

وتىرىس بارىسىندا كوميسسيا مۇشەلەرى جەرگىلىكتى ٴوزىن-وزى باسقارۋ جانە ٴوزىن-وزى رەتتەۋدى دامىتۋ ارقىلى ازاماتتاردىڭ شەشىم قابىلداۋ ۇردىسىنە قاتىسۋ مۇمكىندىگىن كەڭەيتۋ تۋرالى ماسەلەنى قارادى.

ەسكە سالا كەتسەك، كەيبىر مەملەكەتتىك فۋنكسيالاردى باسەكەلەستىك ورتاعا بەرۋ ماسەلەسى قازاقستان رەسپۋبليكاسىنىڭ پرەزيدەنتى ن. نازاربايەۆتىڭ باستاماسىمەن جۇرگىزىلىپ وتىرعان «100 ناقتى قادام» ۇلت جوسپارىنىڭ ٴ97-شى قادامىندا كورسەتىلگەن. ونى جۇزەگە اسىرۋ ٴۇشىن اعىمداعى جىلدىڭ قاڭتار ايىندا ارنايى كوميسسيا قۇرىلعان ەدى. جالپى، اتالعان شارالاردى ورىنداۋ مەملەكەتتىك فۋنكسيالاردى قىسقارتۋعا، ازاماتتاردىڭ شەشىم قابىلداۋ ۇردىسىنە قاتىسۋىن كەڭەيتۋگە، جەرگىلىكتى ٴوزىن-وزى باسقارۋ جانە ٴوزىن-وزى رەتتەۋدى دامىتۋعا، سونىمەن قاتار، مەملەكەتتىڭ شىعىندارىن ازايتۋعا باعىتتالعان.

كوميسسيانىڭ جۇمىسشى ورگانى – ۇلتتىق ەكونوميكا مينيسترلىگى تاراپىنان مەملەكەتتىك ورگانداردىڭ ٴوز فۋنكسيالارىن ينۆەنتاريزاسيالاۋدى جۇرگىزۋى ٴۇشىن پاسپورت ازىرلەندى. اتقارىلعان جۇمىستاردىڭ ناتيجەسىندە ورتالىق اتقارۋشى ورگاندارمەن جۇزەگە اسىرىلاتىن فۋنكسيالاردىڭ جالپى سانى ٴ4614-تى قۇرادى. سونىمەن قاتار، بۇعان دەيىن كوميسسيا جانىندا قۇرىلعان ساراپتاما توبىنا بازالىق زاڭ جوباسىن ازىرلەۋ اياسىندا مەملەكەتتىك ورگانداردىڭ «ۋاقىتشا» جانە «سايكەس ەمەس» فۋنكسيالارى تۇسىنىگىن ەسكەرۋ تاپسىرىلدى.

ازاماتتىق قوعام جانە جەكە كاسىپكەرلىك سۋبەكتىلەرىنىڭ باستاماسىنا جانە نارىقتىڭ دايىندىعىنا وراي، سونداي اق، «ٴوزىن-وزى رەتتەۋ تۋرالى» زاڭ نورمالارىنىڭ تالاپتارىنا وراي فۋنكسيالار تىزبەسى ەكى توپقا ٴبولىندى. ٴبىرىنشىسى 2016-2017 جىلداردى، ەكىنشىسى 2017-2019 جىلداردى قامتيدى. سونداي-اق، ۆەدومستۆوارالىق ٴىس-قيمىلدى تولىق جۇزەگە اسىرۋ ٴۇشىن ورتالىق اتقارۋشى ورگانداردىڭ جۇمىس توبى جەتەكشىلەرىنىڭ ارالىق ەسەپتى ۇسىنۋ كەستەسى دايىندالدى.

«ساراپتاما توبى، «اتامەكەن» ۇلتتىق كاسىپكەرلەر پالاتاسى مۇددەلى مەملەكەتتىك ورگاندارمەن بىرلەسىپ باسەكەلەستىك ورتاعا جانە ٴوزىن-وزى رەتتەۋ ۇيىمدارىنا بەرۋگە ۇسىنىلعان مەملەكەتتىك ورگاندار فۋنكسيالارىنىڭ ەكىنشى توبىن قاراۋ جۇمىسىنا كىرىسۋى قاجەت» - دەپ يمانعالي تاسماعامبەتوۆ كوميسسيا وتىرىسىن قورىتىندىلادى.

تالقىلاۋ قورىتىندىسى بويىنشا كوميسسيا مۇشەلەرى باسەكەلەستىك ورتاعا ٴبىرقاتار قىزمەتتەردى بەرۋدى شەشتى. اتاپ ايتقاندا، ادىلەت مينيسترلىگىنەن – باعالاۋ قىزمەتىن رەتتەۋ فۋنكسياسىن، ەنەرگەتيكا مينيسترلىگىنەن – ەكولوگيالىق اۋديتورلاردى رەتتەۋ قىزمەتىن، دەنساۋلىق ساقتاۋ جانە الەۋمەتتىك دامۋ مينيسترلىگىنەن – مەديسينالىق كومەك كورسەتۋ ساپاسى مەن دەڭگەيىنە ازاماتتاردىڭ قاناعاتتانۋ دارەجەسىن انىقتاۋ بويىنشا فۋنكسياسىن بەرۋ شەشىلدى. باسەكەلەستىك ورتاعا جانە ٴوزىن-وزى رەتتەۋ ۇيىمدارىنا بەرۋگە نارىقتىڭ دايىندىعىن تالداۋ جۇرگىزۋ جۇمىسىنىڭ قورىتىندىسى بويىنشا كوميسسيانىڭ كەزەكتى وتىرىسىن قتكىزۋ 2017 جىلدىڭ قاڭتار ايىنا بەلگىلەندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي