BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«حالال ونىمدەرىن ستاندارتتاۋ» ٴبولىمى مامان دايىنداۋ ٴىسىن قولعا الدى

استانا. 26 تامىز. baq.kz – قازاقستان مۇسىلماندارى ٴدىني باسقارماسىنىڭ «حالال ونىمدەرىن ستاندارتتاۋ» ٴبولىمى بىلىكتى مامان دايىنداۋ ماسەلەسىن شەشۋدى قولعا الدى. بۇل تۋرالى «حالال ونىمدەرىن ستاندارتتاۋ» ٴبولىمىنىڭ مەڭگەرۋشىسى بەيبىت مىرزاگەلديەۆ حالال ونىمدەرىن ستاندارتتاۋ سالاسىنىڭ ماماندارىمەن كەزدەسۋىندە ايتتى.  

وسى باعىتتاعى جۇمىستاردىڭ ناتيجەسىندە قازاق ۇلتتىق اگرارلىق ۋنيۆەرسيتەتىنىڭ «بيوتەحنولوگيا جانە تاعام قاۋىپسىزدىگى» كافەدراسى قازاقستان مۇسىلماندارى ٴدىني باسقارماسىنىڭ ۇسىنىسىمەن ەكى ماماندى وقۋعا قابىلدادى. قازۇاۋ-دىڭ «بيوتەحنولوگيا جانە تاعام قاۋىپسىزدىگى» فاكۋلتەتىنىڭ ماگيستراتۋراسىنا قابىلدانعان مارجان ايدارقىزى مەن جاننا بەرجانقىزى ٴبىر جارىم جىل ٴبىلىمىن جەتىلدىرىپ، مالايزيا ەلىنىڭ جوعارعى وقۋ ورىندارىنان تاجىريبەدەن وتەتىن بولادى.
ايتا كەتەرلىگى، «حالال ونىمدەرىن ستاندارتتاۋ» ٴبولىمى حالال ونىمدەرگە قاتىستى شاريعي تالاپتار مەن حالال ٴونىمدى ستاندارتتاۋدىڭ بۇگىنگى كۇندەگى وزەكتى ماسەلەلەرى توڭىرەگىندە يمامداردىڭ ٴبىلىمىن جەتىلدىرۋ يسلام ينستيتۋتىندا ٴدارىس ٴوتىپ، 330 يمام سەرتيفيكات الىپ شىققان بولاتىن. 

فوتو: قمدب ٴباسپاسوز قىزمەتى، zangazeti.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي