BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گليفوساتتى وزىمىزدە وندىرەمىز

استانا. 7 شىلدە. baq.kz – «قازفوسفات» جاۋاپكەرشىلىگى شەكتەۋلى سەرىكتەستىگى العاشقى جارتى جىلدىق جۇمىسىن قورىتىندىلادى. كاسىپورىن باسشىسى لەونيد فرانگۋليديدىڭ سوزىنە سەنسەك، زاۋىتتىڭ تابىسى تولاعاي. ماسەلەن، 2011 جىلى 36 ميلليارد تەڭگەنىڭ ٴونىمى وندىرىلسە، وتكەن جىلدىڭ قورىتىندىسىندا ول 39 ميلليارد 494 ميلليون تەڭگەنى قۇرادى. ال، ۇستىمىزدەگى جىلدىڭ التى ايىندا زاۋىت 22 ميلليارد 981 ميلليون تەڭگە تابىس تاپقان.  

"ٴبىز مول تابىسقا زاۋىتتا سوڭعى جىلدارى ۇزبەي جۇرگىزىلگەن اۋقىمدى جاراقتاندىرۋ جۇمىسىنىڭ ارقاسىندا قول جەتكىزدىك. سول سەبەپتى، بۇل ماقساتتا جىل سايىن 12-13 ميلليون اقش دوللارىن جۇمسايمىز" دەيدى كاسىپورىن باسشىسى.
"بۇرىن فوسفور وندىرەتىن ٴتورت پەش كەزەكپەن ٴاربىر التى اي سايىن جوندەۋگە قويىلاتىن. بۇل جۇمىستى اتقارۋ ٴۇشىن ٴبىراز ماتەريالدىق شىعىن مەن ۋاقىت جوعالتاتىنبىز. قايتا جاراقتاندىرۋ ناتيجەسىندە ولاردىڭ تۇراقتى جۇمىس ىستەۋ مەرزىمىن 1،5 جىلعا ۇزارتۋعا قول جەتكىزىلدى. مۇنىڭ ٴوزى ەڭبەك ونىمدىلىگىن ارتتىرىپ، شىعىندى ەداۋىر ازايتۋعا يگى ىقپالىن تيگىزۋدە" دەپ ٴتۇسىندىرىپ ٴوتتى لەونيد فرانگۋليدي .
ٴبىرازدان بەرى حالىق شارۋاشىلىعىنا اسا قاجەتتى ٴۇشحلورلىق فوسفور، ياعني، گليفوسات وندىرۋگە ىزدەنىستەر جاسالۋدا. گليفوسات - اۋىلشارۋاشىلىعى وسىمدىكتەرىن ارامشوپتەردەن قورعاۋ جانە ولاردى جويۋ ٴۇشىن شىعارىلاتىن پرەپارات. ەلىمىزگە ول سىرتتان جەتكىزىلىپ كەلەدى. كەلەشەكتە بەسكۇكىرتتى فوسفور شىعارۋ دا كوزدەلۋدە. مۇنىڭ ٴوزى ٴبىزدىڭ زاۋىتتىڭ الەۋەتىن ارتتىرۋمەن قاتار تابىسىمىزدى ەسەلەي تۇسۋگە مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي