BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

عالىمدار كۇرىشتىڭ جاڭا سۇرپىن الۋدىڭ تىڭ ادىسىنە كوشتى

استانا. 31 شىلدە. baq.kz – توقسان كۇن سۋدا تۇرىپ وسەتىن كۇرىشتى تاقىر جەردە دە ٴوسىرىپ، وندىرۋگە بولادى. ول ٴۇشىن تىرشىلىك كوزىن تامىرىنا تامشىلاتىپ قانا قۇيىپ وتىرۋ كەرەك.

بۇل وتاندىق عالىمداردىڭ كەشە-بۇگىن اشقان جاڭالىعى ەمەس. توپىراعى تۇز تاتىعان سىر وڭىرىندە دە ٴدال وسى ادىسپەن اق كۇرىشتى كوكتەتۋگە بولاتىنى دالەلدەندى. بۇل تاجىريبە قازاق كۇرىش عىلىمي-زەرتتەۋ ينتيتۋتىنىڭ سىناق الاڭىندا جۇرگىزىلۋدە. كۇرىشتىڭ قۇرعاق جەردە ٴوسۋى سەلەكسيالىق زەرتتەۋلەرگە دە ايتارلىقتاي قولايلى بولىپ تۇر. ادەتتە ينستيتۋتتىڭ عىلىمي قىزمەتكەرلەرى شىجىعان شىلدەدە تىزەدەن سۋ كەشىپ ٴجۇرىپ، بۋدانداستىرۋ جولىمەن جوعارى سۇرىپ الۋ جولىندا تەر توگەتىن. ەندى بۇل قيىندىقتار ارتتا قالدى. ايتۋلى جاڭالىق ايگىلى «اقمارجاننىڭ» اۆتورى، اۋىلشارۋاشىلىعى عىلىمدارىنىڭ دوكتورى – قۇرمانبەك باكىر ۇلىنىڭ باستاماسىمەن جۇزەگە استى. ايتا كەتەيىك، وتكەن جىلى سىر عالىمدارى كۇرىشتىڭ ونىمدىلىگى جوعارى 2 ٴتۇرىن وڭىرگە جەرسىندىرگەن بولاتىن.

قۇرمانبەك باكىر ۇلى، قازاق كۇرىش عىلىمي-زەرتتەۋ ينستيتۋتىنىڭ ٴبولىم مەڭگەرۋشىسى:

- الدىن الا اتالىعى مەن انالىعى قانداي قاسيەتتەرى بىزگە قاجەت، سوعان قاراي ٴبىز تاڭداپ الامىز. ٴسويتىپ، بىرەۋىنىڭ قانداي جاقسى قاسيەتى بار، ەكىنشىسىنە سونى دارىتۋ ٴۇشىن كەلەسى بۋداندىق ۇرپاقتاردا سول ٴار ٴتۇرلى قاسيەتتەرى پايدا بولادى. سونىڭ ىشىندەگىسىن ىرىكتەپ الساق، ول جاڭا سورتتارعا باستاۋ بولادى.

جانۇزاق بايمانوۆ، «قىزىلوردا» ٴبىلىم تاراتۋ ورتالىعىنىڭ جەتەكشىسى:

- ينستيتۋتتىڭ عالىمدارى وسى تەحنولوگيانى زەرتتەپ، ينستيتۋت جانىنان اشىلعان قىزىلوردا ٴبىلىم تاراتۋ ورتالىعى ۇنەمى سەمينار-ترەنينگتەر ۇيىمداستىرىپ، فەرمەرلەردى وسى الاڭدارعا اكەلىپ، كورسەتىپ، وقىتىپ جاعداي جاساۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي