BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەندى الكوگول ونىمدەرىنىڭ ساۋداسىنا ليسەنزيا الۋ جەڭىلدەيدى

ٴقازىر كاسىپكەرلەر الكوگول ونىمدەرىنىڭ ساۋداسىنا رۇقسات الۋ ٴۇشىن 4 قۇجات جيناسا، جىل سوڭىنا دەيىن ەلەكتروندىق ۇكىمەت پورتالى ارقىلى ارنايى فورمانى عانا تولتىراتىن بولادى. ەندى ليسەنزيا بەرۋ مەرزىمى 15 كۇننەن 1 كۇنگە دەيىن قىسقارادى، دەپ حابارلايدى baq.kz اقپارات اگەنتتىگى.

بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ ٴباسپاسوز قىزمەتى ٴمالىم ەتتى.

«ازاماتتارعا ارنالعان ۇكىمەت» مەملەكەتتىك كورپوراسيا ارقىلى كورسەتىلەتىن مەملەكەتتىك قىزمەتتەردى ىرىكتەۋ جونىندەگى ۆەدومستۆوارالىق كوميسسيانىڭ كەزەكتى وتىرىسىندا مەملەكەتتىك كىرىستەر كوميتەتىنىڭ قۇزىرىنداعى مەملەكەتتىك قىزمەتتەردى وڭتايلاندىرۋ تۋرالى شەشىم قابىلداندى. بيىلعى جىلدىڭ سوڭىنا دەيىن كاسىپكەرلەر ٴۇشىن الكوگولدىك ونىمدەردى ساقتاۋ، كوتەرمەلەپ جانە جەكەلەپ ساتۋعا ليسەنزيا الۋ ايتارلىقتاي جەڭىلدەيدى. ٴقازىر كاسىپكەرلەر الكوگول ساۋداسىنا ٴتورت قۇجات جيناسا، بولاشاقتا تەك قانا ەلەكتروندىق ۇكىمەت پورتالىندا مالىمەتتەر فورماسىن عانا تولتىرىپ، مەملەكەتتىك باج سالىعىن تولەپ، ٴوزىنىڭ ەلەكتروندىق-سيفرلىق قولتاڭباسىن (ەسق) قويۋى جەتكىلىكتى. ال وزگە دە قاجەتتى مالىمەتتەردى مەملەكەتتىك ورگان اۆتوماتتى تۇردە ٴتيىستى اقپاراتتىق جۇيەلەردەن الادى»، - دەپ جازىلعان حابارلامادا.

سونداي-اق، ولاردىڭ حابارلاۋىنشا، رۇقساتقا قول جەتكىزۋ مەرزىمى ون بەس جۇمىس كۇنىنەن ٴبىر كۇنگە دەيىن قىسقارادى. ال ەتيل ٴسپيرتى مەن تەمەكى ونىمدەرىن شىعارۋ ليسەنزياسىن الۋ مەرزىمى ون بەس كۇننەن ون جۇمىس كۇنىنە دەيىن شەگەرىلەدى.

ەسكە سالا كەتەيىك، استانا مەن رەسپۋبليكالىق ماڭىزى بار قالالاردا الكوگولدىك ونىمدەردى ساقتاۋ جانە جەكەلەپ ساتۋ ليسەنزياسىنىڭ قۇنى 100 اەك، اۋداندىق ماڭىزى بار قالالار مەن اۋىلداردا – 70 اەك، اۋىلدىق ەلدى-مەكەندەردە – 30 اەك، سونداي-اق، كوتەرمەلەپ ساتۋ جانە ساقتاۋ ليسەنزياسى 200 اەك قۇرايدى. رۇقساتتى قايتا راسىمدەۋ - ليسەنزيا بەرىلگەندەگى تولەمنىڭ 10%، كوشىرمەسىن جاساتۋ - 100% قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي