BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق ازىق-تۇلىك ونىمدەرى مەن قۇرىلىس ماتەريالدارى اۋعانستان نارىعىنا شىقتى

قازاقستاندىق كاسىپكەرلەردىڭ ساۋدا ميسسياسى اۋعانستانعا باردى. ٴىس-شارانىڭ قورىتىندىسى بويىنشا 11 ملن اقش دوللارىنان استام سوماعا قازاقستاندا وندىرىلەتىن ازىق-تۇلىك ونىمدەرى مەن قۇرىلىس ماتەريالدارىن جەتكىزۋگە كەلىسىمدەرگە قول جەتكىزىلدى.

كابۋل قالاسىندا kazakh invest ۇلتتىق كومپانياسى مەن اۋعانستانداعى قازاقستان ەلشىلىگىنىڭ ۇيىتقى بولۋىمەن قازاقستاندىق تاۋارلار مەن قىزمەتتەردى وندىرۋشىلەردىڭ ٴ2-شى ساۋدا ميسسياسى ٴوتتى. مۇنداي العاشقى ٴىس-شارا 2013 جىلى وتكەن بولاتىن، ونىڭ ناتيجەسىندە اۋعانستان نارىعىنا جالپى سوماسى 27 ملن اقش دوللارىن قۇرايتىن قازاقستاندىق ونىمدەردى (ماي ونىمدەرى، ۇن، ترانسفورماتور) جەتكىزۋ ۋاعدالاستىعىنا قول جەتكىزىلگەن ەدى.

بۇل ساۋدا ميسسياسى بينەس-فورۋم فورماتىندا وتكىزىلدى، وعان ازىق-تۇلىك جانە قۇرىلىس ماتەريالدارىن وندىرەتىن 11 وتاندىق وندىرۋشى-كاسىپورىن جانە 90-نان استام اۋعان كومپانياسى قاتىستى. قازاقستان بيزنەسىنىڭ ساۋدا ميسسياسىنا قازاقستانمەن ٴوزارا ٴتيىمدى ىنتىماقتاستىقتى ۇسىنۋعا دايىن اۋعان تارابى اسا جوعارى قىزىعۋشىلىق تانىتتى.

اۋعانستاننىڭ ساۋدا-ونەركاسىپتىك پالاتاسىنىڭ وكىلدەرى قازاقستاندىق ونىمدەردىڭ ساپاسىنا جوعارى باعا بەردى جانە جەرگىلىكتى نارىقتا ۇسىنىلعان تاۋارلارعا دەگەن سۇرانىستىڭ بولاتىندىعىن راستادى.

«اۋعانستان نارىعىن ٴبىزدىڭ ەكسپورتشىلار ٴۇشىن پەرسپەكتيۆالى باعدار دەپ ەسەپتەيمىز. توقساندىق نەگىزدە مۇندا ەكسپورتقا مۇددەلىك تانىتقان وتاندىق وندىرۋشىلەردى باعىتتاۋدى جوسپارلاپ وتىرمىز. قازاقستاننىڭ اۋعانستانداعى ەلشىلىگى مەن اۋعانستاننىڭ ساۋدا-ونەركاسىپتىك پالاتاسىنىڭ قولداۋىمەن قازاقستاننان ونىمدەر ساتىپ الۋعا مۇددەلىك تانىتقان اۋعان كومپانيالارىمەن كەلىسوزدەردى ۇيىمداستىرۋعا دايىنبىز»، - دەپ اتاپ ٴوتتى kazakh invest ۇلتتىق كومپانياسىنىڭ باسقارۋشى ديرەكتورى اسقار ارىنوۆ.

ٴوز كەزەگىندە ساۋدا ميسسياسىنا قاتىسۋشى قازاقستاندىق وندىرۋشىلەر وزدەرى شىعارعان تاۋارلار مەن قىزمەتتەردىڭ ەكسپورتتىق ىلگەرىلەۋى ٴۇشىن مەملەكەتتىك قولداۋدىڭ قاجەتتىلىگىن جانە ماڭىزدى شارالاردىڭ ٴبىر ەكەندىگىن اتاپ ايتتى. elif chemicals جشس ديرەكتورى الماس رىسقاليەۆتىڭ ايتۋىنشا، وسى بيزنەس-فورۋم شەڭبەرىندە ٴبىزدىڭ كومپانيامەن ىنتىماقتاستىققا جوعارى قىزىعۋشىلىق تانىتىپ وتىرعان اۋعاندىق سەرىكتەستەرمەن جەمىستى ىسكەرلىك كەلىسسوزدەر جاسالدى. باستاپقى كەزەڭدە ايىنا 2 ۆاگون گيپسوكارتون جانە وڭدەۋ ونىمدەرىن جەتكىزۋ تۋرالى كەلىسىمگە قول جەتكىزىلدى.

اۋعانستانمەن ساۋدا قاتىناستارىن دامىتۋ بويىنشا ٴىس-شارالار جالعاسادى - 20 ماۋسىمدا الماتى قالاسىندا «supplier workshop» فورماتىندا بيزنەس-سەمينار وتكىزۋ جوسپارلانىپ وتىر. ٴىس-شارا اياسىندا قازاقستاندىق وندىرۋشىلەرمەن گۋمانيتارلىق ۇيىمدارعا ونىمدەرىن قامتاماسىز ەتەتىن اۋعان كومپانيالارمەن ٴبىرقاتار ەكىجاقتى كەزدەسۋ وتەدى.

قازاقستان مەن اۋعانستان اراسىنداعى تاۋار اينالىمى 2016 جىلدىڭ قورىتىندىسى بويىنشا 489،4 ملن اقش دوللارىن قۇرادى، بۇل 2015 جىلمەن سالىستىرعاندا 30،7%-عا ارتىق. قازاقستاننان اۋعانستانعا ەكسپورت سونداي-اق 30،7%-عا ٴوسىپ، 486،9 ملن اقش دوللارىن قۇرادى. بۇل سوڭعى 5 جىلداعى ەڭ جوعارى كورسەتكىش بولىپ تابىلادى.

حابار 24.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي