BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدەگى ينفراقۇرىلىمدىق جوبالارعا قىتايلىق جانە كاتارلىق كومپانيالار 150 ملن دوللار بولەدى

«بايتەرەك» ۇلتتىق باسقارۋشى حولدينگى» اق باسقارما ٴتوراعاسى ەربولات دوسايەۆ پەن «citic capital» باسقارۋشى ديرەكتورى فانگلۋ ۆانگ $150 ملن. دەيىنگى سومادا بىرلەسىپ ينۆەستيسيالاۋ تۋرالى كەلىسىمگە قول قويدى، دەپ حابارلايدى baq.kz ٴتىلشىسى.

«بايتەرەك» حولدينگىنىڭ ەنشىلىس ۇيىمى «قازىنا كاپيتال مەنەدجمەنت» اق، «citic capital» جانە «kazakhstan infrastructure fund» اراسىنداعى ٴۇش جاقتى كەلىسىم قحر مەملەكەتتىك كەڭەسىنىڭ پرەمەرى لي كەسياننىڭ استانا قالاسىنا ساپارى شەڭبەرىندە جاسالدى.

قۇجاتتا «kazakhstan infrastructure fund»-مەن بىرلەسە وتىرىپ، ينۆەستيسيالار تەتىگى ارقىلى قازاقستاندىق جوبالارعا «citic capital silk road fund» مەن «qatar investment authority» اتىنان ينفراقۇرىلىمدىق ينۆەستيسيالاردى تارتۋ كوزدەلگەن.

«كەلىسىم «نۇرلى جول» ينفراقۇرىلىمدى دامىتۋدىڭ مەملەكەتتىك باعدارلاماسىن ىسكە اسىرۋعا جاردەمدەسەتىن جانە ونى قىتايلىق تاراپتىڭ « ۇلى جىبەك جولىنىڭ ەكونوميكالىق بەلبەۋى» باستاماسىمەن تۇيىستىرەتىن ماڭىزدى ينفراقۇرلىمدىق جوبالاردى قوسىمشا قورلانۋىن تارتۋعا مۇمكىندىك بەرەدى»،- دەپ اتاپ ٴوتتى «بايتەرەك» ۇلتتىق باسقارۋشى حولدينگىنىڭ باسقارما ٴتوراعاسى ەربولات دوسايەۆ.

«kazakhstan infrastructure fund» قازاقستان رەسپۋبليكاسى اۋماعىندا ينفراقۇرىلىمدىق جوبالاردى قارجىلىق قولداۋ ماقساتىندا «قازىنا كاپيتال مەنەدجمەنت» اق قۇرعان تىكەلەي ينۆەستيسيالار قورى بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي