BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە مىڭعا جۋىق كاسىپكەردىڭ جۇمىسىنا كەدەرگى كەلتىرىلگەن

سوڭعى ٴۇش جىلدا ەلىمىزدە 976 كاسىپكەردىڭ جۇمىسىنا باقىلاۋشى-قاداعالاۋشى ورگاندار تاراپىنان نەگىزسىز تەكسەرۋلەر جاسالىپ، كەدەرگىلەر كەلتىرىلگەن. بۇل جونىندە بۇگىن استانادا قازاقستانداعى ينۆەستيسيالىق كليمات تاقىرىبىندا ٴوتىپ جاتقان بيزنەس-فورۋم بارىسىندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ٴتوراعاسى اليك شپەكبايەۆ مالىمدەدى، دەپ حابارلايدى baq.kz ٴتىلشىسى.

«بيزنەس ٴۇشىن شىعىنداردى ازايتۋ جانە قورعاۋ باستى ماسەلەنىڭ ٴبىرى بولىپ وتىر. قازاقستاندا بەلگىلى ٴبىر دەڭگەيدە بىر-بىرىنە ۇقساس جانە نەگىزسىز باقىلاۋ-قاداعالاۋ قىزمەتتەرىنىڭ بار ەكەنىن مويىنداي وتىرىپ، ٴبىرقاتار زاڭنامالىق باستاما ازىرلەندى. ولاردى جۇزەگە اسىرۋ ناتيجەسىندە مەملەكەتتىك ورگاندارداعى باقىلاۋ-قاداعالاۋ قىزمەتتەرىن 30% قىسقارتىپ، شتات سانىن وڭتايلاندىرۋ جانە قايتا قاراستىرۋ جۇرگىزىلەدى. 2020 جىلعا دەيىن باقىلاۋ-قاداعالاۋ قىزمەتتەرىن تاعى 10% قىسقارتۋ قاراستىرىلادى»، - دەدى شپەكبايەۆ.

اگەنتتىك ٴتوراعاسىنىڭ ايتۋىنشا، بۇگىنگى كۇنى بيزنەسكە قىسىم كورسەتۋ فاكتىلەرى بار ەكەنىن مويىنداۋ قاجەت جانە وسى ورايدا، مەملەكەتتىك ورگاندارداعى باقىلاۋ-قاداعالاۋ قىزمەتتەرىن اتقاراتىن شتات سانىن قىسقارتۋ بيزنەس ٴۇشىن ٴتيىمدى بولادى.

«اعىمداعى جاعدايعا مونيتورينگ جۇرگىزۋ جانە بيزنەستى باقىلاۋشى ورگانداردىڭ ارالاسۋلارىنان قورعاۋ ٴبىزدىڭ اگەنتتىك باسىمدىقتارىنىڭ ٴبىرى بولىپ تابىلادى. سوڭعى ٴۇش جىلدا مۇنداي 976 فاكتى انىقتالىپ، ولار بويىنشا 389 لاۋازىمدى تۇلعا جاۋاپقا تارتىلدى. قابىلدانعان شارالار 500-دەن استام كاسىپكەردىڭ قۇقىعىن قورعاۋعا مۇمكىندىك بەردى»، - دەدى ول.

شپەكبايەۆ ٴمالىم ەتكەندەي، بيزنەس-فورۋم اياسىندا قابىلدانعان ٴۇشجاقتى مەموراندۋم كاسىپكەرلەر جۇمىسىنا مەملەكەتتىك ورگاندار تاراپىنان نەگىزسىز ارالاسۋلارعا تىيىم سالاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي