BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە قوقىستاردى قايتا وڭدەۋمەن اينالىساتىن بيزنەس تۇرلەرىنە قولداۋ كورسەتىلەدى

ماماندار كاسىپكەرلەردى قوقىستاردى قايتا وڭدەۋمەن اينالىساتىن بيزنەس باستامالارعا شاقىردى. بۇل تۋرالى ورتالىق كوممۋنيكاسيالار قىزمەتىندە «جاسىل ەكونوميكاعا» ٴوتۋ بولجامدارى» تاقىرىبىندا وتكەن ٴباسپاسوز كونفەرەنسياسىندا ايتىلدى، دەپ حابارلايدى baq.kz ٴتىلشىسى.

ەكولوگيا ماسەلەسى الەم بويىنشا وزەكتىلىگىن جوعالتقان ەمەس. اۋىز سۋدىڭ ماسەلەسى، اۋانىڭ لاستانۋى، تابيعاتتاعى انوماليالىق قۇبىلىستاردىڭ بارلىعى جاسىل ەكونوميكاعا كوشۋگە اكەلەدى. جاسىل ەكونوميكا دەگەنىمىز – تابيعي رەسۋرستاردى ٴتيىمدى پايدالانۋ، تازا تابيعي ونىمدەر شىعارۋ.

ەستەرىڭىزگە سالساق، قازاقستان 2013 جىلى «جاسىل ەكونوميكاعا» كوشۋ تۋرالى تۇجىرىمدامانى بەكىتتى. تۇجىرىمدامانىڭ نەگىزگى ماقساتى قازاقستان حالقىنىڭ ٴال-اۋقاتىن، ٴومىر ٴسۇرۋ ساپاسىن ارتتىرۋ. قورشاعان ورتاعا تۇسەتىن جۇكتەمەمەن تابيعي رەسۋرستاردىڭ توزۋىن بارىنشا ازايتا وتىرىپ، جاڭا تۇرپاتتاعى ەكونوميكاعا كوشۋ.

«قازاقستان 2013 جىلى جاسىل ەكونوميكاعا كوشۋ تۋرالى تۇجىرىمدامانى بەكىتتى. تۇجىرىمدامادا تابيعي رەسۋرستاردى پايدالانۋ تيىمدىلىگىن ارتتىرۋ، قازىرگى ينفراقۇرىلىمدى جاڭعىرتۋ جانە جاڭا ينفراقۇرىلىم سالۋ، قورشاعان ورتاعا قىسىم جاساۋدى جۇمسارتۋ ارقىلى حالىقتىڭ يگىلىگىن ارتتىرۋ، ۇلتتىق قاۋىپسىزدىكتى نىعايتۋ، ونىڭ ىشىندە سۋ قاۋىپسىزدىگىن ارتتىرۋ سەكىلدى ماڭىزدى باعىتتار بويىنشا جۇمىستار كوزدەلگەن»، - دەپ مالىمدەدى م.التانگەرەل.

قازاقستاندا شامامەن 43 ميلليارد توننا وندىرىستىك قالدىقتار بار، ولاردىڭ 9%-ى عانا قايتا وڭدەلەدى ەكەن. قازاقستاندا قالدىقتاردى جيناۋ جانە قايتا وڭدەۋ جۇيەسىن قۇرۋ ٴۇشىن ٴبىرىنشى كەزەكتە قالدىقتاردى شيكىزات رەتىندە وڭدەۋ قاجەت.

ۇلتتىق كاسىپكەرلەر پالاتاسىنىڭ اقپاراتتىق كوممۋنيكاسيالار تەحنولوگيالار، ٴبىلىم بەرۋ جانە يننوۆاسيا كوميتەتىنىڭ ٴتوراعاسى مۇرات ابەنوۆ «جاسىل ەكونوميكا» سالاسىندا اتقارىلىپ جاتقان بارلىق بيزنەس شارالاردى قولدايتىنىن جەتكىزدى.

«جاسىل ەكونوميكا» - زامانىمىزدىڭ نەگىزگى تالاپتارىنىڭ ٴبىرى. بۇل سالادا جاقسى جۇمىس ىستەپ جاتقان ەلدەر ۇنەمدى، ساپالى، قولجەتىمدى باعادا جانە ەكولوگياعا زيانى جوق ونىمدەر شىعارادى. ەگەر ٴبىز بۇل ىسپەن اينالىسپاساق، ٴبىزدىڭ ەكونوميكامىز باسەكەلەستىككە قابىلەتتى بولمايدى. سوندىقتان ٴبىزدىڭ كوميتەت بۇل سالاداعى بارلىق بيزنەس تۇرلەرىن قولداۋعا دايىن»،- دەدى مۇرات ابەنوۆ.

سونداي-اق، ونىڭ ايتۋىنشا، ەلىمىزدە بۇل سالادا جۇمىس جاساپ جۇرگەن كاسىپكەرلەر كوبەيىپ كەلە جاتىر. اتىراۋ، پەتروپاۆل، تەمىرتاۋ قالالارىندا قالدىقتاردى قايتا وڭدەۋمەن اينالىساتىن بيزنەستىڭ تۇرلەرى بار. مىسالى، قاراعاندىدا ەسكى اۆتوكولىكتەردى ۋتيليزاسيالاۋ بويىنشا زاۋىت اشىلعان.

ٴبىراق «جاسىل ەكونوميكانىڭ» نە ەكەنىن، قالاي جۇزەگە اسىرىلاتىنىن تۇسىنبەيتىندەر دە جوق ەمەس. حالىقتىڭ ەكولوگيالىق ساۋاتتىلىعى ٴالى دە تومەن دەيدى سالا ماماندارى. مىسالى، قالالىق جەرلەردە قالدىقتىڭ ٴار تۇرىنە ارنالعان قوقىس جاشىكتەرى ورنالىسقانىمەن، ادامدار تاماقتان قالعان قالدىقتاردى بولەك، قاعازداردى، تەمىرلەردى، شىنىلاردى، پلاستيكانى بولەك جيناۋعا داعدىلانا الماي جاتىر.

«حالىقتى قوقىستاردى ٴبولىپ جيناۋعا ۇيرەتۋ كەرەك. 30-40% قالدىقتاردى جيناپ بيوگازدىق قۇرىلعىلار قويىپ، ودان ەنەرگيا الاتىن بولساق، بۇل بيزنەس ٴۇشىن وتە جاقسى جوبا. 2019 جىلدان باستاپ پوليگوندارعا قاعازداردى، پلاستيكتەردى، تاماقتىڭ قالدىقتارىن شىعارۋعا بولمايدى. سوندىقتان، وسىنىڭ ٴبارى بيزنەسكە قولايلى باستامالار. ٴبىز وسى ىسپەن اينالىسامىن دەگەن كاسىپكەرلەردى تارتۋىمىز كەرەك»، - دەدى قازاقستان ەكولوگيالىق ۇيىمدارى اسسوسياسياسىنىڭ اەۇك پرەزيديۋمىنىڭ مۇشەسى سالتانات راحىمبەكوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي