BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدەگى ەڭ جەمقور ورگان انىقتالدى

فوتو: www.qazaquni.kz

مەملەكەتتىك قىزمەتكەرلەر كاسىپكەرلەردىڭ بيزنەسىن شىعىنعا باتىرىپ، قىزمەتىنە كەدەرگى جاساسا دا، جاۋاپكەرشىلىكتەن قۇتىلىپ كەتەدى. بۇل تۋرالى «اتامەكەن» ۇلتتىق كاسىپكەرلەر پالاتاسى باسقارما ٴتوراعاسىنىڭ ورىنباسارى رۇستەم ٴجۇرسىنوۆ كاسىپكەرلەردىڭ سىبايلاس جەمقورلىقپەن كۇرەس ماسەلەسىنە ارنالعان فورۋمىندا مالىمدەدى.

ونىڭ ايتۋىنشا، 2015 جىلى، سونداي-اق، وسى جىلدىڭ توعىز ايىندا زاڭدى كاسىپكەرلىك قىزمەتكە توسقاۋىل جاساۋ دەرەگى بويىنشا 16 ٴىس قوزعالدى. ونىڭ قورىتىندىسىنا ساي ايىپتاۋ ۇكىمى ەكى ادامعا عانا شىققان. فورۋم قاتىسۋشىلارى سىبايلاس جەمقورلىقتى جەڭە الماي وتىرعانىن بىرنەشە رەت قايتالاپ ايتۋمەن بولدى. ال ەكونوميكالىق زەرتتەۋلەر ينستيتۋتى جۇرگىزگەن ساۋالناما ەڭ جەمقور ورگان رەتىندە سانيتارلىق-ەپيدەميولوگيالىق قىزمەتتى انىقتاعان.

«ەكونوميكالىق زەرتتەۋلەر ينستيتۋتى جۇرگىزگەن الەۋمەتتىك ساۋالناما ناتيجەسى بويىنشا، كاسىپكەرلەر پىكىرىنشە، جەمقورلىق جايلاعان ورگانداردىڭ كوشباسىندا سانيتارلىق-ەپيدەميولوگيالىق قىزمەت تۇر. وسى سالاعا ۇلكەن رەفورمالار كەرەك. ال كەيبىر ەلدەردە بۇل قۇرىلىم ٴتۇرى مۇلدە جوق. دەنساۋلىق ساقتاۋ باعىتى دا كۇردەلى زەرتتەۋدى قاجەت ەتەدى. دارى-دارمەك ساتىپ الۋعا بيىل 150 ملرد تەڭگەدەن استام قارجى ٴبولىندى. ال دارىلەردى ساتىپ الۋ جۇمىستارى بويىنشا اقپارات جابىق. ساتىپ الۋلاردىڭ كوبى قاعاز تۇرىندە وتەدى»، - دەيدى قر مەملەكەتتىك قىزمەت ىستەرى جانە ٴسجقىق اگەنتتىگى ٴتوراعاسىنىڭ ورىنباسارى اليك شپەكبايەۆ.

فورۋم قورىتىندىسى بويىنشا، مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى مەن «اتامەكەن» ۇلتتىق كاسىپكەرلەر پالاتاسى سىبايلاس جەمقورلىققا قارسى جول كارتاسىن قابىلدادى.

astanatv.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي