BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەكى ايدا قازاقستاندا 4 مىڭنان استام اۆتوموبيل شىعارىلدى

فوتو: bogorodskmash.ru

ەكى اي ىشىندە قازاقستاندا جالپى سوماسى 24،7 ملرد تەڭگەگە 4 277 بىرلىك اۆتوكولىك قۇرالدارى (جەڭىل، جۇك، اۆتوبۋس تەحنيكاسى، ارنايى ماشينالار مەنتىركەمەلەردى قوسا العاندا) شىعارىلعان. ٴوندىرىس كولەمىنىڭ زاتتاي كورىنىسى وتكەن جىلعى كورسەتكىشتەن 2 ەسە ارتىق، دەپ حابارلايدى baq.kz اقپارات اگەنتتىگى.

«قازاۆتوونەركاسىپ» قازاقستان اۆتوموبيل سالاسى كاسىپورىندار وداعىندا مالىمدەگەندەي، 2018 جىلدىڭ قاڭتار-اقپان ايلارىندا جەڭىل اۆتوكولىكتەر ٴوندىرىسى 2 ەسە ٴوسىپ، 4 124 بىرلىككە جەتكەن. اۆتوموبيل تەحنيكاسىن شىعارۋ (28 ٴبىرل.) ەسەپتى كەزەڭنىڭ قورىتىندىسى بويىنشا ٴبىر جىل بۇرىنعى كورسەتكىشتەن 55،6% اسىپ تۇسكەن. جۇك اۆتوكولىكتەرىن شىعارۋ (83 ٴبىرل.) 23،9% ارتقان. ال ارنايى تەحنيكا شىعارۋ 3-تەن 15 بىرلىككە دەيىن وسكەن. 2018 جىلدىڭ اقپان ايىنىڭ قورىتىندىسى بويىنشا قازاقستاندىق كاسىپورىنداردىڭ كونفەيەرلەرىنەن 2 172 بىرلىك اۆتوكولىك قۇرالى ساتىلىمعا كەتكەن. بۇل 2017 جىلعى كورسەتكىشتەن 37،4% ارتىق.

قىستىڭ سوڭعى ەكى ايىنىڭ قورىتىندىسى بويىنشا قازاقستاندا قۇراستىرىلعان جەڭىل اۆتوكولىكتەردىڭ ىشىندە مىنا بەس برەند ۇلكەن سۇرانىسقا يە بولعان، ولار: lada (1 647 ٴبىرل.)، hyundai (614 ٴبىرل.)، kia (308 ٴبىرل.)، ravon (176 ٴبىرل.) جانە jac (140 ٴبىرل.). وتاندىق كاسىپورىندارمەن ۇسىنىلاتىن ماركالار تىزىمىندە chevrolet (111 ٴبىرل.)، skoda (44 ٴبىرل.)، peugeot (30 ٴبىرل.) جانە ssangyong (2 ٴبىرل.) بار.

جەرگىلىكتى وندىرىستەگى جەڭىل اۆتوكولىكتەر رەيتينگىن lada برەندىنىڭ ۇلگىلەرى باسقارىپ تۇر: lada 4x4 (502 ٴبىرل.) جانە lada granta (460 ٴبىرل.). قازاقستاندىقتار ٴۇشىن ۇلكەن تانىمالدىلىققا يە كولىكتەر قاتارىنا hyundai tucson (295 ٴبىرل.)، lada largus (249 ٴبىرل.)، lada vesta (235 ٴبىرل.)، kia sportage (195 ٴبىرل.)، ravon nexia (176 ٴبىرل.)، hyundai elantra (146 ٴبىرل.)، lada xray (146 ٴبىرل.)، jac s3 (102 ٴبىرل.) chevrolet niva (84 ٴبىرل.) تە كىردى.

قاڭتار-اقپان ايلارىنا 155 اۆتوكولىك جەڭىلدىكتى اۆتونەسيە مەملەكەتتىك باعدارلاماسىنىڭ قاتىسۋشىلارى ساتىپ العان. بۇل جەرگىلىكتى وندىرىستەگى جەڭىل اۆتوكولىكتەر ساتىلىمىنىڭ 4،7%-ىن قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي