BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەپۋتات كاسىپكەرلەرگە اعىلشىن جانە قىتاي تىلدەرىن ۇيرەنۋگە كەڭەس بەردى

لاتىن الىپبيىنە كوشۋ قازاق ٴتىلىن ۇيرەنۋدى جەڭىلدەتەدى. بۇل تۋرالى قحا عىلىمي-ساراپتامالىق كەڭەسىنىڭ كەڭەيتىلگەن وتىرىسىندا قر پارلامەنتى ٴماجىلىسىنىڭ دەپۋتاتى ۆلاديمير بوجكو ايتتى، دەپ حابارلايدى baq.kz ٴتىلشىسى.

«بىزدە جاستاردىڭ بارلىعى 3 ٴتىلدى وقيدى. ٴبىز ورىستىڭ مادەنيەتىنەن، بىلىمىنەن، ەكونوميكاسىنان، كيريليسادان ايىرىلىپ قالامىز دەگەن تۇسىنىك نەگىزسىز. بيزنەسمەندەر اعىلشىن، ورىس، قىتاي تىلدەرىن وقيتىن بولادى. ەلىمىزدە ٴۇش ٴتىلدى وقۋ مىندەتتى بولسا كيريلليسا قالاي جوعالىپ كەتەدى؟ مىسالى، سەن بالىق اۋلاۋعا بارساڭ، وزىڭە قايماق جاعىلعان قۇلپىنايدى ويلاماي، بالىققا نەنىڭ قاجەت ەكەنىن ويلاۋىڭ قاجەت»، - دەدى ول.

سونىمەن قاتار دەپۋتات لاتىن الىپبيىنە كوشۋ قازاق ٴتىلىن ۇيرەنۋدى جەڭىلدەتەتىنىن جەتكىزدى.

«قازىرگى تاڭدا جاستار اعىلشىن ٴتىلىن بەلسەندى تۇردە وقىپ جاتىر. اعىلشىن ٴتىلى – ينتەللەكتۋالدى قابىلەتىڭدى ٴساتتى جۇزەگە اسىرۋعا مۇمكىندىك بەرەدى. سوندىقتان لاتىن ٴالىپبيى دە قازاق ٴتىلىن ۇيرەنۋگە سەرپىن بەرىپ، ونى ۇيرەنۋ جەڭىلدەي تۇسەدى»، - دەپ تۇيىندەدى ٴسوزىن ۆلاديمير بوجكو.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي