BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن الماتىدا شىعىس قازاقستان وبلىسىنىڭ بال جارمەڭكەسى وتۋدە

ٴوڭىرارالىق كووپەراسيا اياسىندا 29-30 قىركۇيەك كۇندەرى الماتىدا شىعىس قازاقستان وبلىسىنىڭ بال جارمەڭكەسى وتەدى. وندا قالا تۇرعىندارىنا الۋان ٴتۇرلى بال، پانتى ونىمدەرى جانە اعاشتان جاسالعان بۇيىمدار ۇسىنىلاتىن بولادى، دەپ حابارلادى شقو اقپاراتتىق ورتالىعى.

وسكەمەن قالاسى، اياگوز، زىريان، گلۋبوكوە، كاتونقاراعاي، ۇلان، ٴۇرجار، كوكپەكتى، شەمونايحا جانە تارباعاتاي اۋداندارىنىڭ ونىمدەرى قويىلعان ساۋدا قالاشىعى ەكى كۇن بويى شەۆچەنكو كوشەسىنىڭ بويىنداعى عىلىم اكادەمياسىنىڭ الدىنداعى الاڭدا جۇمىس ىستەيتىن بولادى. الماتىلىقتار ٴۇشىن 40 توننادان استام ٴتۇرلى بال جانە بال ونىمدەرى، پانتى ٴونىمىنىڭ 27 ٴتۇرى اكەلىنەدى. سونىمەن قاتار قالا تۇرعىندارى قولونەر بۇيىمدارىن ساتىپ الۋ مۇمكىندىگىنە يە بولادى.

جينالعان جۇرتشىلىققا بال جارمەڭكەسى بارىسىندا شىعىس قازاقستان وبلىسىنىڭ شىعارماشىلىق ۇجىمدارىنىڭ كونسەرتى ۇسىنىلادى.

سونداي-اق الماتى قالاسىنىڭ تۇرعىندارى 2016 جىلى شىعىس قازاقستاننىڭ 5 كونە ەسكەرتكىشىندە جۇرگىزىلگەن ارحەولوگيالىق قازبالاردىڭ جادىگەرلەرىمەن تانىسا الادى. كورمەدە بەرەل قورعانى، شىلىكتى جازىعى، ابلايكيت قامال-موناستىرىندە، قىرىقۇڭگىر مەن ەلەكە سازىندا تابىلعان ارتەفاكتىلەر كورمەگە قويىلماق.

strategy2050.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي