BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«بيزنەستىڭ جول كارتاسى 2020» باعدارلاماسىنىڭ تالاپتارى جەڭىلدەدى

ۇكىمەتتىڭ قاۋلىسىمەن «بيزنەستىڭ جول كارتاسى 2020» بيزنەستى دامىتۋ مەن قولداۋدىڭ ٴبىرىڭعاي باعدارلاماسىنا وزگەرىستەر ەنگىزىلدى. بۇل وزگەرىستەر مەملەكەتتىڭ قولداۋىنا قول جەتكىزە الاتىن كاسىپكەرلەر سانىن ارتتىراتىنى جوسپارلانىپ وتىر، دەپ حابارلايدى baq.kz اقپارات اگەنتتىگى.

نەگىزىنەن بيزنەستىڭ ساناتى، كاسىپكەرلەرگە قويىلاتىن تالاپتار مەن قولداۋ قۇرالدارىنىڭ شارتى بويىنشا وزگەرىستەر ەنگىزىلگەن. وسىلايشا، شاعىن جانە ورتا كاسىپكەرلىكتى قولداۋ ماقساتىندا جانە وڭىرلەردەگى بيزنەستى دامىتۋعا بيۋدجەت قارجىسىنىڭ جەتىسپەۋشىلىگى ماسەلەسىن شەشۋ ٴۇشىن باعدارلامادان ٴىرى كاسىپكەرلىك سۋبەكتىلەرى الىنىپ تاستالدى.

جاڭا رەداكسيا بويىنشا، باعدارلامادان وبلىس پەن قالالىق اكىمشىلىكتەر جانىندا جۇمىس ىستەيتىن وڭىرلىك ۇيلەستىرۋ كەڭەسى (وۇك) الىنىپ تاستالدى. ەندى شاعىن جوبالاردىڭ نەسيەسىنە سۋبسيديا بەرۋدە شەشىمدى «دامۋ» قورى قابىلدايدى. 180 ملن تەڭگەدەن اسپايتىن نەسيەلەردى قور 5 جۇمىس كۇنى ىشىندە قاراستىرسا، 180 ملن تەڭگەدەن استام نەسيەلەر بويىنشا شەشىمدى ٴبىرىڭعاي باعدارلامانىڭ وڭىرلىك ۇيلەستىرۋشىسى 21 جۇمىس كۇنى ىشىندە قابىلدايدى. كەپىلدەندىرۋ قۇرالى بويىنشا قولدانىلىپ كەلگەن ٴدال وسىنداي ٴادىس شاعىن جانە ورتا كاسىپكەرلىككە قولداۋ كورسەتۋدە وتە ٴتيىمدى ەكەنىن كورسەتتى.

كەپىلدىكتى توقتاتۋ شارتتارىنا قويىلاتىن تالاپتار دا جەڭىلدەدى. ول بويىنشا ەندى نەسيە 100% ماقساتتى تۇردە جۇمسالماعان جاعدايدا عانا كەپىلدىك بەرۋ توقتايدى.

سونداي-اق، ٴبىر كاسىپكەردىڭ قولىنا تيەتىن نەسيە سۋبسيدياسىنىڭ سوماسىنا دا وزگەرىس ەندى. ول 4،5 ملرد تەڭگەدەن 2،5 ملرد تەڭگەگە دەيىن ازايدى. دەگەنمەن، نەسيە مولشەرلەمەسىن سۋبسيديالاۋ مەرزىمى بۇرىن ٴۇش جىل بولسا، ٴقازىر ۇزارتۋسىز بەز جىلعا وزگەردى. بەرىلەتىن كەپىلدەمەنىڭ مەرزىمىنە شەك قويىلمايتىن بولعاندىقتان، ەندى كەپىلدىك مەرزىمى نەسيە مەرزىمىنەن اسپايدى.

سونىمەن قاتار، باعدارلاما بويىنشا سۋسبسيديالاناتىن نەمەسە كەپىلدىك بەرىلەتىن نەسيەنىڭ تۇراقتى بەكىتىلگەن ماكسيمالدى مولشەرلەمەسىنىڭ ورنىنا وزگەرمەلى مولشەرلەمە ەنگىزىلدى. سۋبسيديا قازاقستان ۇلتتىق بانكى بەكىتكەن بازالىق سىياقى مولشەرلەمەسىنەن اسپايتىن جانە 5 پايىزعا ۇلعايتىلعان نومينالدى سىياقى مولشەرلەرلەمەسى بار نەسيەلەرگە بەرىلەدى. ونىڭ 30-50 پايىزىن ۇكىمەت سالاسىنا قاراي سۋبسيديالايدى، ايىرماسىن كاسىپكەر ٴوزى تولەيدى. كەپىلدىك شارت بويىنشا وزگەرمەلى سىياقى مولشەرلەمەسى بۇرىنعى كەستە بويىنشا، ياعني قر ۇب بازالىق ستاۆكاسى + 5% دەپ ەسەپتەلەدى.

بيۋدجەتكە تولەنەتىن سالىق كولەمىنىڭ ارتۋىمەن بايلانىستىرىلاتىن تيىمدىلىك كريتەريى دە الىنىپ تاستالدى. ەندى ٴبىرىڭعاي باعدارلاماعا قاتىسۋ شارتىنا سايكەس، كىرىستى ارتتىرۋ مەن جاڭا جۇمىس ورنىن اشۋ تالاپتارىنا ساي كەلسە بولعانى. باعدارلامانىڭ بۇرىنعى رەداكسياسىندا جوعارىدا اتالعان تالاپتارمەن قاتار، وڭ شەشىم العاننان سوڭ ەكى جىل وتكەن سوڭ سالىق ٴتۇسىمىن 10 پايىزعا ارتتىرۋ دا تالاپ ەتىلەتىن. بۇل - كوپ كاسىپكەر ٴۇشىن كەدەرگى ەدى. ٴبىر ايتا كەتەرلىگى، اينالىم قاراجاتىن تولىقتىرۋعا باعىتتالعان نەسيەلەرگە تيىمدىلىك كريتەريى تالاپ ەتىلمەيدى.

«دامۋ» كاسىپكەرلىكتى دامىتۋ قورىنىڭ ٴباسپاسوز حاتشىسى ٴمالىم ەتكەندەي، قوناق ٴۇي نەمەسە قوناق ٴۇي كەشەندەرىن ساتىپ الۋ باعىتىندا جۇمىس ىستەيتىن شاعىن جانە ورتا كاسىپكەرلىك سۋبەكتىلەرىنە قويىلاتىن تالاپتار دا ىڭعايلى بولا ٴتۇستى. بۇل قىزمەت ٴتۇرى جوبالاردى سۋبسيديالاۋدى جانە نەسيەگە كەپىلدىك بەرۋدى ماقۇلداۋ كەزىندە باعدارلامانىڭ شەكتەۋ قويىلاتىن كريتەرييلەرى تىزىمىنەن الىنىپ تاستالدى.

ايتا كەتەيىك، 2017 جىلى 2 287 جوبا سۋبسيديالانىپ، تولەنگەن سۋبسيديا 36،13 ملرد تەڭگەنى قۇرادى. 1 065 كاسىپكەر 38 ملرد تەڭگەنىڭ نەسيەسى بويىنشا كەپىلدىك الدى (2016 جىلمەن سالىستىرعاندا 112% ارتقان). كەپىلدىكتىڭ جالپى كولەمى 15 ملرد تەڭگە بولعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي