BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«بيزنەستى قۇتقارۋ قىزمەتى» الماتىلىق كاسىپكەرگە كومەكتەستى

الماتى، baq.kz. كاسىپكەرلەردىڭ سۇراۋى بويىنشا شاعىن جانە ميكرو-بيزنەستى قولداۋ سەرۆيسى الماتى قالاسىندا دا ىسكە قوسىلدى.

«اتامەكەن» ۇكپ-نىڭ حابارلاۋىنشا، ەندى كاسىپكەرلەر 1432 نومىرىنە حابارلاسىپ، تۋىنداعان ماسەلە بويىنشا شاعىمدانا الادى. وندا كاسىپكەرگە تەك كەڭەس بەرىپ قانا قويمايدى، قاجەت بولسا ٴموبيلدى توپ جەدەل جەتىپ كومەك كورسەتە الادى.

الماتىداعى ٴموبيلدى توپ بۇگىن العاشقى كومەگىن كورسەتتى. ويىنشىقتار ساتاتىن دۇكەننىڭ يە ازامات ٴابدىراحمانوۆ الماتى قالاسى سانيتارلى-ەپيدەميولوگيالىق قاداعالاۋ باسقارما قىزمەتكەرلەرىنىڭ جوسپارسىز تەكسەرۋىنە شاعىمدانعان.

كاسىپكەر تەكسەرۋگە كەلگەن مامانداردان زاڭدى قۇجاتتى تالاپ ەتكەن. الايدا مەملەكەتتىك قىزمەتكەر زاڭدى تەكسەرىستى راستايتىن قۇجاتتى كورسەتە الماعان. قاجەتتى جاۋابىن الا الماعان قاداعالاۋشىلار جۋىق ارادا قايتا كەلەتىنىن ەسكەرتىپ تايىپ تۇرعان.

كاسىپكەر قۇقىعىنىڭ بۇزىلۋ فاكتىسىن راستاۋ ٴۇشىن جانە پسيحولوگيالىق ٴارى زاڭدى كومەك كورسەتۋ ٴۇشىن الماتى قالاسى كاسىپكەرلەر پالاتاسىنىڭ زاڭگەرلەرى ساۋدا ورنىنا شۇعىل جەتكەن. «kinderstore» دۇكەنىنىڭ وكىلدەرىنە زاڭدى ٴتۇسىندىرۋ جۇمىستارى مەن «qamqor» ۇيالى قوسىمشاسى تۋرالى اقپاراتتار بەرىلدى.

كاسىپكەرگە قىسىم جاساۋدى توقتاتۋ ماقساتىندا دۇكەن يەسىنە الماتى قالاسى كاسىپكەرلەر پالاتاسى وكىلدەرىنىڭ جەكە بايلانىس نومىرلەرى بەرىلدى.

«بيزنەستى قۇتقارۋ قىزمەتى» جوباسى «اتامەكەن» ۇكپ-مەن جۇزەگە اسۋدا. پيلوتتى جوبا العاش رەت استانادا ىسكە قوسىلعان. ٴموبيلدى توپتىڭ قۇرامىنا ۇلتتىق پالاتانىڭ، پروكۋراتۋرانىڭ، جەمقورلىققا قارسى ورگان، ٴىىد مەن ٴتجد-نىڭ قىزمەتكەرلەرى كىرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي