BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴبىز قاراپايىم قازاقتاردى قوپارىپ، توڭكەرىپ جاتقان جوقپىز – د.ەرعوجين

فوتو: kapital.kz

بۇگىندە بۇقارالىق اقپارات قۇرالدارىندا وتاندىق بيزنەستى تەكسەرۋ شارالارىنىڭ جيىلەپ كەتكەنى ايتىلىپ ٴجۇر. مەملەكەتتىك كىرىستەر كوميتەتى سالىق مولشەرىن ارتتىرۋ ارقىلى بيۋدجەتكە تۇسەتىن قارجىنى ۇلعايتىپ وتىر. وسىلايشا، وتاندىق كاسىپكەرلەرگە قىسىم جاساۋدا دەگەن پىكىر بار. بۇگىن سەناتورلار الدىندا ەسەپ بەرگەن قر قارجى مينيسترلىگى مەملەكەتتىك كىرىستەر كوميتەتىنىڭ ٴتوراعاسى داۋلەت ەرعوجين وسى ماسەلەنىڭ ٴمان-جايىن ٴتۇسىندىرىپ بەردى، دەپ xابارلايدى baq.kz ٴتىلشىسى.

«بۇگىنگى تەكسەرىستەردىڭ ەكىگە بولىنەتىنىن ەسكەرۋ كەرەك. ٴبىرىنشىسى – سالىق پەن ايىپپۇلداردى سالعانعا دەيىن جاسالاتىن تەكسەرىس، ەكىنشىسى – تەك ەسكەرتۋمەن عانا شەكتەلەتىن تەكسەرىس. وتكەن جىلدىڭ العاشقى التى ايىمەن سالىستىرعاندا، شىنىمەن دە، بيىل تەكسەرىستەر سانى 20 پايىزعا ارتتى. ارينە، ونداي جاعداي الاڭداۋشىلىق تۋعىزادى. سول سەبەپتى ٴبىز ول تەكسەرىستەردى زەردەلەپ شىقتىق. ماسەلەن، سالىق پەن ايىپپۇلداردى سالعانعا دەيىن جاسالاتىن تەكسەرىستەر كەزىندە كاسىپكەردىڭ ٴوز ٴوتىنىشى بويىنشا نەمەسە مەملەكەتتىك كىرىستەر كوميتەتىنىڭ باستاماسىمەن وتەتىن تەكسەرىس بار. ول قالاي؟ كاسىپكەر قوسارلانعان قۇن سالىعىن قايتارعىسى كەلسە، تەكسەرىسكە ٴوزى تاپسىرىس بەرەدى. مىنە، قازاقستانداعى تەكسەرىستەردىڭ 53 پايىزى وسىنداي جاعدايلارعا بايلانىستى. ەندى، قاراڭىز، ول قوسارلانعان قۇن سالىعىن قايتارامىن دەسە، مەن ونى تەكسەرىپ شىعۋىم قاجەت قوي. وسىنداي كەرى تەكسەرىستەردىڭ سانى 70 پايىزدى قۇراپ وتىر»،- دەيدى د.ەرعوجين.

ال بيىلعى تەكسەرىستەردىڭ 20 پايىزعا ٴوسۋى xرونومەتراجدى، ياعني ەسكەرتۋ ماقساتىندا جاسالاتىن تەكسەرىستەردىڭ جيىلەپ كەتۋىنە بايلانىستى بولىپ وتىر. وندايدا كوميتەت ماماندارى كاسىپكەرگە بارىپ، ونىڭ تاۋاردى تىركەۋ جۋرنالىندا كورسەتكەن مالىمەتتەرىن تەكسەرەدى. مۇنداي مالىمەتتەر تولەنىپ جاتقان سالىققا سايكەس كەلمەسە، ەسكەرتۋ جاسالادى.

«ماسەلەن، الماتىدا وتىرعان ٴبىر كومپانيا ٴوزىنىڭ جىلدىق تابىسىن 273 مىڭ تەڭگە دەپ كورسەتكەن. ال شىن مانىندە ونىڭ اينالىمى 100 ملن تەڭگەنى قۇراعان. سوندا نە ول؟ قايىرىمدىلىقپەن اينالىسا ما؟ ٴبىزدىڭ ماماندارىمىز 64 كۇن وتىرىپ، كەلگەن-كەتكەن تاۋاردى وزدەرى تىركەپ وتىردى. وسى تەكسەرىستەن كەيىن ونىڭ تابىسى 630 (!) پايىزعا ارتتى. وعان ەشكىم ايىپپۇل سالعان جوق، تەك ەسكەرتۋ عانا جاسالدى. سول سياقتى بالىقتى يمپورتتاۋمەن اينالىساتىن ٴبىر كومپانيا ٴبىر جىلدىڭ ىشىندە 737 ملن. تەڭگەنىڭ تاۋارىن اكەلدى. ال ٴوز تابىستارىن ەكى-اق ميلليون دەپ كورسەتتى. ول دا قايىرىمدىلىق پا؟ سول جەردە دە 64 كۇن وتىردىق. سوندا ولاردىڭ ٴوز تابىسىن 256 پايىزعا (!) تومەندەتىپ كورسەتكەندەرى انىقتالدى»،-دەپ اتاپ كورسەتتى كوميتەت باسشىسى.

د.ەرعوجيننىڭ سوزىنە قاراعاندا، وسى جىلى قاۋىپ-قاتەرلەردى باسقارۋ جۇيەسى اياسىندا 1،2 ملن. كاسىپكەردىڭ تەك 1 ٴ400-ى عانا تەكسەرىستەن وتەدى. ول كورسەتكىش 0،1 پايىزعا دا جەتپەيدى. ونىڭ ىشىندە شاعىن جانە ورتا بيزنەس وكىلدەرى جوق.

«سول 1 400 كاسىپكەرلىك نىساننىڭ بارلىعى - مەملەكەتتىك ساتىپ الۋلارعا، تاۋار يمپورتىنا جانە تاعى باسقا ۇلكەن تاپسىرىستارعا قاتىساتىن ٴىرى بيزنەسمەندەر. نەگە ولار؟ ماسەلەن، 3-10 ملرد. تەڭگەگە تاپسىرىس الىپ وتىرعان قۇرىلىس كومپانياسى سالىق جۇكتەمەسىن 0،1 پايىز دەپ كورسەتسە، كەز كەلگەن ادامدا سۇراق تۋىنداماي ما؟ سەبەبى قاتارداعى قازاقستان ازاماتىنىڭ سالىق جۇكتەمەسى، كەم دەگەندە 18 پايىزدى قۇراپ وتىر. سونىڭ ىشىندە تابىس سالىعى، زەينەتاقى تولەمى جانە تاعىسىن تاعى بار. ال 5 ملرد. تەڭگەنىڭ اينالىمى بار قۇرىلىس كومپانياسى سالىقتىڭ 0،1 پايىزىن تولەپ وتىر. بۇل تۇستا سۇراق تۋىندايتىنى راس قوي؟! راس. ٴبىز سوعان جاۋاپ ىزدەيمىز. بۇل جەردە شاعىن بيزنەس جوق. ٴبىز قاراپايىم قازاقتارعا بارىپ، يپ-نى تەكسەرىپ، توڭكەرىپ جاتقان جوقپىز. ونىڭ پايداسى دا جوق»،- دەيدى د.ەرعوجين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي