BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بىلتىر «دامۋ» قورى 10 مىڭنان اسا كاسىپكەردى قارجىلاندىردى

2016 جىلى «دامۋ» قورىنىڭ باعدارلامالارى بويىنشا 10 186 جوبا قارجىلاندىرىلعان. ولاردىڭ جالپى قۇنى 650 ملرد تەڭگەنى قۇرايدى، دەپ حابارلايدى baq.kz.

ەكىنشى دەڭگەيلى بانكتەر ارقىلى جەڭىلدىكپەن نەسيە بەرۋ باعدارلاماسى بويىنشا وتكەن جىلى جالپى قۇنى 336 ملرد تەڭگەنى قۇرايتىن 7 053 جوبا قولداۋ العان.

2016 جىلى 282 ملرد تەڭگەنىڭ 2 029 جوباسى نەسيەنىڭ سىياقى مولشەرلەمەسىن سۋبسيديالاۋ تەتىگىن پايدالاندى.

سونداي-اق، بىلتىر 32 ملرد تەڭگەنىڭ 1104 جوباسى كەپىلزات جەتىسپەگەندىكتەن نەسيەگە كەپىلدەمە بەرۋ قۇرالىن پايدالاندى.

«دامۋ» قورىنىڭ جاڭا باعدارلامالارىنىڭ ىشىندە ميكروقارجىلاندىرۋ باعدارلاماسى كەڭ تانىمال. 2016 جىلى 333 كاسىپكەر 502،3 ملن تەڭگە مولشەرىندە ميكرونەسيە العان. ونىڭ ىشىندە كوتەرمە جانە بولشەك ساۋدا، كولىك جانە موتوسيكل جوندەۋ سالاسى بويىنشا 286 جوبا بار. شاعىن نەسيە الۋعا نەگىزىنەن «kmf» جشس بويىنشا كوپ سۇرانىس تۇسەدى. بۇل ۇيىم ارقىلى 291 جوبا تىركەلگەن. «دامۋ» قورىنىڭ كاسىپكەرلەرىن ميكرونەسيەمەن قامتاماسىز ەتۋدە ەكىنشى ورىندا «ارنۋر كرەديت» مقۇ جشس تۇر. ولاردىڭ ۇلەسىندە 37 جوبا بار. «تويوتا فاينانشيال سەرۆيسەز كازاحستان» جشس ميكروقارجىلىق ۇيىمى سەكىلدى قوردىڭ تاعى ٴبىر ارىپتەسى كاسىپكەرلەرگە 5 نەسيە بەرگەن.

«دامۋ بليس» تەحنولوگياسى بويىنشا («دامۋ» قورىنىڭ باعدارلامالارى بويىنشا ەكىنشى دەڭگەيلى بانكتەردەن الىناتىن «جىلدام نەسيە») 2016 جىلى 79 كاسىپكەر 1،083 ملرد تەڭگە نەسيە العان.

«دامۋ وپتيما» باعدارلاماسى بويىنشا («بيزنەستىڭ جول كارتاسى 2020» باعدارلاماسىنىڭ ماقساتتى اياسىنا كىرمەيتىن، ساۋدا، قىزمەت كورسەتۋ، قوعامدىق تاماقتاندىرۋ سەكىلدى سالالارعا ارنالعان. سونداي-اق «دامۋ وپتيما» باعدارلاماسى كەپىلزاتى جەتىسپەگەن كاسىپكەرلەرگە قوردىڭ كەپىلدەمەسىن پايدالانىپ، بانكتەن نەسيە الۋعا دا مۇمكىندىك بەرەدى) 2016 جىلى 28 جوبا 567 ملن تەڭگەنىڭ نەسيەسىنە قول جەتكىزگەن. كەپىلدەمەلەردىڭ جالپى قۇنى – 172 ملن تەڭگە.

2016 جىلى 12 جوبا «دامۋ» قورىنىڭ باعدارلاماسى بويىنشا فرانشيزا اشا الدى. بۇل بويىنشا نەسيە سوماسى 516 ملن تەڭگەنى قۇرادى. فرانشيزالار كاسىبي، عىلىمي جانە تەحنيكالىق قىزمەت، كوتەرمە جانە بولشەك ساۋدا، كولىك جانە موتوسيكل جوندەۋ، ٴبىلىم بەرۋ سەكىلدى كوپتەگەن سالا بويىنشا اشىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي