استانا: 
استانا، baq.kz ٴتىلشىسى. 2015 جىلدان بەرى ەۋروپا قايتا قۇرۋ جانە دامۋ بانكى قازاقستاندا "بيزنەستەگى ارۋلار" جوباسىن ىسكە اسىرىپ كەلەدى. بۇل تۋرالى اۋىلداعى ايەلدەردىڭ ٴى فورۋمىندا ەۋروپا قايتا قۇرۋ جانە دامۋ بانكىنىڭ ۆيسە-پرەزيدەنتى بەتسي نەلسون ايتتى.
8-9 قاراشا ارالىعىندا وتەتىن فورۋمنىڭ ٴبىرىنشى كۇنىندە بيزنەستە، الەۋمەتتىك سالادا، مەملەكەتتىك قىزمەتتە جۇرگەن ايەلدەر وزدەرىنىڭ تابىستى جولىمەن بولىسەدى.
"دامۋ" فوندىنىڭ قولداۋىمەن ٴبىزدىڭ سەرىكتەس قارجىلىق ۇيىمدار ايەلدەر باسقاراتىن ورتا جانە شاعىن بيزنەستەگى كاسىپورىندارعا جالپى قۇنى 26،1 ملرد. تەڭگەنى قۇرايتىن 20 000-نان استام نەسيە بەردى. ٴبىز قولدايتىن 71،5% ايەل كاسىپەرلەر استانا مەن الماتىدان تىس اۋىل-ايماقتاردا تۇراتىنىن ماقتانىشپەن ايتام"، - دەيدى بەتسي نەلسون.
بۇعان دەيىن فورۋم اگروونەركاسىپتىك كەشەندى دامىتۋدىڭ مەملەكەتتىك باعدارلاماسىن ىسكە اسىرۋدا ايەلدەردىڭ جەتىستىكتەرى مەن ۇلەسىن كورسەتۋ ٴۇشىن ارنايى پلاتفورما قۇرۋ، سونداي-اق ايەلدەردى ىنتالاندىرۋ، ولاردى جاسىل ەكونوميكاعا تارتۋ، ورگانيكالىق اۋىل شارۋاشىلىعىن جانە اۋىلداعى جۇمىسپەن قامتۋدىڭ ٴتۇرلى فورمالارىن ەنگىزۋ ماقساتىندا وتكىزىلىپ جاتقانىن جازعان بولاتىنبىز.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2297 
0
3367
0