BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باج سالىعىن كەدەندە دەر كەزىندە تولەۋگە مۇمكىندىك تۋدى – ن.راقىمعاليەۆ

ەلىمىزدە ەكساۋماقتىق ۇستانىمدا قىزمەت كورسەتۋ پيلوتتىق جوباسى ىسكە قوسىلادى، دەپ حابارلايدى baq.kz ٴتىلشىسى. بۇل تۋرالى مەملەكەتتىك قىزمەت كورسەتۋ باسقارماسىنىڭ باسشىسى نۇرلان راقىمعاليەۆ مالىمدەدى.

جاڭا جوبا سالىق تولەۋشىگە قر كەز-كەلگەن اۋماعىنان قالاعان قىزمەتتى الۋعا مۇمكىندىك بەرمەك. ماسەلەن، الماتى قالاسىنىڭ تۇرعىنى باسقا قالاداعى ساپارلاپ ٴجۇرىپ، جەرگىلىكتى كىرىستەر ورگاندارىنان كەز-كەلگەن قىزمەتكە جۇگىنە الادى. مۇنداي جاڭا جوبا 2016 جىلدىڭ ٴساۋىر ايىنان باستاپ ەلىمىزدىڭ اقمولا، سولتۇستىك قازاقستان، قوستاناي وبلىستارىندا پيلوتتىق جوبا رەتىندە ىسكە اسقان بولاتىن. قازىرگى ۋاقىتقا دەيىن بۇل ۇستانىم بويىنشا 120 مەملەكەتتىك قىزمەت كورسەتىلىپ ۇلگەرگەن.

كەدەن باعىتى بويىنشا مەملەكەتتىك قىزمەت كورسەتۋدىڭ ەكونوميكالىق وپەراتورلار ٴۇشىن ارنايى جانە قوسىمشا ارنايى جەڭىلدىكتەر ەنگىزىلىپ وتىر.

ماسەلەن، سىرتتان اكەلگەن تاۋارلارىن ۋاقىتشا ساقتاۋ قويماسىنا ورنالاستىرماي-اق، كاسىپكەرلەرگە ٴوزىنىڭ ورنالاسقان اۋماعىندا، اشىق الاڭدا ساقتاۋعا قۇقىق بەرىلگەن.

نۇرلان راقىمعاليەۆتىڭ سوزىنشە، مۇنداي جاڭاشىلدىقتار سىبايلاس جەمقورلىقتى جويۋعا سەپتىگىن تيگىزىپ، بيزنەستىڭ ورگە باسۋىنا كومەكتەسەدى.

«ٴبىرىنشى كەزەڭدە ونلاين تولەم بويىنشا كەدەندىك تولەمدى ەنگىزدىك. كەدەندە جۇك تاسيتىن ازاماتتار زاتتارىن ەلگە كىرگىزۋ ٴۇشىن باج سالىعىن تولەۋى ٴتيىس ەكەنى بەلگىلى. بۇرىن مۇنداي مۇنداي تولەمدەردى بانك ارقىلى تولەۋى كەرەك بولاتىن. ەندى ولاي ىستەپ، وعان تيەسىلى 1،5 كۇن ۋاقىت جوعالتپاي-اق، سول ماڭداعى بانكومات ارقىلى ونلاين تولەم جاساۋعا مۇمكىندىك بەرىلىپ وتىر. ونىڭ فيسكالدىق چەگىن كەدەنشىگە كورسەتىپ، جۇگىن وزىمەن بىرگە الىپ كەتە الادى»، دەدى مەملەكەتتىك قىزمەت كورسەتۋ باسقارماسىنىڭ باسشىسى نۇرلان راقىمعاليەۆ.

قازىرگى تاڭدا مەملەكەتتىك كىرىستەر ورگاندارى مەملەكەتتىك قىزمەتتىڭ 53 ٴتۇرىن كورسەتەدى. ونىڭ ىشىندە 32 سالىقتىق جانە 20 كەدەندىك باعىتتاعى قىزمەتتەر، سونداي-اق، بىرەۋى قىزمەت ەكونوميكالىق تەرگەۋ قىزمەتى بويىنشا ۇسىنىلادى. «ازاماتتارعا ارنالعان ۇكىمەت» مەملەكەتتىك كورپوراسياسى» ارقىلى بالامالى تۇردە كورسەتىلەتىن 24 قىزمەت ٴتۇرى جانە بار. بۇلاردىڭ ىشىندە 64 پايىزىنا ەلەكتروندى تۇردە قىزمەت كورسەتىلىپ كەلەدى.

«2016 جىلدىڭ العاشقى التى ايداعى ناتيجەسى بويىنشا مەملەكەتتىك كىرىستەر ورگاندارى ارقىلى 9،4 ملن تەڭگەنىڭ قىزمەتى كورسەتىلدى. وتكەن جىلمەن سالىستىرعان بۇل 8،9 پايىزعا وسكەنىن كورسەتەدى. بيىعى قىزمەت تۇرلەرىنىڭ 7،9 ملن تەڭگەسى ەلەكتروندى فورماتتا كورسەتىلگەن»، دەيدى ن.راقىمعاليەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي