BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باۋىرجان بايبەك: الماتى – بيزنەسكە قولايلى قالا

فوتو: Автор

الماتى، baq.kz ٴتىلشىسى. قازاقستان تۇرعىندارىنىڭ 10% استامى جانە اگلومەراسيامەن ەسەپتەگەندە 3 ملن جۋىق حالىق الماتىدا تۇرادى. بۇل تۋرالى الماتى قالاسىنىڭ اكىمى باۋىرجان بايبەك «almaty invest» حالىقارالىق فورۋمىندا ايتتى.

فورۋم بارىسىندا قالا اكىمى الماتى تۇراقتى دامۋ جولىن ۇستاناتىندىعىن، ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارىنا، ۇزدىك الەمدىك تاجىريبەلەرگە سۇيەنەتىندىگىن جەتكىزدى.

«قازاقستان تۇرعىندارىنىڭ 10% استامى جانە اگلومەراسيامەن ەسەپتەگەندە 3 ملن جۋىق حالىق الماتىدا تۇرادى. حالىقارالىق كونسۋلتانتتاردىڭ باعالاۋى بويىنشا 2035 جىلعا قاراي حالىق سانى ەكى ەسەگە وسەدى. وسىعان قاراي العاشقى 15 جىلدا بىزگە ەڭبەك ونىمدىلىگىن كەم دەگەندە ەكى ەسەگە ارتتىرۋعا، ەكونوميكانىڭ جىل سايىنعى ٴوسىمىن 5% كەم ەمەس دەڭگەيگە جانە زياتكەرلىك سەكتورلاردا 700 مىڭنان استام جۇمىس ورنىن اشۋعا قول جەتكىزۋىمىز كەرەك»، -دەدى ول.

سونىمەن قاتار ول قالانى دامىتۋدىڭ نەگىزگى درايۆەرى بيزنەس ەكەندىگىن ايتا كەلە الماتى قالاسىنىڭ ارتىقشىلىقتارىن اتاپ ٴوتتى.

«الماتىدا قولايلى بيزنەس ورتا قالىپتاسقان. «doing business» رەيتينگىندە بيىل قازاقستان الەم بويىنشا 28 ورىنعا شىقتى. بۇل رەيتينگ الماتى قالاسى بويىنشا ەسەپتەلەدى. سونىمەن قاتار، ۇكىمەت بيزنەستى جەڭىلدەتۋ بويىنشا رەفورمالاردى كەزەڭ-كەزەڭىمەن ىسكە اسىرۋدا. ولاردىڭ بارلىعى الماتىدا ەنگىزىلگەن. وسىنىڭ ارقاسىندا الماتى تەك ەلىمىزدە عانا ەمەس، ەۋرازيالىق وداق اراسىندا دا كوش باستاپ تۇر»، - دەدى باۋىرجان بايبەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي