BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باس پروكۋراتۋرا كاسىپكەرلەر قۇقىعىن قورعايتىن ورگانعا اينالۋدا – ق ۇلىبايەۆ

استانادا ٴوتىپ جاتقان بيزنەستى قورعاۋ بويىنشا ii فورۋمدا «اتامەكەن» ۇكپ ٴتورالقا ٴتوراعاسى تيمۋر ق ۇلىبايەۆ قر باس پروكۋرورى جاقىپ اسانوۆقا العىسىن ٴبىلدىردى، دەپ حابارلايدى baq.kz ٴتىلشىسى.

جيىندا تيمۋر ق ۇلىبايەۆ باس پروكۋراتۋرانىڭ كاسىپكەرلەردىڭ قۇقىعىن قورعاۋ ماقساتىن جۇرگىزىپ جاتقان باستامالارىنا جوعارى باعا بەردى.

«قازىرگى تاڭدا باس پروكۋراتۋرانىڭ ٴرولى وزگەرۋدە. مەن پروسەستىڭ ٴساتتى ٴجۇرىپ جاتقانىن بايقاپ وتىرمىن. ٴبىز جىل سايىن وڭىرلەردى ارالايمىز. ونداعى باستى ماقساتتىڭ ٴبىرى – كاسىپكەرلەردىڭ قۇقىعىن قورعاۋ. ٴبىز سول جاقتاعى ارىپتەستەرىمىزدىڭ پىكىرلەرىن بىلەمىز. وندا ولار قۇقىق قورعاۋ جۇيەسى مەن كاسىپكەرلىك اراسىندا وزگەرىس بولعانىن ايتۋدا. ياعني باس پروكۋراتۋرا جازالاۋشى ورگاننان كاسىپكەرلەردىڭ قۇقىعى مەن مۇددەسىن قورعايتىن ورگانگا اينالۋدا»، - دەدى «اتامەكەن» ۇكپ ٴتورالقا ٴتوراعاسى.

وسى ورايدا ول قر باس پروكۋرورى جاقىپ اسانوۆقا كاسىپكەرلەردىڭ اتىنان العىس ٴبىلدىردى.

«مەن بارلىق بيزنەس قاۋىمداستىق مۇشەلەرىنىڭ اتىنان جاقىپ قاجىمان ۇلى سىزگە، ارىپتەستەرىڭىزگە، وبلىستىق پروكۋرورلارعا شەكسىز العىسىمدى بىلدىرەمىن. ٴسىز وتە ماڭىزدى جۇمىستى جۇرگىزۋدەسىز»، - دەدى تيمۋر ق ۇلىبايەۆ.

ايتا كەتەيىك، فورۋمعا قر كاسىپكەرلەرىنىڭ قۇقىعىن قورعاۋ جونىندەگى ۋاكىل بولات پالىمبەتوۆ، «نۇر وتان» پارتياسى جانىنداعى كاسىپكەرلىكتى قولداۋ جونىندەگى قوعامدىق كەڭەس ٴتوراعاسى مەيرام پىشەمبايەۆ، قر باس پروكۋرورىنىڭ ورىنباسارى مارات احمەتجانوۆ، ۇلتتىق پالاتا باسقارما ٴتوراعاسىنىڭ ورىنباسارى رۋستام ٴجۇرسىنوۆ قاتىسۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي