BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باس پروكۋراتۋرا بيزنەستى «تۇنشىقتىرىپ» وتىرعان فاكتورلاردى اتادى

باس پروكۋراتۋرا «اتامەكەن» ۇكپ بىرىگىپ، ەلدەگى بيزنەس كليماتتى جاقسارتۋ بويىنشا ٴتيىستى شارالاردى قولعا العان. الداعى ۋاقىتتا سەس-تەردىڭ كاسىپكەرگە قوياتىن 11 مىڭ تالابى 2 300-گە دەيىن، ال تەس-تىڭ 3 600 تالابى 800-گە دەيىن قىسقارادى. كاسىپكەرلىك ورتانى جاقسارتۋ ٴۇشىن 61 مەملەكەتتىك ورگانمەن كەلىسىمدەر جاسالادى. بۇل تۋرالى قر پارلامەنتى سەناتىندا وتكەن «بيزنەستىڭ قۇقىقتارى مەن مۇددەلەرىن قورعاۋدى زاڭنامالىق تۇرعىدان قامتاماسىز ەتۋ» تاقىرىبىنا ارنالعان تىڭدالىمدا قر باس پروكۋرورىنىڭ ورىنباسارى مارات احمەتجانوۆ مالىمدەدى، دەپ حابارلايدى baq.kz ٴتىلشىسى.

«باس پروكۋراتۋرا باقىلاۋشى ورگان رەتىندە بيزنەستىڭ دامۋىنا ەرەكشە كوڭىل ٴبولىپ وتىر. سەبەبى، قىلمىستىڭ 80%-ىن جۇمىسسىزدار جاسايدى. سوندىقتان بۇل ماسەلە وتە ماڭىزدى. وتكەن جىلى باس پروكۋراتۋرادا بيزنەس كليماتتى جاقسارتۋ جانە قورعاۋ ماقساتىندا «اتامەكەن» ۇكپ بىرىگىپ اۋقىمدى جۇمىستى باستادى. 14 ماۋسىمدا بيزنەستى قورعاۋ تاقىرىبىندا فورۋم وتكىزدىك. وندا بيزنەسكە بوگەت جاسايتىن جاعدايلاردى انىقتاپ، جول كارتاسىن قابىلدادىق. 7-8 ايدا ٴبىرشاما ناتيجەگە جەتتىك. زاڭدارعا ٴتيىمدى وزگەرىستەر ۇسىندىق»، - دەدى ول.

وسى ورايدا باس پروكۋروردىڭ ورىنباسارى ەلىمىزدەگى كاسىپكەرلىكتى دامىتۋعا كەدەرگى جاساپ وتىرعان فاكتورلارعا توقتالدى.

«مەملەكەتتىك ورگانداردىڭ باقىلاۋ-قاداعالاۋ فۋنكسيالارىن قىسقارتۋ كەرەك. بۇگىندە سانەپيدەميولوگيالىق ستانسيالار، تەحنيكالىق رەگلامەنتتەر، باقىلاۋ ورگاندارىنىڭ ٴارتۇرلى ەرەجەلەرى بيزنەستىڭ الدىنا مىڭداعان تالاپ قويادى. سەس-تىڭ (سانەپيدەميولوگيالىق ستانسيا – اۆتور) ٴوزى كاسىپكەرگە 11 مىڭ تالاپ قويادى ەكەن. وسى تالاپتاردىڭ 80%-ى بۇگىنگى تاڭدا ارتىق دەۋگە بولادى. وتكەن زاماندا بۇل تالاپتار كەرەك بولعان شىعار. الايدا، ٴقازىر 21 عاسىر. ولاردىڭ بۇگىندە ەش قاجەتى جوق. كوبىسى – شەكتەن تىس، ابسۋردتى، كۇلكىلى تالاپتار. ٴبىراق، بۇل تالاپ بولعاسىن، ارينە، تەكسەرۋشى (ورگان – اۆتور) ونى قولدانادى. كاسىپكەردى جازالايدى. ٴوندىرىسىن توقتاتادى. ول قويىلعان تالاپتاردى بيزنەستە ورىنداۋعا ەشقاشان مۇمكىندىك جوق ەكەندىگىن ٴوزى دە ٴبىلىپ تۇر. ٴبىراق، زاڭ ٴارقاشان شەنەۋنىكتەردىڭ جاعىندا. ويتكەنى، ول وسى تەكسەرۋ پاراقتارىندا ناقتى كورسەتىلگەن»، - دەدى مارات احمەتجانوۆ.

ونىڭ ايتۋىنشا، باس پروكۋراتۋرا وسى ولقىلىقتاردىڭ الدىن الۋ بويىنشا ٴتيىستى جۇمىستاردى قولعا العان.

«سوندىقتان ٴبىز جول كارتاسى بويىنشا سەس-تەردىڭ تالاپتارىن 11 مىڭنان 2 300 دەيىن قىسقارتۋدى جوسپارلاپ وتىرمىز. ال تەس-تىڭ تالاپتارىن 3 600-نان 800-گە دەيىن تومەندەتەمىز. وسى ماسەلەگە ساراپشىلاردى تارتىپ، بۇكىل ورگانداردىڭ ۇسىنىستارىن الدىق. بۇل – قوعامعا ٴقاۋىپ توندىرمەيتىن تالاپتار»، - دەدى ول.

سونىمەن قاتار، مارات احمەتجانوۆ كەيبىر مەملەكەتتىك ورگاندار كاسىپكەردى قايتا-قايتا تەكسەرە بەرەتىندىگىن العا تارتتى.

«ٴبىر نارسەنى تەكسەرۋگە بىرنەشە ورگانعا قۇزىرەت بەرىلگەن. ٴبىرىنىڭ ارتىنان ٴبىرى كەلىپ، كاسىپكەرلەرگە «اۋا بەرمەي، قىسىپ» تاستايدى. ارينە، ارتىق باقىلاۋ فۋنكسيالارىن قىسقارتاۋ كەرەك. بۇل ۇلكەن جۇمىس. وسىنداي باعىتتاعى جۇمىستى جالپى 61 مەملەكەتتىك ورگانمەن باستايىن دەپ وتىرمىز»، - دەپ تۇيىندەدى ٴسوزىن باس پروكۋروردىڭ ورىنباسارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي