BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋىلدىق جەردە جۇمىس ىستەگەن بيزنەس-جاتتىقتىرۋشىلارعا سۇرانىس تۋىنداۋدا

«اتامەكەن» ۇلتتىق كاسىپكەرلەر پالاتاسى كاسىپكەرلىك نەگىزدەرىن وقىتۋعا ارنالعان «باستاۋ بيزنەس» جوباسىنىڭ اۋقىمىن كەڭەيتەتىندىكتەن كەلەسى جىلعا بيزنەس-جاتتىقتىرۋشىلار لەگىن قابىلداۋدى باستادى، دەپ حابارلايدى baq.kz اقپارات اگەنتتىگى.

ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنىڭ اياسىندا جۇزەگە اسىرىلىپ وتىرعان وقىتۋ جوباسى 2017 جىلى ەلىمىزدىڭ 80 اۋدانىن قامتىدى، ال 2018-2021 جىلدارى 160 اۋداندا ٴبىر ايلىق وقۋ كۋرسىن جۇرگىزەدى. «باستاۋ بيزنەس» جوباسىنىڭ ماقساتى: ەلىمىزدىڭ اۋداندارىنداعى جۇمىسسىز جانە ٴوزىن-وزى جۇمىسپەن قامتىعان ازاماتتاردىڭ جۇمىسپەن قامتىلۋ دەڭگەيىن كاسىپكەرلىك نەگىزدەرىنە وقىتا وتىرىپ، بيزنەس-باستامالارىنا قولداۋ كورسەتىپ، سۇيەمەلدەۋ ارقىلى ارتتىرۋ.

بيزنەس جاتتىقتىرۋشىلارعا قويىلاتىن نەگىزگى بىلىكتىلىك تالاپتارى:

- 26 جاستان اسقان;

- بيزنەس-جوبالاردى باستاۋدا، سۇيەمەلدەۋدە تاجىريبەسى بار، اۋىلدىق جەرلەردە جۇمىس ىستەگەن بولسا قۇبا-قۇپ;

- بيزنەس-جوسپارلاۋ، قارجىلىق ۇلگىلەۋ نەگىزدەرىن، ماركەتينگ، نارىقتى زەرتتەۋ، بيزنەسپەن اينالىسۋداعى مەملەكەتتىك رەتتەۋ نەگىزدەرىن ٴبىلۋى;

- كاسىبىن جاڭادان باستاعان كاسىپكەرلەرمەن جۇمىس ىستەۋ تاجىريبەسى بار، 15-تەن 70 ادامعا دەيىنگى توپپەن دە، جەكەلەي دە جۇمىس ىستەي ٴبىلۋى;

- شوب مەملەكەتتىك قولداۋ، ونىڭ ىشىندە جەكە ٴىسىن جاڭادان باستاعان كاسىپكەرلەردى قارجىلىق قولداۋ شارالارى جايلى ٴبىلۋى;

- اۋىلداعى نارىقتىڭ ەرەكشەلىگى مەن بيزنەستىڭ نەگىزگى تۇرلەرىن ٴتۇسىنۋ;

- جوعارى كوممۋنيكاتيۆتىك قۇزىرەتتىلىك، ونىڭ ىشىندە تالىمگەرلىك نەمەسە جاتتىقتىرۋ قابىلەتى، تىڭداۋشىلارمەن «كەرى بايلانىس» ورناتا ٴبىلۋ;

- وڭىرلىك كاسىپكەرلەر پالاتاسى، مەملەكەت ورگاندار جانە جوبا سەرىكتەستەرىمەن توپتاسىپ جۇمىس ىستەي ٴبىلۋ.

«باستاۋ بيزنەس» جوباسى مەن ٴۇشىن ناعىز كاسىبي بىلىكتىلىكتى دالەلدەگەن ورتا بولدى. جوباعا قاتىسۋ ارقىلى بيزنەس جۇرگىزۋدەگى تاجىريبەلىك بىلىمىمەن بولىسۋگە، وقۋعا قاتىسۋشىلاردىڭ كۇن سايىن وزگەرگەندەرىن كورۋگە مۇمكىندىك الدىم. بيزنەس-جاتتىقتىرۋشى رەتىندە قاتىسقان وسى ۋاقىت ارالىعىندا 188 جۇمىسسىز جانە جەكە كاسىبىن ەندى باستاعان ازاماتتاردىڭ ىشىندە 56-سى جەكە كاسىپكەر اتاندى، بيزنەستەرىن ۇلعايتتى. جوباعا قاتىسىپ، اۋىل تۇرعىندارىنىڭ بيزنەستەگى الەۋەتىن ارتتىرۋعا ۇلەستەرىڭىزدى قوسىڭىزدار. «باستاۋ بيزنەس» كاسىبي دەڭگەيدە وسۋگە كومەكتەسەدى» - دەيدى «باستاۋ بيزنەس» جوباسىنىڭ بقو زەلەنوۆ اۋدانىنداعى بيزنەس-جاتتىقتىرۋشى قۋانىشبەك ەرنيازوۆ.

بيزنەس-جاتتىقتىرۋشى بولۋدىڭ شارتتارىمەن تولىعىراق مىنا جەردەن تانىسۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي