BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋىلداعى قىز-كەلىنشەكتەردىڭ بيزنەس اشۋىنا قانداي مۇمكىندىكتەر بار؟

جاڭاوزەن قالاسىندا «كاسىپكەر ايەلدەر ماڭعىستاۋ ايماعىنىڭ تۇراقتى دامۋىنىڭ سەنىمدى تىرەگى» اتتى وڭىرلىك ىسكەر ايەلدەر كەڭەسىنىڭ ەكىنشى فورۋمى ٴوتتى. مۇنايلى قالادا العاش رەت ۇيىمداستىرىلعان جيىنعا وڭىردەگى ىسكەر قىز-كەلىنشەكتەر مەن «اتامەكەن» قر ۇكپ ىسكەر ايەلدەر كەڭەسىنىڭ ٴتورايىمى مەن ايماقتاعى وكىلدەرى قاتىستى، دەپ حابارلايدى baq.kz. بۇل تۋرالى پالاتانىڭ ٴباسپاسوز قىزمەتى ٴمالىم ەتتى.

فورۋم بارىسىندا وبلىس اكىمىنىڭ ورىنباسارى راقىمبەك ٴامىرجانوۆ ماڭعىستاۋدىڭ ىسكەر ايەلدەرى جەرگىلىكتى جەرلەردەگى جۇمىسسىزدىق ماسەلەسىن شەشۋدە زور ۇلەسىن قوسىپ كەلەتىنى ايتتى. ماڭعىستاۋ وبلىسى كاسىپكەرلەر پالاتاسى جانىنان قۇرىلعان ىسكەر ايەلدەر قاۋىمداستىعى قىز-كەلىنشەكتەردىڭ جۇمىس ىستەيتىن سالاسىنا باسىمدىلىق جاساپ وتىر. ماسەلەن، اعىمداعى جىلدىڭ اقپان ايىندا ماڭعىستاۋ وبلىستىق «سانگەرلەر قاۋىمداستىعى مەن «ينتەرەر جانە دەكوراتور ديزاينەرلەر” قاۋىمداستىعى قۇرىلعان بولاتىن. ەندىگى مەجە، «گيلديا كونديتەرلەرى مەن «كاسىپشىلەر وداعىن” قۇرۋ جوسپارلانىپ وتىر. سونداي-اق، مەكتەپكە دەيىنگى ٴبىلىم بەرۋ مەكەمەسى مەن جالپى ٴبىلى بەرۋ ورتالىعى قاۋىمداستىعىن قۇرۋ كوزدەلگەن. مۇنداعى ماقسات – ۇيدە كاسىبىمەن اينالىسىپ وتىرعان كاسىپكەرلەردى بيزنەس الاڭىنا تارتۋ بولماق. كاسىپكەرلەرگە قولداۋ بار. ونىڭ ىشىندە ايەل كاسىپكەرلەرىنە جوعارى دەڭگەيدە جاعداي جاسالۋدا.

«ۇيدە وتىرعان قىز-كەلىنشەكتەر كوپ دەيمىز. ٴوز ٴىسىن باستاي الماي وتىرعان ايەلدەر اۋىلدىق جەرلەردە جەتىپ ارتىلادى. اۋىلداعى قىز-كەلىنشەكتەردىڭ بيزنەس اشۋىنا جاردەمدەسەمىز، ٴبىزدىڭ ماقساتىمىز – بارىنشا قولداۋ كورسەتۋ. ەڭ ٴبىرىنشى كەڭەس بەرۋ، ارتىنان قارجىلاي كومەك بەرۋ»، – دەدى «اتامەكەن» ۇكپ كاسىپكەر ايەلدەر كەڭەسىنىڭ ٴتورايىمى ٴلاززات رامازانوۆا.

بۇگىندە ماڭعىستاۋ وبلىسى بويىنشا 22 869 كاسىپكەر ايەل بار. بىلتىر 1600 قىز-كەلىنشەككە «اتامەكەن» ۇلتتىق كاسىپكەرلەر پالاتاسى قولداۋ كورسەتكەن. سولاردىڭ جەتى جۇزدەن استامى «بيزنەس كەڭەسشى»، «bastau بيزنەس» وقۋ كۋرستارىنان وتكەن. 69 جاڭا جوبا ىسكە قوسىلىپ، ون توعىز نازىك جاندىعا شاعىن نەسيە بەرىلگەن.

ماڭعىستاۋ وبلىسى اكىمىنىڭ ورىنباسارى راقىمبەك ٴامىرجانوۆ ارۋلاردى كەلە جاتقان مەرەكەمەن قۇتتىقتاپ، ەڭبەكقورلىقتارىنا ٴتانتى بولدى: «كاسىپكەر بولۋ دەگەن وڭاي ەمەس. سىزدەردى باتىر قىزدار دەپ ايتقىم كەلەدى، جاڭا كورمەدە قولعا الىنعان جوبالارمەن تانىستىق. بىرەۋلەر ماتەريالدى قىرعىزستاننان، قىتايدان الادى ەكەن. سوعان قاراماستان، ٴىس اشىپ، جۇمىس ىستەپ وتىرسىزدار. وسىنداي بەت الىسپەن جۇمىسسىزدىق ماسەلەسىن دە شەشەمىز دەگەن ويدامىز».

ٴقازىر وڭىردە وسى سالانى دامىتۋ ٴۇشىن ىسكەر ايەلدەر قاۋمداستىعى جۇمىس ىستەيدى. ولار كاسىبىن ەندى باستاعان ايەل ازاماتتار ٴۇشىن تەگىن كەڭەس بەرىپ، تاجىريبەلەرىمەن الماسادى. ايتالىق، وبلىستا، 648 مىڭ تۇرعىن بولسا، ونىڭ 328 مىڭى ايەل. ال، اۋىلدىق جەرلەردە ٴوز كاسىبىن دوڭگەلەتىپ وتىرعان ايەل كاسىپكەرلەر از. سوندىقتان كاسىپكەرلەر پالاتاسىنىڭ الدىندا تۇرعان ەندىگى مەجە – بيزنەس سالاسى بويىنشا كەڭەس بەرەتىن ٴتۇسىندىرۋ جۇمىستارى ارقىلى ايەلدەرگە ٴوز كاسىبىن اشۋ ٴۇشىن قولداۋ ٴبىلدىرۋ.

بىلتىر ايەل كاسىپكەرلەردىڭ 190 202 مىڭ تەڭگە سوماسىن قۇرايتىن 23 جوباسى ماقۇلدانعان بولاتىن. قازىرگى تاڭدا 23 جوبانىڭ 20-ى قارجىلاندىرىلدى. 7 جوبا – مال شارۋاشىلىعى، ناۋبايحانا، كونديتەرلىك ٴونىم دايىنداۋ، بالاباقشا اشۋ، كولىك قىزمەتىن كورسەتۋ مەن تىگىن سەحىن اشۋ قاراستىرىلعان. فورۋمعا قاتىسۋشىلار ايەلدەر اراسىنداعى كاسىپكەرلىك، ونىڭ دامۋ باعىتتارى تۋرالى بايانداما جاساپ، ٴوزارا پىكىر الماستى.

«شاعىن بيۋدجەتتى ماركەتينگ» تاقىرىبىندا بيزنەس سەمينار ٴوتتى. «ايەلدەر كاسىپكەرلىگىن دامىتۋعا قوسقان جەكە ۇلەسى، جوعارى كاسىبي دەڭگەيى مەن ىسكە ادالدىعى ٴۇشىن» دەگەن اتالىمدا ٴبىرقاتار نازىك جاندىلار سىي قۇرمەتكە بولەندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي