استانا، baq.kz. اتىراۋدا ٴداستۇرلى وبلىستاعى بيزنەس سالاسىنىڭ ۇزدىك وكىلدەرىن ماراپاتتاۋ سالتاناتى ٴوتتى، دەپ حابارلايدى اتىراۋ وبلىستىق وڭىرلىك كوممۋنيكاسيالار قىزمەتى.
2207
0 
USD 384.53 
EUR 432.02 
RUB 5.9 
استانا: 
3118 
0
استانا، baq.kz. اتىراۋدا ٴداستۇرلى وبلىستاعى بيزنەس سالاسىنىڭ ۇزدىك وكىلدەرىن ماراپاتتاۋ سالتاناتى ٴوتتى، دەپ حابارلايدى اتىراۋ وبلىستىق وڭىرلىك كوممۋنيكاسيالار قىزمەتى.
اتىراۋ وبلىسى اكىمىنىڭ قولداۋىمەن وبلىستىق كاسىپكەرلىك جانە يندۋستريالدى-يننوۆاسيالىق دامۋ باسقارماسى مەن وڭىرلىك كاسىپكەرلەر پالاتاسى بىرلەسىپ ۇيىمداستىرعان شاراعا جەكە كاسىپكەرلەرمەن بىرگە شاعىن جانە ورتا بيزنەس جەتەكشىلەرى قاتىستى.
اتىراۋ وبلىسىنىڭ دامۋىنا قوسقان ۇلەستەرى ٴۇشىن اتىراۋ وبلىسى اكىمىنىڭ العىس حاتىمەن ايماقتاعى 22 كاسىپكەر ماراپاتتالدى، ال 10 اتالىم بويىنشا جۇلدەگەرلەر انىقتالدى.
«ۇزدىك ستارتاپ جوبا» اتالىمى بويىنشا «نۇر ريزا» جشس جەتەكشىسى نۇرلىبەك بيسەمبايەۆ، «ۇزدىك جاس كاسىپكەر» - «dental angels» جشس ديرەكتورى پاراسات بولاتوۆ، «تۋريزم سالاسىنىڭ ۇزدىگى» - «پلانەتا-kz» كومپانياسىنىڭ ديرەكتورى روزا بەكەنوۆا جۇلدەگەر بولىپ تانىلدى. «ۇزدىك بيزنەس ترەنەر» رەتىندە ارمان ازاماتوۆ، «ۇزدىك وتباسىلىق بيزنەس» اتىلىمىندا «جەر انا» جشس باسشىسى جۇمابەك شامەنوۆ، ساۋدا سالاسىنداعى ۇزدىك كاسىپكەر «دەرجاۆا-ك» جشس باسشىسى باقىتجان تولەۋوۆ ماراپاتتالدى. قىزمەت كورسەتۋ سالاسىنداعى ۇزدىك مەكەمە – «the chief» جۋرنالىنىڭ باس رەداكتورى ٴاليا بەكقوجيەۆا بولسا، جىلدىڭ ۇزدىك ٴوندىرۋشىسى «كازپاكو» جشس ديرەكتورى ازامات امانجولوۆ اتالدى. جىلدىڭ ۇزدىك ايەل كاسىپكەرى اتالىمىندا ايجان ٴىزىموۆا جەڭىمپاز بولىپ تانىلدى. ال «جىل كاسىپكەرى» اتاعىن «امانگەلدى» جشس باسشىسى مۇرات امىراليەۆ جەڭىپ الدى.
ايتا كەتەيىك، ٴقازىر اتىراۋ وبلىسىندا 57 مىڭنان استام شاعىن جانە ورتا بيزنەس سۋبەكتىسى تىركەلگەن، ولاردىڭ ٴبارى دە بەلسەندى قىزمەت ەتۋدە. «بيزنەستىڭ جول كارتاسى-2020» باعدارلاماسى ىسكە اسا باستاعان 9 جىل ىشىندە 1186 كاسىپكەرگە جالپى سوماسى 82،1 ملرد تەڭگەنىڭ قولداۋى كورسەتىلدى. وسىنىڭ ارقاسىندا ايماقتا 6 مىڭعا جۋىق جاڭا جۇمىس ورنى قۇرىلدى.
«اتىراۋ وبلىستىق اكىمدىگى وڭىرلىك كاسىپكەرلەر پالاتاسىمەن بىرلەسىپ بيزنەس جۇرگىزۋ تالاپتارىن جەتىلدىرۋ بويىنشا كەڭ كولەمدى شارالار اتقاردى. سونىڭ ناتيجەسىندە ٴقازىر شاعىن جانە ورتا بيزنەس شىعاراتىن ٴونىم كولەمىندە ٴوسىم بايقالادى. قازىرگى ۋاقىتتا اتىراۋ وبلىسىنىڭ كاسىپكەرلەرى 1 تريلليون تەڭگەنىڭ ٴونىمىن ٴوندىردى، بۇل بۇرىنعى كورسەتكىشتەردەن 65 پايىزعا ارتىق، ەلباسى جەرگىلىكتى اتقارۋشى ورگاندارعا بيزنەستىك كليماتتى جاقسارتىپ، كاسىپكەرلىكتى دامىتۋ تاپسىرمالارىن العا قويادى. ٴبىز ٴوز تاراپىمىزدان بۇل تاپسىرمانى ورىنداۋ باعىتىندا بار كۇشىمىزدى سالامىز»، - دەپ اتاپ ٴوتتى قۇتتىقتاۋ سوزىندە اتىراۋ وبلىسىنىڭ اكىمى نۇرلان نوعايەۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
