BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا الەۋمەتتىك كاسىپكەرلىك فورۋمى ٴوتتى

استانادا «شەۆرون» كومپانياسى مەن british council (بريتان كەڭەسى) قازاقستان رەسپۋبليكاسىنىڭ «اتامەكەن» ۇلتتىق كاسىپكەرلەر پالاتاسىنىڭ قولداۋىمەن ۇيىمداستىرىلعان «الەۋمەتتىك كاسىپكەرلىك ورنىقتى الەۋمەتتىك وزگەرىستەردىڭ جاڭا مودەلى» اتتى فورۋم ٴوتتى، دەپ حابارلايدى baq.kz ٴتىلشىسى.

«الەۋمەتتىك كاسىپكەرلىك ورنىقتى الەۋمەتتىك وزگەرىستەردىڭ جاڭا مودەلى» فورۋمى «شەۆرون» كومپانياسى مەن british council-دىڭ 2013 جىلدان باستاپ بىرلەسە جۇرگىزەتىن، قازاقستانداعى بەلسەندى جاستاردى قولدايتىن جانە الەۋمەتتىك كاسىپكەرلىكتى ىلگەرىلەتۋ ارقىلى الەۋمەتتىك پروبلەمالاردى ورنىقتى شەشۋگە باعىتتالعان «i-seed: يننوۆاسيالار – الەۋمەتتىك كاسىپكەرلىك جانە ٴبىلىم بەرۋ» جوباسىنىڭ شەڭبەرىندە وتكىزىلدى.

فورۋمنىڭ ماقساتى قازاقستاندا الەۋمەتتىك كاسىپكەرلىكتى ودان ٴارى دامىتۋ ۇسىنىcتارىن ازىرلەپ، ولارمەن ٴبولىسۋ جانە تاجىريبە الماسۋ. فورۋمعا مەملەكەتتىك ورگاندار، بيزنەس، قوعامدىق جانە حالىقارالىق ۇيىمداردىڭ وكىلدەرى جانە الەۋمەتتىك كاسىپكەرلەر قاتىستى. ٴىس-شارا بارىسىندا قاتىسۋشىلار الەۋمەتتىك كاسىپكەرلىكتىڭ ەكونوميكالىق دامۋعا جانە الەۋمەتتىك پروبلەمالاردى شەشۋگە قوساتىن ۇلەسىن، الەۋمەتتىك كاسىپكەرلىكتەگى بيزنەستى دامىتۋ ارقىلى حالىقتىڭ جاعدايىن جاقسارتۋ ماسەلەسىن تالقىلادى.

«الەۋمەتتىك كاسىپكەرلىك – مەملەكەتتىك جەكە سەرىكتەستىكتىڭ بولاشاعى زور مودەلى، ازاماتتىق قوعام، ونىڭ تەڭ قۇقىقتى مۇشەسى. ٴبىزدىڭ كومپانيا وسى ۇستانىمعا سۇيەنىپ، 25 جىل بويى قازاقستاندا ٴوزىنىڭ الەۋمەتتىك ينۆەستيسيالارىن جۇزەگە اسىرۋدا»،- دەدى «شەۆرون» كومپانياسىنىڭ ۇكىمەتپەن جانە جۇرتشىلىقپەن بايلانىس جونىندەگى ٴبولىمنىڭ جەتەكشىسى گاۋحار قاسىمجانوۆا.

فورۋمدا ۇلىبريتانيادان كەلگەن ارنايى قوناق بريتان كەڭەسىنىڭ الەۋمەتتىك كاسىپكەرلىكتى دامىتۋ جونىندەگى كەڭەسشىسى دجۋلەت كورنفورد بايانداما جاسادى. ونىڭ ايتۋىنشا، ۇلىبريتانيا الەۋمەتتىك كاسىپكەرلىك سالاسىنداعى الەمدىك كوشباسشى. ولاردىڭ اينالىمى 120 ملرد فۋنتتى قۇرايدى.

«بريتان كەڭەسىنىڭ الەۋمەتتىك كاسىپكەرلىك سالاسىنداعى جۇمىسى ٴبىز الەۋمەتتىك كاسىپكەرلىكتى جاھاندىق دەڭگەيدە دامىتۋ ٴۇشىن وسى سالاداعى كاسىپتىك بىلىكتىلىككە دەگەن ٴوسىپ كەلە جاتقان حالىقارالىق سۇرانىستى قاناعاتتاندىرۋ ٴۇشىن پايدالانىپ وتىرعان وزىق بريتانيالىق تاجىريبەگە نەگىزدەلگەن»، - دەپ اتاپ ٴوتتى دجۋلەت كورنفورد.

سونداي-اق، فورۋم قازاقستاننىڭ الەۋمەتتىك كاسىپكەرلەرىنىڭ تابىستى مىسالدارىن تانىستىرۋ الاڭىنا اينالدى.

سونىمەن قاتار، قىرعىزستان الەۋمەتتىك كاسىپكەرلەرى قاۋىمداستىعىنىڭ وكىلى جەنني جەنيشقىزى ٴوز مۇددەلەرىن قورعاۋدا الەۋمەتتىك كاسىپكەرلەر بىرلەستىگىنىڭ ٴرولى تۋرالى اڭگىمەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي