BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پولشالىق كاسىپكەرلەر استانادا 25 ملن ەۋروعا جىلىجاي سالماق

فوتو: автор

بيىل ەلوردا ماڭىندا اۋماعى 28 گەكتاردى قۇرايتىن جىلىجاي سالىنادى. وندا قىزاناق، قيار جانە كوكونىستەر وسىرىلەدى. جوبانىڭ قۇنى – 25 ملن ەۋرو. قارجى پولشا تاراپىنان بولىنەدى. بۇل تۋرالى استانادا ٴوتىپ جاتقان بيزنەس فورۋمنىڭ كۋلۋارىندا پولشا-قازاقستان ساۋدا-ونەركاسىپتىك پالاتاسىنىڭ ۆيسە-پرەزيدەنتى تادەۋش نامەدىنسكي ايتتى، دەپ حابارلايدى baq.kz ٴتىلشىسى.

«استانا ماڭىندا اۋماعى 28 گا قۇرايتىن جىلىجاي سالىنادى. وندا قىزىناق، قيار جانە كوكەنىستەر وسىرىلەدى. جوبانىڭ قۇنى – 25 ملن ەۋرو. بارلىق قارجى پولشا تاراپىنان بولىنەدى. تۇسكەن قارجىنى قازاقستاندىق فيرما دا الادى. ولاردىڭ جوبادا ٴوز ۇلەسى بار. 28 گا جەر 280 شارشى مەتردى قۇرايدى. ٴاربىر شارشى مەتردەن 60 كەلى كوكونىس الىنباق. جوبانى جۇزەگە اسىرۋ جونىندە تاراپتار اراسىندا كەلىسىمگە قول قويىلدى. بيىل ٴتيىستى جۇمىستاردى باستايمىز. بارلىق پروسەدۋرا قازان ايىندا بىتسە جاقسى بولار ەدى»، - دەدى ول.

وسى ورايدا تادەۋش نامەدىنسكي ەلوردا ماڭىندا سالىناتىن جىلىجاي تەك ەكولوگيالىق تازا كوكەنىستەر وسىرەتىنىن جەتكىزدى.

«ٴبىزدىڭ جىلىجايىمىزدا ارا بولادى. ال ارالار تەك تازا ەكولوگيالىق اۋماقتا ۇشادى. ٴبىز ەڭبەكتەنىپ، قولىمىزدان نە كەلەتىنىن كورسەتكىمىز كەلەدى. قازاقستاندا جۇمىس ىستەۋ ىڭعايلى»، - دەپ تۇيىندەدى ٴسوزىن پولشا-قازاقستان ساۋدا-ونەركاسىپتىك پالاتاسىنىڭ ۆيسە-پرەزيدەنتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي