BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانا مەن الماتى قالالارىندا مۇلىك سالىعى كوتەرىلەدى

استانا 12 قىركۇيەك. baq.kz - بۇگىن قر ەبجم تۇرعىن ٴۇي شارشى مەترىنىڭ بازالىق قۇنىن ەكى ەسەگە ارتتىرۋدى ۇسىندى. بۇل تۋرالى سالىق سالۋ جونىندەگى زاڭناماعا تۇزەتۋلەردى ماجىلىستە تانىستىرۋ بارىسىندا قر ەكونوميكا جانە بيۋدجەتتىك جوسپارلاۋ ٴمينيسترى ەربولات دوسايەۆ حابارلادى.
 

قازىرگى تاڭدا مۇلىكتىك سالىقتىڭ استانا جانە الماتى قالالارى ٴۇشىن قولدانىستاعى بازالىق قۇنى 30 000 تەڭگە/ش.م.، ال وبلىس ورتالىقتارى ٴۇشىن - 18 000 تەڭگە/ش.م. ەندى ول استانا جانە الماتى ٴۇشىن 60 مىڭ تەڭگەگە دەيىن، وبلىس ورتالىقتارى ٴۇشىن 36 مىڭ تەڭگەگە دەيىن كوتەرىلەدى. سونداي-اق، 150 شارشى مەتردەن جوعارى پاتەرلەر جانە 300 شارشى مەتردەن جوعارى تۇرعىن ۇيلەر ٴۇشىن ۇشكە تەڭ بولاتىن ارتتىرۋ كوەففيسيەنتى ەنگىزىلۋدە.
وزگەرىستەر جەر تەلىمىنە سالىناتىن سالىق تۇرلەرىن دە اينالىپ وتپەدى. كوپتەن بەرى پايدالانىنماعان تۇرعىن ٴۇي نەمەسە وزگە قۇرىلىسقا ارنالعان جەرگە سالىق مولشەرلەمەسى 10 ەسە ارتادى.
ەربولات دوسايەۆتىڭ ايتۋىنشا، مۇلىكتىك سالىققا قاتىستى وزگەرىستەر اۋداندىق ماڭىزى بار قالالارعا، كەنتتەرگە، اۋىلدارعا قولدانىلمايدى ەكەن.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي