BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«atameken services» جوباسى ىسكە قوسىلدى

فوتو: ашық дереккөзден

«اتامەكەن» قر ۇلتتىق كاسىپكەرلەر پالاتاسى قازاقستاندا بيزنەستى دامىتۋدىڭ باستى سەرۆيس-پروۆايدەرى رەتىندە «atameken services» جوباسىن ىسكە قوستى، دەپ حابارلايدى baq.kz اقپارات اگەنتتىگى.

الماتى قالاسى كاسىپكەرلەر پالاتاسى تاراتقان حابارلامادا 2018 جىلدىڭ 1 تامىزىنان باستاپ كاسىپكەرلەرگە ەلەكتروندى سەرۆيستىك قىزمەت كورسەتۋدىڭ «atameken services» جوباسى ٴوز جۇمىسىن باستاعان.

«ەندى كاسىپكەرلەر «اتامەكەن» قر ۇكپ قىزمەتتەرىنە قاشىقتىقتان تاپسىرىس بەرە الادى. كاسىپكەرلەرگە قىزمەت كورسەتۋ ورتالىقتارىندا وزىنە-وزى قىزمەت كورسەتۋ سەكتورلارى قۇرىلعان، وندا 61 تەگىن قىزمەت تۇرلەرىن قارجىلاي ەمەس قولداۋ كورسەتۋدىڭ 8 باعىتى بويىنشا الۋعا بولادى»، - دەلىنگەن حابارلامادا.

اتالعان قىزمەت تۇرلەرىنىڭ قاتارىندا: بۋحگالتەرلىك، سالىق ەسەبىن جۇرگىزۋ، ستاتيستيكالىق ەسەپتىلىكتى دايىنداۋ قىزمەتى; كەدەن پروسەدۋرالارى بويىنشا قىزمەتتەر; كاسىپكەرلەردىڭ جانە كاسىپكەرلىك باستاماسى بار تۇرعىنداردىڭ وتىنىمدەرىن سۇيەمەلدەۋ; زاڭگەرلىك قىزمەت كورسەتۋ; ماركەتينگ ماسەلەلەرىنە قاتىستى قىزمەتتەر; اقپاراتتىق تەحنولوگيالار بويىنشا قىزمەت كورسەتۋ سالاسىندا كەڭەس بەرۋ; مەملەكەتتىك ساتىپ الۋلار، ۇلتتىق كومپانيالار مەن جەر قويناۋىن پايدالانۋشىلاردىڭ ساتىپ الۋلارىمەن بايلانىستى قىزمەتتەر; مەملەكەتتىك-جەكەمەنشىك ارىپتەستىك سالاسىندا كەڭەس بەرۋ بار.

بۇل سەرۆيستى قولدانۋ ٴۇشىن services.atameken.kz پلاتفورماسىندا تىركەۋدەن ٴوتۋ جەتكىلىكتى. تىركەلۋ ٴۇشىن كاسىپكەر قاجەتتى اقپاراتتى تولتىرىپ، تەلەفون نومەرىن كورسەتۋى ٴتيىس، ودان كەيىن ارنايى كود كورسەتىلگەن sms حابارلاما كەلەدى، سول كودتى تەرگەننەن كەيىن جۇيە اشىلادى.

«بولاشاقتا وزىنە-وزى قىزمەت كورسەتۋ اۋماعىندا ينتەرنەتكە تىكەلەي قوسىلا المايتىن كاسىپكەرلەرگە ارنالعان مەملەكەتتىڭ ەلەكتروندى قىزمەتتەرى مەن مەملەكەتتىك قولداۋ شارالارى دا قول جەتەرلىكتەي بولادى. بۇل كەڭەس بەرۋشى مامانداردىڭ قىزمەتىن ونلاين الۋعا بولادى دەگەندى بىلدىرەدى»، -دەلىنگەن حابارلامادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي