BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا ازىق-تۇلىك جارمەڭكەلەرىنىڭ ماۋسىمى اشىلدى

استانا. 13 ٴساۋىر. baq.kz – سەنبى الماتىدا جاڭا جىلداعى العاشقى اۋىل شارۋاشىلىق جارمەڭكەسى ٴوتتى. قالا ازاماتتارىنا 50 اتالىم بويىنشا باعاسى بازارداعىدان 15-20% تومەن تاعام ونىمدەرىن ۇسىنعان الماتى وبلىسىنىڭ تاۋاروندىرۋشىلەرى جارمەڭكەلەر ماۋسىمنىڭ شىمىلدىعىن ٴتۇردى، - دەپ حابارلايدى الماتى قالاسى اكىمدىگىنىڭ ٴباسپاسوز قىزمەتى.

جارمەڭكەدەگى تاۋاردىڭ ساپاسى مەن باعا دەڭگەيىن الماتى اكىمى احمەتجان ەسىموۆ، قر اۋىل شارۋاشىلىق ٴمينيسترى اسىلجان مامىتبەكوۆ جانە الماتى وبلىسىنىڭ اكىمى اماندىق باتالوۆ باقىلاپ شىقتى.

احمەتجان ەسىموۆ ايماقتارمەن بىرلەسىپ دەمالىس كۇندەرى وتكىزىلەتىن جارمەڭكەلەردىڭ ماڭىزدىلىعىن اتاپ ٴوتتى، سونداي-اق، ەلباسى تاپسىرماسىنا سايكەس، اۋىل شارۋاشىلىق جەرلەرىن ٴتيىمدى پايدالانۋ بويىنشا قالانىڭ الماتى وبلىسىمەن ٴوزارا ٴتيىمدى ارىپتەستىگىنىڭ پەرسپەكتيۆاسىن تىلگە تيەك ەتتى.

جارمەڭكەلەردەن بولەك وزگە دە ٴتيىستى جۇمىستاردى اتقاراتىن بولامىز. ٴبىز اۋىل شارۋاشىلىق جۇمىستارىن دامىتۋ ٴۇشىن كاسىپكەرلەردى الماتى وبلىسىنىڭ اگروونەركاسىبىنە قارجى سالۋعا شاقىرامىز. بۇل باستامانى قوش كورگەندەر دە بار، سەبەبى اۋىل شارۋاشىلىعى بولاشاعى زور سالا، ونىمدەرى سۇرانىسقا يە. مىسالى جاڭادان سۋارۋ ٴتاسىلىن ەنگىزدى، ناتيجە جامان ەمەس. مەملەكەت باسشىسى اتاپ وتكەندەي جەردى ٴتيىمدى پايدالانۋ قاجەت، - دەدى شاھار باسشىسى.

ٴوز كەزەگىندە الماتى وبلىسىنىڭ اكىمى اۋىل شارۋاشىلىعى سالاسىندا جەرلەردى ىزدەۋ جانە ٴتيىمدى پايدالانۋ جۇمىستارى جەمىسىن بەرە باستاعانىن ايتتى.

- ٴبىز ٴقازىر ٴۇاااج بويىنان جەرلەردى قاراستىرىپ جاتىرمىز، بولاشاقتا ول جەرلەردى الماتىلىق بيزنەسمەندەر ساقتاۋ قويمالارى رەتىندە دە پايدالانا الادى. الماتى - الىپ ٴوتىم رىنوگى. ول ٴۇشىن لوگيستيكانى بىرلەسە وتىرىپ ەسەپكە الۋ قاجەت، - دەدى ا.باتالوۆ.

الماتى تۇرعىندارىنا 50 توننا ەت، 35 توننا كارتوپ، 40 تونناداي كوكونىس، 9 توننا جەمىس-جيدەك، 1،5 توننا بال، 7 تونناداي بالىق جانە باسقا دا ازىق-تۇلىك ونىمدەرى جەتكىزىلدى. جالپى تاۋار قۇنى 110 ملن. تەڭگەنى قۇرادى. الماتى وبلىسىنىڭ 16 اۋدانى مەن 3 قالاسىنان (تەكەلى، تالدىقورعان، قاپشاعاي) كەلگەن شارۋا قوجايىندارى الىپ شاھارعا 168 توننا ەكولوگيالىق تازا ٴارى ساپالى ازىق-تۇلىك ونىمدەرىن جەتكىزدى.

ەستەرىڭىزگە سالا كەتەيىك، الماتىدا اۋىل شارۋاشىلىق جارمەڭكەلەرى ازىق-تۇلىكتىڭ باعاسىن ٴبىرقالىپتى ۇستاۋ ماقساتىندا ٴ7-شى جىل قاتارىنان وتكىزىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي