BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا شارۋالار وقۋ سەمينارلارىنان وتۋدە

شارۋالارعا ارنالعان سەميناردى «اتامەكەن» ۇلتتىق كاسىپكەرلەر پالاتاسىنىڭ اگروقۇزىرەتتىلىك ورتالىعى وتكىزۋدە. وقىتۋدىڭ باستى ماقساتى – بىلىكتىلىك دەڭگەيىن ارتتىرۋ. ويتكەنى اۋىلدى جەرلەردە تاجىريبە الماسۋعا، ٴبىلىم مەن بىلىكتىلىكتى جاقسارتىپ وتىرۋعا مۇمكىندىكتەر بولا بەرمەيدى.

كاسىپكەرلەر پالاتاسى جوبالاردى سۇيەمەلدەۋ ٴبولىمىنىڭ ساراپشىسى دانا حالىقوۆانىڭ ايتۋىنشا، سەمينار تاقىرىپتارى ٴار ٴوڭىر مەن باعىتتار بويىنشا جەكەلەي قالىپتاسادى. ٴار اۋداننان 15 قاتىسۋشى تەوريانى عانا مەڭگەرىپ قويماي، العان بىلىمدەرىن تاجىريبە جۇزىندە دە پىسىقتاپ وتىرادى.

العاشقى سەمينارلاردىڭ ٴبىرى «جاڭا جوعارى ٴونىمدى سۇرىپتاردى ەنگىزۋ ارقىلى ٴداندى-داقىلداردىڭ ونىمدىلىگىن ارتتىرۋ» تاقىرىبىندا قاراساي اۋدانىنداعى «جەتىسۋ» اۋىل شارۋاشىلىق وندىرىستىك كووپەراتيۆىندە وتكىزىلدى.

«تالقىلاۋ بارىسىندا دارىسكەرلەر ورتالىق ازياداعى ٴداندى-داقىلداردىڭ ەكولوگيالىق جانە گەوگرافيالىق نەگىزى جايلى ايتىپ، استىق شارۋاشىلىعى ينستيتۋتىندا جاسالعان مال ازىعى داقىلدارىنىڭ كەلەشەگى بار جانە اۋدانداستىرىلعان سۇرىپتارىمەن تانىستىردى. نەگىزىنەن شارۋالار جازدىق ارپانىڭ «ارنا»، «اسەم»، «سەۆەر-1»، «سۋسىن»، «بايگە» دەگەن سۇرىپتارىنىڭ ەرەكشەلىكتەرى مەن ارتىقشىلىقتارى تۋرالى ٴبىلدى»، – دەپ اتاپ ٴوتتى د.حالىقوۆا.

سەميناردى تاجىريبەسى مول اۋىل شارۋاشىلىعى عالىمدارى – اۋىل شارۋاشىلىعى عىلىمىنىڭ دوكتورى راحىم ورازاليەۆ پەن بيولوگيا عىلىمدارىنىڭ دوكتورى ٴبورىباي ساريەۆ وتكىزدى. سەميناردا اۋىل شارۋاشىلىعىنىڭ وكىلدەرى شارۋاشىلىقتى جۇرگىزۋدىڭ ٴتيىمدى ادىستەرىمەن ەگجەي-تەگجەيلى تانىستى.

قاراساي اۋدانىنداعى وقۋعا شارۋاسىن دوڭگەلەتىپ ۇلگەرگەن كاسىپكەرلەر عانا ەمەس، سونىمەن بىرگە وسى سالادا بيزنەسىن دامىتۋدى جوسپارلاپ وتىرعان اۋىل شارۋاشىلىعى وكىلدەرى دە قاتىستى. تاجىريبەلىك بولىگىندە ولارعا ساپالى ٴارى جوعارى ٴونىمدى ٴداندى-داقىلدار وتىرعىزىلعان بازالىق شارۋاشىلىق الاڭى تانىستىرىلدى. سەمينار قورىتىندىسى بويىنشا شارۋاشىلىق باسشىلارى تاجىريبە الماسۋ ٴۇشىن ارىپتەستىك ورناتۋعا قىزىعۋشىلىقتارىن ٴبىلدىرىپ جاتتى. ولار بولاشاقتا ٴداندى داقىلداردىڭ تاجىريبە بارىسىندا تانىستىرىلعان سۇرىپتارىن وسىرۋگە نيەتتى. كاسىپكەرلەردىڭ بۇل باستاماسى مەن تىلەكتەرى سەميناردىڭ پايدالى ٴارى جەمىستى بولعاندىعىن تانىتقانداي.

ايتا كەتەرلىگى، وقۋ سەمينارلارى قاراتال جانە ەڭبەكشى قازاق اۋداندارىنا باستالىپ كەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي