BAQ.kz - Қазақстан жаңалықтары USD 378.9 BAQ.kz - Қазақстан жаңалықтары EUR 422.74 BAQ.kz - Қазақстан жаңалықтары RUB 5.87
استانا:

الماتىدا ىسكەرلىك مەنتاليتەت جاقسى قالىپتاسقان – دۇنيەجۇزىلىك بانك وكىلى

الماتى، baq.kz ٴتىلشىسى. الماتى ەۋروپا مەن قىتايدى جالعاپ تۇرعان ەكونوميكا حابى دەسەك تە بولادى، بۇل ونىڭ باستى ارتىقشىلىعى. بۇل تۋرالى دۇنيەجۇزىلىك بانكتىڭ ورتالىق ازيا بويىنشا ifc ايماقتىق باسشىسى كاسساندرا كولبەرت «almaty invest» حالىقارالىق فورۋمىندا ايتتى.

فورۋم بارىسىندا ك. كولبەرت دۇنيەجۇزىلىك بانك قازاقستاننىڭ ۇلتتىق ەكونوميكاسى بويىنشا زەرتتەۋ جۇرگىزگەندىگىن جانە وعان ەلدىڭ بىرنەشە وبلىستارى كىرگەندىگىن اتاپ ٴوتتى.

«اتاپ ايتار بولساق، اقتوبە، الماتى جانە الماتى وبلىسى، تۇركىستان، قوستاناي، پاۆلودار وبلىستارى زەرتتەۋگە كىردى. ارينە بۇلاردىڭ ىشىندە الماتى قالاسى الەۋەتى جاعىنان ٴبىرىنشى ورىندى يەلەندى. ەلدىڭ وزگە ايماقتارىمەن سالىستىرعاندا مۇندا بيزنەس جۇرگىزۋ ىڭعايلى. ٴتۇرلى رۇقساتتاردى الۋ بويىنشا مۇندا ٴبىر تەرەزە قاعيداتى قالىپتاسقان. بۇل دەگەنىڭىز الماتىدا بيزنەس جۇرگىزۋگە كوپ مۇمكىندىكتەر جاسالعانىن كورسەتەدى، ونداي مۇمكىندىكتى قازاقستاننىڭ وزگە جەرىنەن تابا المايسىز»، - دەيدى ول.

سونىمەن قاتار ول جاڭا يننوۆاسيالاردىڭ دا الدىمەن الماتىدا ەنگىزىلەتىندىگى جانە ول ونىڭ تاعى ٴبىر ارتىقشىلىعى ەكەندىگىن ايتىپ ٴوتتى.

«الماتى تەحنوپاركىندە جاس مامانداردىڭ يدەيالارى ىسكە اسىرىلىپ، كوممەرسيالىق شەشىمدەر جاساۋدا ٴوز ىقپالىن تيگىزۋدە. الماتىنى سەليكوندى القاپ نەمەسە كرەمنيي القابى دەر ەدىم»، - دەيدى دۇنيەجۇزىلىك بانكتىڭ وكىلى.

سونىمەن قاتار ول، الماتىدا تۇرىپ جاتقانىنا ٴتورت ايداي ۋاقىت بولعانىن جانە قالانىڭ ينۆەستورلاردى قىزىقتىراتىن تۇسىنا توقتالىپ ٴوتتى.

«بۇل قالا ەركىن ەكونوميكالىق ايماقتا ورنالاسقان جانە ينفراقۇرىلىمى جاقسى دامىعان. ىسكەرلىك مەنتاليتەت تە جاقسى قالىپتاسقان. سونداي-اق جاعرافيالىق ورنالاسۋى دا جاقسى، ويتكەنى ەۋروپا مەن قىتاي اراسىندا ورنالاسقان»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي