BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

العاشقى كەن 2015 جىلى كەلىپ تۇسەدى

استانا. 9 قىركۇيەك. baq.kz - الەمدەگى يگەرىلمەگەن ەڭ ٴىرى مىس كەن ورىندارىنىڭ ٴبىرى - بوزشاكولدەگى تاۋ-كەن كەشەنىنىڭ قۇرىلىسى قارقىندى ٴجۇرىپ جاتىر. بۇل تۋرالى baq.kz تىلشىسىنە قازاقمىس توبىنىڭ باسقارۋشى باس ديرەكتورى ولەگ نوۆاچۋك حابارلادى.
 

باس ديرەكتوردىڭ ايتۋىنشا، كەن ورنىنداعى قۇرىلىس جۇمىستارى ەكى جىل بويى قارقىندى جۇرگىزىلىپ كەلەدى. ۇگىتكىشتەرگە العاشقى كەن 2015 جىلى كەلىپ تۇسەدى ەكەن.
قازىرگى تاڭدا جابدىقتاردىڭ نەگىزگى بولىگى ساتىپ الىنىپ، ۇگىتكىشتەر مەن پريۆودتاردىڭ ٴبىرىنشى بولىگى جەتكىزىلگەن. جوبا بويىنشا قۇرىلىس جۇمىستارى بەتون ىرگەتاستاردى جانە كەنىش پەن باسقا دا ينفراقۇرىلىمعا ارنالعان مەتالل كونسترۋكسيالاردى تۇرعىزۋدى قامتيدى. 2013 جىلدىڭ ٴبىرىنشى جارتى جىلدىعىندا كەنىشتىڭ نەگىزگى جولى 70 پايىزعا، 220 كۆ-تىق ەلەكتر تاراتۋ جەلىلەرىنىڭ قۇرىلىسى 40 پايىزعا اياقتالىپ، نەگىزگى وندىرىستىك عيماراتتىڭ مەتالل كونسترۋكسيالارىنىڭ 98 پايىزى تۇرعىزىلعان. سونداي-اق باستاپقى ۇگىتكىش، كەن قويماسى مەن قالدىق قويۋلاتقىش عيماراتىنىڭ ىرگەتاسى 70 پايىزعا ٴتامامدالدى. جىل سوڭىنا دەيىن نەگىزگى جول مەن وندىرىستىك عيماراتتاردىڭ قۇرىلىسى، بەتون جۇمىستارىنىڭ باسىم بولىگى اياقتالاتىن بولادى. ۇگىتكىشتەر مەن پريۆودتاردىڭ مونتاجىن باستاپ، ولاردى ورنالاستىرۋ دا جوسپاردا بار. جىل سوڭىنا قاراي الاڭعا 220كۆ ەلەكترجەلىسى تارتىلىپ، كارەرلىك ساموسۆالدار مەن ەكسكاۆاتورلار جەتكىزىلەدى، دەدى ولەگ نوۆاچۋك .
قۇنى 1،9 ميلليارد دوللاردى قۇرايتىن بۇل جوبا قازاقمىس توبىنىڭ كەڭ اۋقىمدى ينۆەستيسيالىق باعدارلاماسى اياسىندا ىسكە اسىرىلۋدا جانە ول ۇدەمەلى يندۋستريالدىق-يننوۆاسيالىق دامۋ مەملەكەتتىك باعدارلاماسىنا كىرەدى. جوبا بويىنشا 2012 جىلدىڭ سوڭىنداعى كاپيتالدىق شىعىندار جارتى ميلليارد دوللاردان استى. بيىل قازاقمىس شامامەن 600 ميلليون دوللار كولەمىندە ينۆەستيسيا ٴبولۋدى جوسپارلاپ وتىر.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي