BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الەم بويىنشا كوفە ٴونىمى ٴبىر اپتا ىشىندە قىمباتتاپ كەتكەن

 استانا. 10 جەلتوقسان. baq.kz - كوفەنىڭ "ارابيكا" سورتى نيۋ-يورك بيرجاسىنداعى ساۋدا بارىسىندا 2،8%-عا قىمباتتادى، ياعني ٴبىر فۋنت ٴۇشىن 1،9935 اقش دوللارىن قۇراپ وتىر. بۇل 22 قازاننان بەرگى ەڭ جوعارى باعا.

 باعانىڭ وسۋىنە سەبەپ بولىپ وتىرعان برازيليا جەرىندەگى سوڭعى ون جىلداعى قۋاڭشىلىق. ەستەرىڭىزگە سالا كەتسەك كوفە وندىرۋدەن كوشباستاپ تۇرعان برازيليا اتالعان «ارابيكا» سورتىن ٴوندىرىپ وتىرعان بىردەن ٴبىر مەملەكەت. باعانىڭ بۇلايشا جىلدام اسپانداۋى كوفە قىمباتتاعان سوڭعى ون ٴۇش جىلداعى رەكوردتىق كورسەتكىش.
حالىقارالىق كوفە ۇيىمىنىڭ بولجامىنشا بۇل كوفە ونىمىنە جىل سايىن 2،5 %-عا وسەتىن سۇرانىس 2020 جىلعا دەيىن 175 ملن قاپ كوفەنى قۇراماق. سونداي-اق دۇنيەجۇزى بويىنشا 2014-2015 جىلدارىنداعى اۋىلشارۋاشىلىعىندا كوفە جەتىسپەۋشىلىگى 800 مىڭ قاپقا دەيىن جەتەتىندىگىن العا تارتادى.
بۇدان وزگە نارىقتاعى كاكاو، قانت، ماقتا ونىمدەرى مەن قاڭتار ايىنداعى اپەلسين شىرىنى دا ايتارلىقتاي قىمباتتاۋدا ەكەنىن جازادى.
تاۋار ساراپشىسى ستەرلينگ ٴسميتتىڭ ايتۋىنشا برازيالياداعى قولايسىز اۋا رايى جالعاسا بەرەتىن بولسا كوفە باعاسى بۇدان كەيىن دە 2 اقش دوللارىنا قىمباتتايدى.
«برازيلياداعى كوفە وسەتىن اۋماقتاعى اۋا رايى دۇرىستالماسا نارىق باعاسى دا شارىقتاي بەرمەك. وسى اقپان سوڭىنا دەيىن اۋماققا جاۋىن-جاشىن جەتكىلىكتى مولشەردە جاۋاتىن بولسا باعالار 30 %-دان 40%-عا ٴتۇسۋى ابدەن مۇمكىن» دەيدى ول.

دەرەككوز: www.dailymail.co.uk

ايا ٴومىرتاي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي