BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا قاي كومپانيا اكسيالارىن ساتىپ العان ٴتيىمدى

ۇزاق ۋاقىت بويى مىس باعاسى تومەن بولىپ كەلدى دە، 2017 جىلى ونىڭ قۇنى ٴبىرشاما قىمباتتاپ، بۇل مىس كومپانيالارىنىڭ مىس ٴوندىرۋىن ارتتىرۋىنا الىپ كەلدى. سول سياقتى، سوڭعى ەكى جىلداعى مۇناي باعاسى دا مۇناي وندىرۋمەن اينالىساتىن كومپانيالارعا وڭ اسەر ەتىپ كەلەدى. وسى ورايدا، fxprimus تالداۋ دەپارتامەنتىنىڭ جەتەكشىسى ارمان بەيسەمبايەۆ ٴوندىرۋشى سەكتورداعى قاي كومپانيالاردىڭ اكسيالارىن ساتىپ الۋ ٴتيىمدى ەكەنىمەن ٴبولىستى، دەپ حابارلايدى baq.kz اقپارات اگەنتتىگى كاپيتال پورتالىنا سىلتەمە جاساپ.

1. freeport-mcmoran inc. (fcx). كاپيتالعا اينالۋى $26،684 ملرد

كومپانيا الەمدەگى ەڭ ٴىرى مىس كەن ورنىنا يەلىك ەتەدى جانە ونىڭ اكسيالارىنىڭ باعاسى مىس ارزانداعان ۋاقىتتا ۇلكەن زارداپ شەككەن. بۇعان قاراماستان، fcx مىس ٴوندىرۋدى ۇلعايتۋ ٴۇشىن باعا ٴوسىمى كەزىندە تابىستى جاعدايدا تۇر. 2017 جىلى ونىڭ اكسيالارى ٴبىر ايدىڭ ىشىندە 36% ٴوسىپ، 2018 جىلى كومپانيا ٴوز تابىسىنىڭ $5،04 ملرد بولعانىن مالىمدەدى. قازىرگى ۋاقىتتا نارىقتاعى جالپى تومەندەۋگە بايلانىستى كومپانيا اكسيالارى دا ارزانداپ جاتىر. الايدا، ورتا مەرزىمدى كەلەشەكتە $23 شاماسىنداعى شەكپەن ساتىپ الۋ مۇمكىندىكتەرىن قاراستىرۋعا بولادى.

2. valero energy corporation (vlo). كاپيتالعا اينالۋى $39،77 ملرد

كومپانيا مۇناي شيكىزاتىن قايتا وڭدەۋ جانە بەنزين، ديزەل جانە رەاكتيۆتى وتىن، اسفالت پەن مۇنايدى قايتا وڭدەۋدىڭ باسقا دا ونىمدەرىن شىعارۋمەن اينالىسادى. vlo جانارماي قۇيۋ بەكەتتەرى مەن دۇكەندەر جەلىسىنە يەلىك ەتەدى. وتكەن جىلى ونىڭ تابىسى 13،9% ٴوسىپ، $22،30 ملرد دوللاردى قۇرادى. بۇل كورسەتكىش اناليتيكتەردىڭ بولجامىنان ەداۋىر اسىپ ٴتۇستى. باعا تومەندەگەن سوڭ جانە تۇراقتانعان سوڭ، كومپانيا اكسيالارىن ورتا مەرزىمدى كەلەشەكتە $114 شاماسىنداعى شەكپەن ساتىپ الۋ ۇسىنىلادى.

3. alcoa corp (aa). كاپيتالعا اينالۋى $8،32 ملرد

اليۋمينيي، اليۋمينييدەن جاسالعان بۇيىمدار جانە اليۋمينيي قورىتپالارىنىڭ وندىرىسىمەن اينالىساتىن ٴىرى مەتاللۋرگيالىق كومپانيا بولىپ تابىلادى. داۆوستاعى ەكونوميكالىق فورۋم بارىسىندا الەمدەگى ەڭ تۇراقتى دامىپ كەلە جاتقان ۇشتىكتىڭ ٴبىرى رەتىندە مويىندالدى. كومپانيا تابىسى جونىندە اناليتيكتەردىڭ كۇتكەن كورسەتكىشىنەن تومەن دەڭگەيدە ەسەپ بەرىپ كەلە جاتقانىمەن قويماي، 2017 جىلدىڭ سوڭعى توقسانىندا $0،20 ملرد تازا شىعىن كوتەرگەن. الايدا، وپەراسيالىق قىزمەتتەردەن تۇسكەن جالپى اقشالاي قاراجات اعىمى ٴوسىپ كەلەدى. بۇل ونىڭ كەلەشەگى بار ەكەنىن جانە تۇراقتىلىعىن بىلدىرەدى. سوڭعى ەسەپتىڭ ناشار كورسەتكىشى اكسيا باعالارىنا كەرى اسەر ەتىپ جاتىر، الايدا، مۇنى ديسكونتپەن ساتىپ الۋ ٴۇشىن قولدانۋعا بولادى.

4. united company "رۋسال plc" (rual). كاپيتالعا اينالۋى 507،1 ملرد رۋبل

كومپانيا اليۋمينيي مەن گلينوزەمنىڭ الەمدەگى ەڭ ٴىرى ٴوندىرۋشىسى بولىپ تابىلادى. بارلىق زاۋىتى بويىنشا اليۋمينيي قورىتۋدىڭ جالپى قۋاتى 4،3 ملن توننانى قۇرايدى. نەگىزگى ساتۋ نارىقتارى ەۋروپا، جاپونيا، كورەيا مەن تمد ەلدەرى. بۇدان باسقا، «رۋسال» نيكەل، مەن ٴپاللادييدىڭ الەمدەگى ەڭ ٴىرى ٴوندىرۋشىسى جانە پلاتينا مەن مىستىڭ ٴىرى وندىرۋشىلەرىنىڭ ٴبىرى «نوريلسكيي نيكەل» تمك اكسيالارىنىڭ 27،8%-نا يەلىك ەتەدى. وتكەن جىل كومپانيا ٴۇشىن وتە ٴساتتى بولدى. ساۋدادان تۇسكەن ٴتۇسىم ٴوسىمى 21،3%-دى، تازا پايدا ٴوسىمى 41،6%-دى قۇرادى. اناليتيكتەردىڭ بولجامدارى بويىنشا، 2018 جىل دا بۇل كومپانيا ٴۇشىن وتە تابىستى بولماق جانە وتكەن جىل دەڭگەيىندە قارجى كورسەتكىشتەرىنىڭ ٴوسىمى بولادى دەپ كۇتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي