BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەگە ينۆەستورلار 200 ميلليارد تەڭگە قۇيماق

فوتو: автордікі

«aktobe invest – 2017» حالىقارالىق ينۆەستيسيالىق فورۋمى اياقتالدى. مەيماندار «ەكسپو-2017: وڭىرلەر دامۋىنىڭ ٴيمپۋلسى» تاقىرىبىندا پلەنارلىق وتىرىسقا قاتىسىپ، كەيىن قۇنى 200 ميلليارد تەڭگە بولاتىن 11 مەموراندۋمعا قول قويىلدى، دەپ حابارلايدى baq.kz ٴتىلشىسى.

«aktobe invest – 2017» حالىقارالىق ينۆەستيسيالىق فورۋمىنىڭ نەگىزگى پلەنارلىق وتىرىسىنا 20 ەلدەن 400-دەن استام ادام قاتىستى. باس مودەراتور – «اتامەكەن» ۇكپ كوميتەت ٴتوراعاسى مۇرات ابەنوۆ. «ەكسپو-2017: وڭىرلەردىڭ دامۋ ٴيمپۋلسى» باستى تاقىرىپ رەتىندە الىنعان. «ەكسپو-2017» حالىقارالىق كورمەسىنە اپارعان جوبالاردان اقتوبەلىك كاسىپكەرلەر جيىرماسىن تاڭداپ الدى. ٴقازىر ولاردى جۇزەگە اسىرۋ شارالارى ٴجۇرىپ جاتىر.

«تمد ەلدەرىنىڭ اراسىندا تۇعىش رەت قازاقستاندا «ەكسپو» ٴوتتى. 140 مىڭ اقتوبەلىك بيىلعى جىلدىڭ باستى شاراسىن كورىپ قايتتى. ٴوڭىر كاسىپكەرلەرى قازىرگى زاماننىڭ تالابىنا ساي قۇنى 128 ميلليون دوللار بولاتىن 20 جوبانى تاڭداپ، ٴقازىر جۇزەگە اسىرۋدى باستادى. جىل باسىنان بەرى وڭىردە 800 ملن. تەڭگەگە ينۆەستيسيا تارتىلعان. الايدا، مۇنىمەن توقتاپ قالۋعا بولمايدى»،-دەدى اقتوبە وبلىسىنىڭ اكىمى بەردىبەك ساپاربايەۆ.

اقتوبە - ينۆەستور تارتۋدان ەل بويىنشا كوش باستاپ تۇر. قر ينۆەستيسيالار جانە دامۋ ۆيسە-مينيسترى ەرلان حايروۆ وسىنداي باعا بەردى.

«ستاتيستيكا بويىنشا اقتوبە وبلىسى ينۆەستيسيا بويىنشا نەگىزگى كاپيتالدا العاشقى ورىندا تۇر. ٴبىز ەڭ باستىسى ينۆەستيسيالىق كليمات تابۋىمىز كەرەك. ياعني، ينۆەستيسيانى «قايدان، قالاي، قايدا تارتامىز» دەگەن سۇراقتارعا جاۋاپ بولۋى قاجەت. بارلىق مەحانيزمى قۇرىلۋى ٴتيىس. ەلىمىزدە ينۆەستورلار ٴۇشىن بارلىق جاعداي جاسالعان. قولداۋ دا بار. ٴقازىر 200-دەن استام بىرىككەن جوبا بار»،-دەدى قر ينۆەستيسيالار جانە دامۋ ۆيسە-مينيسترى.

كورشىلەس قوستاناي وبلىسى دا اقتوبەمەن مەديسينا سالاسىندا بايلانىس جاساماق. مارات وسپانوۆ اتىنداعى بقممۋ مەن قوستاناي وبلىسىنىڭ دەنساۋلىق ساقتاۋ باسقارماسى اراسىندا كەلىسىم ورنايدى. كورشى وڭىردە مەديسينا ماماندارى تاپشى. قوستاناي وبلىسىنىڭ اكىمى ارحيمەد مۇحامبەتوۆ اقتوبە وبلىسىنىڭ اكىمى بەردىبەك ساپاربايەۆقا ەلەكترلى جانار ماي بەكەتىنىڭ قۇرىلىسى تۋرالى دا ۇسىنىس تاستادى. ورىنبور وبلىسى جانە يتاليامەن دە بايلانىس نىعايماق. يتاليانىڭ قازاقستانداعى ەلشىسىنىڭ ايتۋىنشا، ەكسپو-نىڭ پايداسى زور.

««ەكسپو» ٴبىزدىڭ ميلاندا دا ٴوتتى. ۇلكەن حالىقارالىق شارا «بىزگە نە بەردى؟ نە قالادى؟» دەسەك، ەڭ باستىسى ينۆەستيسيا قالدى. ينۆەستورلار تارتىلدى. ميلانداعى ەكسپو-عا 21 ميلليارد ادام قاتىستى. ٴبىز اقتوبەمەن بيزنەس، مادەنيەت جانە ٴبىلىم سالالارى بويىنشا سەرىكتەستىك ورناتقىمىز كەلەدى»،- دەدى يتاليانىڭ قازاقستانداعى ەلشىسى ستەفانو راۆانيان.

بيىل ٴ5-شى رەت وتكىزىلىپ وتىرعان «aktobe invest – 2017» حالىقارالىق ينۆەستيسيالىق فورۋمى اياسىندا قۇنى 200 ميلليارد تەڭگە بولاتىن 11 مەموراندۋمعا قول قويىلدى. اقتوبە مەن قوستاناي وبلىستارى ايماقارالىق ىنتىماقتاستىق پەن ونەركاسىپ كووپەراسياسىن بىرلەسە دامىتۋعا ۋاعدالاستى. سونىمەن قاتار، فورۋم اياسىندا جەل گەنەراتورىن شىعاراتىن زاۋىت سالۋ، فارماسەۆتيكالىق ٴوندىرىستىڭ اۋماعىن كەڭەيتۋ قۇرىلىسى، تەحنيكالىق سەليترا مەن كارباميد، ياعني، تىڭايتقىش شىعارۋ زاۋىتىنىڭ قۇرىلىسىن جۇرگىزۋ كەلىسىمى جاسالدى. مۇناي-گاز جابدىقتارىن شىعارۋ كلاستەرىن قۇرۋ، قۇس فابريكاسىن، جىلىجاي، نان كومبيناتىن سالۋ مەموراندۋمدارىنا قول قويىلدى.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي