BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە شاعىن تراكتورلار قۇراستىرىلادى

استانا. 19 جەلتوقسان. baq.kz - اقتوبە وبلىسىندا شاعىن تراكتورلار قۇراستىرىلاتىن بولادى، دەپ حابارلايدى bnews.kz ٴتىلشىسى.  

جەرگىلىكتى ماشينا-تەحنولوگيالىق «تراكتور» ستانسياسى وسى ۋاقىتقا دەيىن ايماقتاعى شارۋا قوجالىقتارىمەن ەتەنە جۇمىس ىستەپ كەلەدى. جىلىنا جەتپىسكە تارتا كومباين مەن تراكتوردى جوندەيدى. وزدەرىنىڭ ارنايى سەحتارى مەن ورتالىقتارى دا بار. سوندىقتان كاسىپتەرىن ودان ٴارى دامىتۋدى كوزدەگەن. تەك تەحنيكا جوندەۋمەن عانا ەمەس، ٴوز ونىمدەرىن قولعا الۋدى جوسپارلاپتى. دەگەنمەن، بۇل قىرۋار قارجىنى قاجەت ەتەدى. سوندىقتان جارتى جىل بويى رەسەيلىك شاعىن تراكتور شىعاراتىن كومپانيامەن كەلسسوز جۇرگىزىپ، اقىرى كەلىسىمگە كەلگەن.

«شىلدە ايىنان بەرى رەسەيلىك «تراكتور» كومپانياسىمەن بىرلەسە جۇمىس ىستەۋگە كەلىسىپ، ٴقازىر شارتتاسىپ تا قويدىق. ولار بىزگە اۋىلشارۋاشىلىعىنا ارنالعان شاعىن تراكتورلاردىڭ قۇرال-جابدىقتارىن جەتكىزىپ وتىرادى. ال ونى بىزدەر قۇراستىرىپ، ساتىلىمعا شىعارامىز. بۇل شاعىن تەحنيكا سونداي-اق جول سالۋ نەمەسە تازارتۋعا دا ٴتيىمدى. وسى جاڭا كاسىپتى قولعا الماس بۇرىن مونيتورينگ جۇرگىزىپ كوردىك. باعاسى قولجەتىمدى بولعاندىقتان سۇرانىس تا بار. جوبانى جۇزەگە اسىرۋعا وتىز ميلليون تەڭگە قاجەت»، - دەيدى «متس تراكتور» جشس ديرەكتورى سابىرجان بەگىمبايەۆ.

ولاردىڭ قۇراستىرعان العاشقى تراكتورلارىن وبلىس باسشىلارى مەن جەرگىلىكتى كاسىپكەرلەر پالاتاسىنىڭ وكىلدەرى كەلىپ باعالادى. كاسىپكەرگە قولداۋ كورسەتۋگە دە ۋادەلەرىن بەرىپ وتىر.
اقسۇڭقار ازات 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي