BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«aktobe invest-2017» v حالىقارالىق ينۆەستيسيالىق فورۋمى باستالدى

فوتو: автор

فورۋمعا 20 مەملەكەتتەن 400-گە جۋىق قوناق كەلدى. وتاندىق جانە شەتەلدىك كاسىپكەرلەر شاھارداعى مەملەكەتتىك-جەكەمەنشىك سەرىكتەستىك اياسىندا سالىنىپ جاتقان نىسانداردى ارالاپ كوردى. سولاردىڭ ٴبىرى – جىل سوڭىندا اشىلاتىن «دارۋ جارىعى» وفتالمولوگيالىق ورتالىعى، دەپ حابارلايدى baq.kz ٴتىلشىسى.

«دارۋ» كلينيكاسىنىڭ جانىنان سالىنعان «دارۋ جارىعى» وفتالمولوگيالىق ورتالىعى جىل سوڭىندا جۇمىسىن باستايدى. مەملەكەتتىك-جەكەمەنشىك سەرىكتەستىك اياسىندا سالىنىپ جاتىر. ٴقازىر قۇرىلىس جۇمىستارى اياقتالۋعا جاقىن. وفتالمولوگيالىق ورتالىق 60 ورىندىق جانە ەمحاناسىندا ٴبىر تاۋلىكتە 500 ادام دارىگەرگە قارالا الادى. ەمدەۋ ورتالىعىنىڭ اقتوبەلىكتەر ٴۇشىن ماڭىزى زور. ەندى تۇرعىندار كوز اۋرۋلارىمەن رەسەيگە بارمايدى. مۇندا بارلىق جاعداي جاسالعان. ەۋروپادان اكەلىنەتىن قۇرىلعىلار كۇردەلى وتالار جاساۋعا مۇمكىندىك بەرەدى.

«اقتوبەلىكتەرگە ۇلكەن كومەك دەپ ويلايمىن. سەبەبى، ٴبىزدىڭ ناۋقاستار رەسەيدىڭ ۋفا، ورىنبور قالالارىنا بارماي، اقتوبەدە ەمدەلە الادى. مەديسينالىق قۇرىلعىلار زامانعا ساي. الداعى ۋاقىتتا گەرمانيا، اۆستريادان كەلىپ ماماندارىمىزدى ۇيرەتەدى. ٴقازىر اقتوبەلىك ماماندار شەتەلدە بىلىكتىلىگىن ارتتىرىپ ٴجۇر. تۇرعىندار ورتالىقتا مەملەكەتتىك تاپسىرىس بويىنشا اقىسىز ەمدەلە الادى. تىزىمگە ىلىكپەيتىن ناۋقاستارعا دا باعا قولجەتىمدى بولادى»،-دەيدى «دارۋ جارىعى» وفتالمولوگيالىق ورتالىعىنىڭ باس ديرەكتورى عالىمجان ەلەۋوۆ.

قۇرىلىسىنا 3،5 ملرد. تەڭگە جۇمسالعان ەمدەۋ مەكەمەسى ەلىمىزدە تەڭدەسسىز. نىساندى «aktobe invest-2017» v حالىقارالىق ينۆەستيسيالىق فورۋمىنا قاتىسۋشىلار ارالاپ كورىپ، باعاسىن بەردى.

«اقتوبەگە حالىقارالىق فورۋمعا قاتىسۋ ٴۇشىن كەلدىك. شەتەلدىكتەرمەن ساۋدا-ەكونوميكالىق ينۆەستيسيالىق قاتىناستاردى دامىتۋ ٴبىزدىڭ ماقساتىمىز. اقتوبەدە ەڭ ماڭىزدى نىسانداردى ارالاپ شىقتىق. مەملەكەتتىك-جەكەمەنشىك سەرىكتەستىك اياسىندا سالىنىپ جاتىر ەكەن. وتە جاقسى ۇلگى. قازاقستاننان بيزنەستىڭ دامۋى تۋرالى ۇيرەنۋگە بولادى. الدا تاعى ٴبىر كۇن بار. بارلىعىن ەرتەڭ قورىتىندىلايمىز. ٴبىزدىڭ ەلدە دە مەملەكەتتىك-جەكەمەنشىك سەرىكتەستىك بويىنشا سالىنىپ جاتقان قۇرىلىس نىساندارى بار»،-دەدى ارمەنيانىڭ قازاقستانداعى ەلشىسى سااكيان ارا.

ودان وزگە، فورۋم قوناقتارى كەلەسى جىلدىڭ باسىندا جۇمىسىن باستايتىن بالالار ستوماتولوگيالىق ەمحاناسى مەن مۇز سارايىنىڭ قۇرىلىسىمەن تانىستى. مۇز سارايى 2018 جىلدىڭ ٴۇشىنشى توقسانىندا اشىلادى. 2500 كورەرمەن سىياتىن عيماراتتىڭ جالپى الاڭى 6000 شارشى مەتر.

«ەكسپو-2017: وڭىرلەردىڭ دامۋ ٴيمپۋلسى» تاقىرىبى اياسىندا ٴوتىپ جاتقان حالىقارالىق ينۆەستيسيالىق فورۋم ەرتەڭ اياقتالادى. فورۋم اياسىندا جالپى قۇنى 200 ملرد. تەڭگە بولاتىن 11 مەموراندۋمعا قول قويىلادى دەپ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي